CPP/Ang Bayan Daily News & Analysis: 2 tagapagtanggol ng karapatang-tao sa Southern Tagalog, kinasuhan ng “terorismo”

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 27, 2023): 2 tagapagtanggol ng karapatang-tao sa Southern Tagalog, kinasuhan ng “terorismo” (2 human rights defenders in Southern Tagalog, charged with "terrorism")

 

June 27, 2023

Sinampahan ng 59th IB ng paglabag sa Anti-Terrorism Law ang dalawang tagapagtanggol ng karapatang-tao sa Southern Tagalog (ST), ayon sa ulat ng Karapatan-ST noong Hunyo 26. Natanggap ng grupo ang reklamo laban kina Anakbayan Southern Tagalog Regional Coordinator Ken Rementilla at Mothers and Children for the Protection of Human Rights (MCPHR) Secretary-General Jasmin Rubia kaugnay ng paglabag sa Section 12 ng naturang batas.

Pinaratangan ng reklamo ang dalawa na nagbigay ng suporta sa Partido Komunista ng Pilipinas (PKP) at Bagong Hukbong Bayan (BHB) noong Hulyo 22, 2022 sa Batangas. Giit ng Karapatan-ST, isa itong “alegasyong walang batayan.” Arbitraryong idineklara ng Anti-Terrorism Council, konsehong nilikha ng ATL, ang PKP at BHB bilang mga “teroristang organisasyon.”

Ang pagkaso ng “pagtulong sa terorismo” ay dahil sa isinagawang fact-finding mission (FFM) noong Hulyo 2022 para imbestigahan ang pagpaslang sa batang si Kyllene Casao sa Taysan, Batangas. Anang grupo, “ang mga ganitong gawa-gawang reklamo at kwento ng militar ay isang paraan ng 59th IB upang pagtakpan ang ginawa nilang pagpaslang kay Kyllene at Maximino Digno” sa Batangas sa nagdaang taon. Sinabi rin nilang ni wala si Rementilla sa naturang mga aktibidad.

Hindi malayong kaugnay ang naturang pagsasampa ng gawa-gawang kaso sa pag-abswelto ng Department of Justice noong Enero sa mga kriminal na sundalo ng 59th IB na sangkot sa pagpatay sa 9-taong gulang na si Kyllene.

Sa halip na kasuhan ang mga upisyal at tauhang sangkot sa walang patumanggang pamamaril na pumatay kay Kyllene, noo’y plano ng DOJ na kasuhan ang anim na taong iniuugnay sa PKP at BHB. Nauna nang pinabulaanan ng BHB-Batangas na walang yunit ng BHB sa komunidad nang mangyari ang pamamaril.
Resulta ng FFM

Sa inilunsd na FFM noong nakaraag taon, napag-alaman nilang pauwi na mula sa pangangahoy at pagpapastol ng mga kambing ang pamilyang Casao nang walang patumangga silang pinaputukan. Kasama noon ni Kyllene ang isa niyang kapatid at kanilang tatay sa Sityo Centro, Barangay Guinhawa, Taysan, Batangas, nang nakasalubong nila ang isang yunit ng 59th IB. Nakatigil ang naturang yunit militar na ito malapit sa mababang paaralan. Tinamaan ng bala si Kyllene at di na nakaabot sa ospital.

Naganap ang insidente matapos maengkwentro ng isang yunit ng 59th IB ang isang yunit ng BHB sa Sityo Amatong na nasabing barangay. Pinaghihiwalay ng matataas na bundok ang sityong ito sa Sityo Centro na pinangyarihan ng krimen.

Matapos nito, paulit-ulit na pinagbantaan ng militar ang pamilya Casao at tinakot ang mga lokal na residente para manahimik. Isinailalim din ang lugar sa kontrol ng militar kung saan ginamit ng mga sundalo ang mga istrukturang sibilyan gaya ng basketbolan, barangay hall at mga bahay para sa kanilang operasyon. Paulit-ulit na hinaraas at binantaan ng 59th IB ang mga grupo sa karapatang-tao na nagsasagawa ng mga makataong misyon. Tinakot pa rin sila maging sa burol ni Kyllene noong Hulyo 28, 2022.

