CPP/NPA-Surigao del Sur: Nag-Community Support Program (CSP) nga tropa sa 36th IBPA- nagkampo sa eskoylahan ug health center, gihimong taming ang mga sibilyan

Propaganda statement posted to the Communist Party of the Philippines (CPP) Website (Oct 20, 2020): Nag-Community Support Program (CSP) nga tropa sa 36th IBPA- nagkampo sa eskoylahan ug health center, gihimong taming ang mga sibilyan

SANDARA SIDLAKAN

SPOKESPERSON

NPA-SURIGAO DEL SUR

NORTHEAST MINDANAO REGIONAL OPERATIONAL COMMAND

NEW PEOPLE'S ARMY

OCTOBER 20, 2020

Ang New Peoples Army-Surigao del Sur sa Northeastern Mindanao Region ug ang katawhan hugot nga nagkundena sa pagkampo sa eskwelahan ug health center sa nag-Community Support Program (CSP), nga tropa sa 36th IBPA didto sa sityo Hitaob, Awacian, Tandag City, Surigao del Sur. Gihimong taming niini ang sibilyang komunidad ngadto sa mga ginalunsad nga aksyong militar sa NPA batok sa ilang mga tropa nga nag-CSP.

Kaniadtong Oktubre 16, sa may alas 12:40 sa udto, giisnayp-haras sa NPA-SDS ang nag-CSP nga tropa sa 36th IBPA nga nagkampo sa eskoylahan sa sityo Hitaob. Natapsingan sa dalunggan ug ilong si Ely Apasible, usa ka maestro sa maong tulunghaan nga nakigsagol adtong tungura sa panagtapok sa kaaway. Sa pikas bahin, adunay usa usab ka kaswalti sa han-ay sa nag-CSP nga tropa sa AFP.

Matod sa operatib sa NPA-SDS, walay klase niadtong tungura ang eskoylahan tungod sa Covid -19. Mireport ang maestro sa eskoylahan nianang buntag aron maghatod og mga modyuls ug pagkaon. Pagka alas 11:30 sa udto miadto diay siya didto sa klasrum kun asa nagkampo ang nag-CSP nga tropa sa 36th IBPA. Nakasul-ob kini og army cap, blue jersy nga sleeveles ug itom nga cargo short nga sama og porma sa kaaway, wala kini naka-uniporme. Resulta, napagan siya sa pag-aim sa isnayper-operatib sa NPA-SDS. Dili gyud intensyon nga siya ang tirahon. Wala nahibalo ang mga operatib nga naa diay sibilyan, naalaan ra kini siya.

Tungod niini namakwit ang mga lumulupyo sa kabalaka nilang madamay. Apan gihulga sila ni Lt. Col. Jezreel Diagmil, batalyon komander sa 36th IBPA nga kun dili sila mouli sa ilang lugar, kasohan ang ilang mga opisyales sa barangay nga kuno mga suporter sa NPA. Maong napugos silang mobalik sa ilang sityo.

Nakapahulga gyud ang pagpang-isnayp haras sa NPA-SDS ngadto sa nag-CSP nga tropa sa 36th IBPA tungod kay halos mokabat og 15 minutos ang unang hugna sa pagbalos-pamusil niini, samtang laing 5 minutos na usab nga pagpabuto nianang hapon. Nagresulta kini og grabeng kahadlok sa mga lumulupyo tungod sa paturagas nga pagpamusil sa AFP. Pagka alas 10:00 sa gabie sa mao ra nga petsa, naharas na usab sa NPA-SDS ang pipila ka nagnaog nga tropa sa 36th IBPA. Maong samot nga nabalaka ang kaaway kun sila lang ang magpabilin sa baryo, wala nay mga sibilyan.

Target sa mga aksyong militar sa NPA ang mga nag-CSP nga pwersa sa AFP ug PNP. Dako kaayo ang nahimong salaod ug kadaot niini sa kinabuhi ug panginabuhian sa katawhan dinha sa mga baryo. Ginapig-utan niini ang mga lumulupyo nga moadto sa ilang mga umahan ug ginalimitahan pa sila kun pila lang ka kilong bugas ang ilang pwedeng paliton. Nahimong pugaran pa kini sa mga dautan ug kriminal nga binuhatan sama nila sa paggamit og iligal nga droga, reyp,kawat, pinile implant (pag-injek og babyoil sa kinatawo sa lalaki), pagpatay ug uban pa. Kaylap usab ang peke ug pugsanong pagpasurender sa mga sibilyan nga kuno mga membro sa NPA, pag-red tag, pagpangsaywar ug pagpaniktik.

Mahimong pagtulun-an usab kini sa katawhan nga dili gyud mosagol ngadto sa mga armadong pwersa sa AFP kun anaa man ugaling magpondo o magkampo sa ilang mga komunidad. Nagapahimangno usab ang NPA-SDS ngadto sa katawhan nga dili gyud magsuot og mga sanina nga sama sa military aron dili maalaan. Kinahanglan, ipanghingusog sa katawhan nga papahawaon ang mga tropa sa AFP ug PNP nga nag-CSP sa ilang mga baryo aron malikayan ang pagkadamay sa mga sibilyan. Ug sa ingon mahunong na usab ang grabeng pagpahimulos ug pagpangdaogdaog sa mga berdugong AFP ug PNP dinha sa mga sibilyang komunidad.

Sa katapusan, ang pagkampo sa mga pwersa sa AFP ug PNP ngadto sa mga pangpublikong pasilidad, dakong paglapas sa internasyunal nga balaod sa gubat.

Papahawaon ang mga tropa sa AFP/ PNP sa mga sibilyang komunidad!
Dili pondohan o kampohan sa mga armadong yunit ang mga pampublikong pasilidad!
Katungod sa katawhan, respetuhan!

https://cpp.ph/statements/nag-community-support-program-csp-nga-tropa-sa-36th-ibpa-nagkampo-sa-eskoylahan-ug-health-center-gihimong-taming-ang-mga-sibilyan/