Si Kyllene ang pinakabata sa listahan ng mga biktima ng sibilyang pagpatay sa maruming gera ng rehimeng Marcos Jr sa kanayunan. Siya rin ang pinakaunang kaso ng pampulitikang pagpatay na naitala sa Southern Tagalog.

https://philippinerevolution.nu/angbayan/2-tagapagtanggol-ng-karapatang-tao-sa-southern-tagalog-kinasuhan-ng-terorismo/

CPP/Ang Bayan Daily News & Analysis: Tagapangulo ng samahang magsasaka sa Negros Occidental, inaresto

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 26, 2023): Tagapangulo ng samahang magsasaka sa Negros Occidental, inaresto (Chairman of the farmer association in Negros Occidental, arrested)

 

June 26, 2023

Inaresto ng mga pwersa ng estado ang lider-magsasakang si Susan Medes, tagapangulo ng Baklayan, Bito, Cabagal Farmers Association (BABICAFA), sa Repullo St, Barangay 2, Kabankalan City, Negros Occidental noong Hunyo 25. Si Medes ay residente ng Sityo Bito, Barangay Buenavista, Himamaylan City.

Pangalawang bigwas ito ng mga armadong tauhan ng rehimeng Marcos laban sa naturang organisasyon ngayong buwan. Noong Hunyo 14, minasaker ng 94th IB ang pamilyang Fausto, mga kasapi ng naturang organisasyon, sa Barangay Buenavista, Himamaylan City.

Sinampahan ng gawa-gawang kaso si Medes. Idinadawit siya sa kasong pagpatay at pinararatangang kasapi ng Bagong Hukbong Bayan (BHB) sa isla ng Negros. Walang inirekomendang pyansa ang lokal na korte kaugnay ng kanyang kaso. Kasalukuyan siyang nakapiit sa Kabankalan City Police Station.

Ayon sa Human Rights Advocates Negros (HRAN), may 17 pang iba ang kinasuhan kasama ni Medes. Inaakusahan silang sangkot sa nangyaring engkwentro sa pagitan ng Philippine Army at BHB sa Sityo Bunsad, Barangay Tan-awan, Kabankalan City noong Mayo 12, 2018.

Ang asawa ni Medes na si Rodrigo, kasama ang anim na iba pa, ay dinakip din sa gawa-gawang mga kaso ng 62nd IB at pulis noong Hunyo 26, 2019 sa Himamaylan City. Mga kasapi rin sila ng BABICAFA.

https://philippinerevolution.nu/angbayan/tagapangulo-ng-samahang-magsasaka-sa-negros-occidental-inaresto/

CPP/Ang Bayan Daily News & Analysis: Lider-katutubo ng Cordillera, nagsampa ng kaso kontra PNP

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 25, 2023): Lider-katutubo ng Cordillera, nagsampa ng kaso kontra PNP (Indigenous leaders of the Cordillera, filed a case against the PNP)

 

June 25, 2023

Nagsampa ng kaso si Windel Bolinget, tagapangulo ng Cordillera Peoples Alliance (CPA), kasama ang iba pang mga kasapi ng organisasyon laban sa mga upisyal ng Philippine National Police (PNP) noong Hunyo 23 sa La Trinidad Municipal Court. Isinampa niya ang kontra-asunto kaugnay ng mga gawa-gawang kaso laban sa kanya at iba pa noong 2020 sa Tagum City, Davao Del Norte.

Partikular na inihain ng grupo ang Complaint for Moral, Actual and Exemplary Damages at paglabag sa Artikulo 19, 20, 21, at 32 ng Civil Code. Ayon sa grupo, nakaranas ng matinding pagmamanman at pagtugis sina Bolinget at ibang lider ng CPA.

Tinukoy ng reklamo na pangunahing sangkot sina PMaj. Ruth Dizon, dating hepe ng Kapalong Municipal Police Station sa Davao Del Norte, Ranel Tibog Vender, at PBGen R’Win Pagkalinawan na naglabas ng atas na “shoot to kill” noong Enero 2021 laban kay Bolinget.

“Dapat mabigyan ng hustisya ang hindi makatarungang pagkulong at malupit na mga atake laban sa aking organisayson, pamilya at sa akin mismo na resulta ng naturang kaso,” ayon kay Bolinget.

Dati na ring ginipit ng mga pwersa ng estado si Bolinget at idinawit sa samutsaring mga gawa-gawang kaso. Noong 2018, kasama siya sa higit 600 pinangalanang aktibista, mga progresibo at rebolusyonaryo sa kaso ng teroristang proskripsyon ng Department of Justice laban sa Partido Komunista ng Pilipinas at Bagong Hukbong Bayan.

Idinawit din siya sa isang kaso ng rebelyon noong Enero lamang, kasama ang anim pang iba. Kinilala sila bilang Northern Luzon 7, at kamakailan lamang ay ipinawalambisa ang mandamyento de aresto na ginamit sa kanila dahil sa mga anomalya.

“Dapat mapanagot ang mga tauhan ng estado na sangkot sa pagsasampa ng gawa-gawang mga kaso at iba pang paglabag sa karapatang-tao, lampas pa sa pagbabayad ng danyos-perwisyo, dapat silang tanggalin sa kanilang pusisyon dahil nilalabag nila ang konstitusyunal na karapatan sa tamang proseso at iba pang sibil na kalayaan,” giit ni Bolinget.

Nananawagan ang CPA na ihinto na ang paggamit ng estado sa batas na sandata laban sa mga tagapagtanggol ng karapatan ng mga katutubo at mga aktibista sa buong bansa. Anang grupo, ang pagsasampa nila ng kontra-asunto ay isa sa maraming paraan na isasagawa nila para labanan ang pag-atake ng estado.

https://philippinerevolution.nu/angbayan/lider-katutubo-ng-cordillera-nagsampa-ng-kaso-kontra-pnp/

CPP/Ang Bayan Daily News & Analysis: Profiling ng DepEd sa mga kasaping guro ng ACT, kinundena

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 24, 2023): Profiling ng DepEd sa mga kasaping guro ng ACT, kinundena (DepEd's profiling of ACT faculty members, condemned)

 

June 24, 2023

Kabi-kabila ang pagkundena sa internal na memorandum na inilabas ni Sara Duterte, kalihim ng Department of Education, na may petsang Hunyo 16, 2013 na nag-utos na tukuyin ang lahat ng mga gurong kasapi ng Alliance of Concerned Teachers (ACT). Ang memorandum ay ipinadala sa lahat ng pinuno ng ahensya sa antas rehiyon at dibisyon.

“Lubos na nakaaalarma ang operasyong profilng ng DepEd laban sa ACT at mga myembro nito at isa itong malinaw na paglabag sa mga batayang karapatan,” ayon kay House Deputy Minority Leader at ACT Rep. France Castro. “Ang pagsisiwalat at paglilikom ng kanilang sensitibong mga personal na impormasyon nang walang pahintulot mula sa kanila ay direktang pag-atake sa kanilang pribasiya at seguridad.”

Hindi nakikipagkoordina ang ACT sa sentral na pamunuan ng DepEd kaugnay sa mga usaping unyon kaya walang dahilan para sa gayong memorandum, ayon sa kongresista. Naniniwala siyang nilikom ang mga pangalan para ired-tag ang mga myembro nito.

Mula nang maupo si Duterte sa ahensya, at kahit bago pa nito, aktibo siya sa pangreredtag at pagpaparatang sa ACT at lahat ng mga progresibo. Noong Abril, panibagong serye ng redtagging ang ginawa ni Duterte, matapos maupo siya bilang co-chairperson ng NTF-Elcac. Dahil dito, naghapag ng reklamo ang mga guro sa International Labor Organization.

Sa kongreso, naghain ang mga kongresista ng Makabayan ng resolusyon para kundenahin ang naturang memorandun at ipanawagang kagyat na itigil ng ahensya ang iligal na profiling, papanagutin ang ahensya para magpaliwanag sa mga layunin nito at tiyakin na napoprotektahan ang lahat ng nakalap na personal na impormasyon at sensitibong datos ng mga myembro ng ACT alinsunod sa kanilang mga karapatan sa ilalm ng konstitusyon.

“Hindi namin ito deserve!” bwelta ng mga guro sa ACT NCR Union.

“Para sa profiling ba ito? Para matakot ang mga gurong myembro ng unyon?” anila. “Di namin mawari na ginagawa ito ng DepEd ngayong napakaabala ng mga guro sa napakaraming paperworks, school form at requirement. Wala pa nga ho kaming pahinga, delayed na delayed pa ang mga benepisyo!”

Ayon sa unyon, ang kailangan ng mga guro ngayon ay isang ahensyang may malasakit sa kanila na napakababa ng sahod, napakaraming trabaho at kapos sa benepisyo. “Ngayon, sisikilan nyo pa ng karapatang mag-unyon,” anito.

https://philippinerevolution.nu/angbayan/profiling-ng-deped-sa-mga-kasaping-guro-ng-act-kinundena/

CPP/Ang Bayan Daily News & Analysis: Trabahante sa konstruksyon, pinatay ng militar sa Masbate

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 23, 2023): Trabahante sa konstruksyon, pinatay ng militar sa Masbate (Construction worker, killed by military in Masbate)

 

June 23, 2023

Pinagbabaril at napatay ng mga pwersa ng Armed Forces of the Philippines (AFP) si Randy Dionan Mahinay sa Sityo Abanggan, Barangay San Carlos, Milagros noong Hunyo 21 ng umaga habang nagtatrabaho sa konstruksyon ng kalsada sa lugar. Naulila ni Mahinay ang kanyang asawa at mga anak.

Pinatay ng militar si Mahinay dahil idinadawit siya sa inilunsad na ambus ng Bagong Hukbong Bayan (BHB) laban sa mga aset paniktik at CAFGU, kung saan isa ang napatay, noong Abril 14 sa parehong barangay. Pinaratangan siyang tumulong sa mga Pulang mandirigma dahil lamang nagtatrabaho siya sa kalsada kung saan nangyari ang ambus.

Ayon pa sa ulat, pinalitan ng “sweat shirt” ang suot na uniporme sa trabaho ni Mahinay at sinukbitan pa ng baril upang palabasin na isa siyang mandirigma ng BHB na napatay sa engkwentro. Layon nitong pagtakpan ang karumal-dumal na krimen ng pagpatay sa sibilyan.

Isa rin siyang aktibong kasapi ng samahan ng mga maralitang magsasaka sa kanilang lugar na tutol sa planong pagpapalawak ng dayuhang kumpanyang Filminera-Masbate Gold Project sa bayan ng Mobo, Uson at Milagros.

Ang pamamaril at pagpatay ng mga sundalo sa mga sibilyan ay tahasang paglapastangan sa mga internasyunal na makataong batas, mga batas ng digma at iba pang internasyunal na deklarasyon na nagbibigay ng proteksyon sa mga sibilyan at di-kombatant saan man may armadong sigalot.

Ipinagbabawal sa ika-32 Artikulo ng Fourth Geneva Conventions ang anumang hakbang na magreresulta sa pagdurusang pisikal o pagpuksa sa mga taong nasa ilalim ng proteksyon nito. Anito “…hindi lamang ito aplikable sa pagpatay, tortyur, pananakit, mutilation (pagputol sa anumang bahagi ng katawan) …kundi maging sa iba pang pamamaraan ng brutalidad, gawa man ng ahenteng sibilyan o militar.”

Labag din ito sa Comprehensive Agreement on Respect for Human Rights and International Humanitarian Law (CARHRIHL) na pinirmahan ng Gubyerno ng Pilipinas at National Democratic Front of the Philippines.

https://philippinerevolution.nu/angbayan/trabahante-sa-konstruksyon-pinatay-ng-militar-sa-masbate/

CPP/Ang Bayan Daily News & Analysis: Kapitan ng barangay na tutol sa Filminera-Masbate Gold Project, tinangkang patayin ng AFP

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 23, 2023): Kapitan ng barangay na tutol sa Filminera-Masbate Gold Project, tinangkang patayin ng AFP (AFP attempted to kill barangay captain who opposed the Filminera-Masbate Gold Project)

 

June 23, 2023

Tinangkang patayin ng mga sundalo ng Armed Forces of the Philippines (AFP) si Rudolfo Ygot sa kanyang bahay sa Barangay Barag, Mobo, Masbate noong Hunyo 18. Ang 41-anyos na si Ygot ay kapitan ng naturang barangay at lubos na tumututol sa pagpapalawak ng Filminera-Masbate Gold Project sa kanilang komunidad.

Nakatakdang saklawin ng ekspansyon ng pagmimina ng Filminera ang mga bulubunduking bahagi sa mga bayan ng Milagros, Uson at Mobo. Pinangangambahan na matutulad ang mga bayang ito sa sinapit ng Aroroy kung saan pinatag ang lupa, nag-iwan ng malalaking buho at inimbakan ng mga nakalalasong kemikal ng Filminera.

Ang kumpanyang Filminera Resources Corporation ay 40% pag-aari ng B2Gold, kumpanyang Canadian, at 60% pag-aari ng kumpanyang Pilipino na Zoom Mineral Holdings Inc. Samantala, pag-aari ng B2Gold ang Philippine Gold Processing & Refining Corporation na nagpoproseso ng gold ore (batong may ginto).

Ayon mismo sa B2Gold, inaasahan nitong magpoprodyus ang Masbate Gold Project ng 170,000 hanggang 190,000 onse (ounce) ng ginto ngayong 2023. Gayundin, inaasahan nitong makapagpoproseso ang minahan ng 7.8 milyong tonelada ng ore.

Tutol si Ygot sa ekpansyon dahil batid niyang walang kaunlarang idudulot para sa kanyang nasasakupan ang pagmimina at sa halip ay itataboy nito ang mga residente mula sa kanilang lupa at kabuhayan.

Lubos na kinundena ng Pambansang Katipunan ng Magbubukid (PKM) sa Masbate ang tangkang pagpatay ng mga sundalo. Ayon sa grupo, pinupuntirya ng militar ang lokal na mga upisyal at masang Masbatenyo na patuloy na tumututol sa ekspansyon ng Filminera para hawanin ang landas sa pagpasok ng mapaminsalang mina.

Ilang araw pa lang ang nakaraan, naganap ang tangkang pagmasaker ng mga sundalo sa mga mangangasong magbubukid sa Sityo Manaybanay, Barangay Calabad, Dimasalang noong Hunyo 16. Napatay ng mga sundalo sa walang-habas na pamamaril ang 17-anyos na estudyanteng si Rey “Carling” Belan at ikinasugat ni Panoy Pepito. Hinuli rin ng mga sundalo ang tatlo pa nilang kasamahan.

Ang pamamaril at pagpatay ng mga sundalo sa mga sibilyan ay tahasang paglapastangan sa mga internasyunal na makataong batas, mga batas ng digma at iba pang internasyunal na deklarasyon na nagbibigay ng proteksyon sa mga sibilyan at di-kombatant saan man may armadong sigalot.

Ipinagbabawal sa ika-32 Artikulo ng Fourth Geneva Conventions ang anumang hakbang na magreresulta sa pagdurusang pisikal o pagpuksa sa mga taong nasa ilalim ng proteksyon nito. Anito “…hindi lamang ito aplikable sa pagpatay, tortyur, pananakit, mutilation (pagputol sa anumang bahagi ng katawan) …kundi maging sa iba pang pamamaraan ng brutalidad, gawa man ng ahenteng sibilyan o militar.”

Labag din ito sa Comprehensive Agreement on Respect for Human Rights and International Humanitarian Law (CARHRIHL) na pinirmahan ng Gubyerno ng Pilipinas at National Democratic Front of the Philippines.

https://philippinerevolution.nu/angbayan/kapitan-ng-barangay-na-tutol-sa-filminera-masbate-gold-project-tinangkang-patayin-ng-afp/

CPP/Ang Bayan Daily News & Analysis: Deklarasyong “insurgency-free” sa Quezon, para sa mga mapandambong na proyekto

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 23, 2023): Deklarasyong “insurgency-free” sa Quezon, para sa mga mapandambong na proyekto (Declaration of "insurgency-free" in Quezon, for predatory projects)

 

June 23, 2023

Pinabulaanan ng Bagong Hukbong Bayan (BHB)-North Quezon ang deklarasyon kamakailan ng lokal na gubyerno ng Quezon na “insurgency-free” o wala na ang rebolusyonaryong kilusan sa buong prubinsya. Ani Eliza ‘Ka Eli’ dela Guerra, tagapagsalita ng BHB-North Quezon, ang deklarasyong ito ay para lamang bigyang daan ang mapanira at mapandambong na mga proyekto sa prubinsya.

Pinatunayan ito ng pahayag ni Quezon Governor Angelina “Helen” Tan na nagsabing ang naturang deklarasyon ay umpisa ng inaasam na “paglago ng turismo, pagdagsa ng mga negosyo, at progresibong pag-unlad sa buong lalawigan ng Quezon.”

Ayon kay dela Guerra, kabilang sa mga proyektong ito ang mapangwasak na Kaliwa Dam at Kanan Dam ng New Centennial Watersource Project na sasaklaw sa General Nakar at Infanta.

“Malawakang pagkawasak sa Sierra Madre ang idudulot nito, at lalo sa papalalang climate change, kagimbal-gimbal na mga baha ang maaaring sumalanta sa populasyon at kalikasan oras na magkaroon ng matitinding bagyo,” giit niya.

Sa bayan ng Real, nagbabanta rin ang Real Wind Energy Project na ipinaketeng isang proyektong renewable energy, pero sa aktwal ay iskema ng malawakang pagpapalayas sa mga magsasaka. Sasaklawin ng naturang proyekto ang 5,670-ektaryang lupa. Nakaamba din ang mapangwasak na mga proyekto ng mga kumpanyang mapandambong sa Polillo Group of Islands. Kabilang sa mga ito ang kumpanyang Alphaland.

Giit ni dela Guerra, hindi kailanman titigil ang rebolusyon sa prubinsya hangga’t may pang-aalipin at pagsasamantalang dinadanas ang mamamayang Quezonin. “Nagngingitngit sa galit ang mga Quezonin sa mga isinusulong na huwad na proyektong pangkaunlaran dahil sa dala nitong mga bantang wasakin ang kanilang buhay at kabuhayan at ilubog sila sa higit na kahirapan.”

Idineklarang “insurgency-free” ang Quezon noong Hunyo 12, araw ng huwad na kalayaan, sa isang pagtitipon sa prubinsya. Pinangunahan ang aktibidad ni Tan, mga upisyal ng Armed Forces of the Philippines (AFP), Philippine National Police (PNP), at Department of the Interior and Local Government (DILG).

Ipinagmayabang sa pagtitipon ang paggamit ng “whole-of-nation” approach bilang susing programa sa kampanyang kontra-insurhensya, na sa esensya ay pagsupil sa pambansa at demokratikong pakikibaka ng mamamayang Quezonin.

https://philippinerevolution.nu/angbayan/deklarasyong-insurgency-free-sa-quezon-para-sa-mga-mapandambong-na-proyekto/

CPP/Ang Bayan Daily News & Analysis: Kaso laban sa suporter ng magsasaka sa Bohol, ibinasura

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 23, 2023): Kaso laban sa suporter ng magsasaka sa Bohol, ibinasura (Case against farmer's supporter in Bohol, dismissed)

 

June 23, 2023

Ibinasura noong Hunyo 21 ng Regional Trial Court (RTC) Branch 101 sa Talibon, Bohol ang mga kasong illegal possession of firearms and ammunition at illegal possession of explosives laban sa dating koordineytor ng Farmers Development Center (FARDEC) na si Carmilo Tabada. Ayon sa korte, kulang ang ebidensya para ituloy ang kaso.

Si Tabada, kagawad sa Barangay Poblacion sa Talibon, ay dinakip noong Hunyo 25, 2021 bandang ala-1 ng madaling araw sa kanyang bahay ng pinagsanib na pwersa ng Philippine National Police-Criminal Investigation and Detection Group (PNP-CIDG) at Armed Forces of the Philippines (AFP). Ayon sa kanyang mga kamag-anak, pinalabas ng mga pwersa ng estado na nakakuha sa kanyang bahay ng mga armas at pampasabog. Nakapagpyansa siya noong Disyembre 5, 2022.

Sa araw ding iyon inaresto ng mga pwersa ng estado si UCCP Pastor Nathaniel Valliente sa kanyang bahay sa Mabini, Bohol sa gawa-gawang mga kaso. Nakakulong pa si Pastor Valliente hanggang sa kasalukuyan.

Si Tabada ay kasapi ng FARDEC mula pa 1998 at gumampan ng susing papel sa pagtataguyod ng gilingan ng bigas sa bayan ng Trinidad na nakatulong sa mga magsasaka tulad ng Nagkahiusang Mag-uuma sa San Jose (NAMASAJO). Ayon sa FARDEC, malaki ang ginampanan niyang papel sa pagtatakda ng tamang presyo ng bigas at bumasag sa monopolyo ng mga komersyante sa lugar.

Ikinalugod ng grupong Karapatan-Central Visayas ang pagkakabasura ng mga kaso. Gayunpaman, isa lamang ito sa napakaraming kaso ng panggigipit at pagsasampa ng gawa-gawang asunto laban sa mga aktibista, progresibo at tagapagtaguyod ng karapatan ng mga magsasaka.

Noong Mayo 25 lamang, inaresto ng pulis at militar si Adolfo Salas,Sr, kasaping tagapagtatag ng Hugpong sa mga Mag-uumang Bol-anon (HUMABOL-KMP) at dating tagapangulo ng Alayon sa mga mag-uuma sa Candijay (AMACAN-HUMABOL). “Kaya naman, muli kaming nananawagan na kagyat na ibasura ang mga kaso laban sa mga bilanggong pulitikal, dahil ang mga ito ay pawang gawa-gawa lamang,” pahayag ng Karapatan-Central Visayas.

https://philippinerevolution.nu/angbayan/kaso-laban-sa-suporter-ng-magsasaka-sa-bohol-ibinasura/

CPP/Ang Bayan Daily News & Analysis: 2 backhoe, pinaralisa ng BHB sa Himamaylan City

Ang Bayan Daily News & Analysis online propaganda posted to the PRWC Newsroom, the blog site of the Communist Party of the Philippines (CPP) Information Bureau (Jun 23, 2023): 2 backhoe, pinaralisa ng BHB sa Himamaylan City (2 backhoes, paralyzed by the NPA in Himamaylan City)

 

June 23, 2023

Pinaralisa ng mga Pulang mandirigma ng Bagong Hukbong Bayan (BHB)-South Central Negros noong Hunyo 14 ang dalawang backhoe sa Sityo Bulod, Barangay Carabalan, Himamaylan City, Negros Occidental na ginagamit sa konstruksyon ng Himamaylan-Tayasan Road na magbibigay-daan sa malalaking kumpanyang mina na gustong pumasok sa kabundukan ng Cansermon, Tahod-Ilahas, Cambantog at kalapit na mga lugar.

Ang dalawang backoe na pag-aari ng ESJ construction firm ng mga Javelosa at mga Gensulin ay nagkakahalaga ng ₱7.5 milyon. Walang nasaktan na trabahador ng kumpanya sa operasyong ito.

Anang BHB, ang pagpasok ng mga kumpanyang mina sa mga erya na ito sa Negros Occidental ay tutungo sa pag-aagaw ng lupa ng tribung Ituman-Maghat-Bukidnon. Nakatakda ring buksan ang erya para sa ekoturismo na sasagasa sa kabuhayan ng mga residente.

Liban sa mga perwisyong ihahatid nito, nakatanggap din ng ulat ang hukbong bayan kaugnay ng hindi maayos na mga kundisyon sa paggawa at mababang sahod na ipinatutupad ng kumpanya.

Iniulat ng yunit ng BHB na nauna nang pinatawan ng sangsyon ang kumpanya noong Setyembre 2021 sa parehong mga rason.

https://philippinerevolution.nu/angbayan/2-backhoe-pinaralisa-ng-bhb-sa-himamaylan-city/

CPP/NPA-Southeast Negros: State terrorism and imperialist plunder in Southeast Negros on Marcos II regime’s first year

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 28, 2023): State terrorism and imperialist plunder in Southeast Negros on Marcos II regime’s first year

 


Estrella Banagbanag

Spokesperson

NPA-Southeast Negros (Rachelle Mae Palang Command)

Negros Island Regional Operational Command (Apolinario Gatmaitan Command)

New People's Army

June 28, 2023

The US-Marcos II regime’s first year deserves no fanfare or celebration from the people. As a poor copy of his late tyrant father, he has done nothing to uplift the conditions of the Filipino people and instead continued the bloody trail of his predecessor and loose ally Duterte. And, like the dictators before him, Marcos Jr. has proven himself to be another lapdog of imperialism, paving the way further for the US neoliberal offensive stomping on Philippine sovereignty and independence.

Particularly in Southeast Negros, the Marcosian agenda teems with blood, corruption, and foreign interests that domineer and destroy the livelihoods of farmers, farm workers, indigenous peoples, fisherfolk, urban poor, and other marginalized sectors. Through violence and deception, the state exploits the masses to serve their own selfish interests and that of their American masters.

The culture of impunity in the area is championed by mercenaries of the AFP’s 11th IB and the PNP’s Regional Mobile Group. Focused military operations, Retooled Community Support Programs and PNP substations plague hinterland barangays of Santa Catalina, Bayawan City, Valencia, Siaton, Pamplona, Sibulan, and Basay to threaten and harass residents with widespread militarization marked with human rights violations including red-tagging, enforced surrenders, harassment, militarizing civilian institutions and organizations, murders and massacres. The Pamplona massacre last March, along with the bloody Oplan Sauron on 2019 and continuing state-sponsored extrajudicial killings has become a hallmark to induce silence and minimize opposition from Negrosanons.

State forces are deployed in the countryside to act as attack dogs of Marcos Jr. in cahoots with foreign businesses. The perpetration of violence led by Marcos Jr. himself has been made an excuse to militarize communities, including the deployment of the AFP’s Light Reaction Company, to railroad his neoliberal agenda. In the blanket of ‘peace and development’, the reactionary armed forces introduce various ‘projects’ and ‘livelihood programs’. But these do not come from good will; instead, such projects act as cushion and preparatory steps for invasive imperialist and ruling class interests.

For example, the 174-hectare wide reclamation project in Dumaguete City that will displace communities and livelihoods, and the placement of RCSPs in mountain barangays are not for progress at all. The destructive mining operations that have been started by Midan, a South Korean mining firm, in Santa Catalina is in fact a pioneer project to eventually allow more businesses involving mining and quarrying, ecotourism, land-use conversion and other neoliberal attacks in Southeast Negros.

In the grand scheme of things, state terrorism has been utilized to allow imperialist entry and wayward exploitation of our country’s rich natural resources and cheap labor. Neoliberalism is branded with wanton violence. And it is in this reality that the rhetoric of a dismantled guerrilla front is clearly moot and used only to convince foreign interests to claw in Negros. As such, the state forces the people into a corner, resorting to no other choice but to resist, evident in the various anti-mining and anti-neoliberal mass movements in the area the past few months.

With this, the RMPC-NPA calls on the people of Southeast Negros to collectively resist state terrorism and imperialist plunder. It is pertinent that the broadest number be aroused, organized, and mobilized against militarization, land-grabbing, and foreign domination. The NPA will only continue to grow in strength despite the numerous and frankly obsolete ‘dismantled’ declarations. The masses in Southeast Negros cherish and support their genuine army, united in the notion of dismantling the semi-colonial and semi-feudal ruling system represented by US-Marcos II regime. ###

https://philippinerevolution.nu/statements/state-terrorism-and-imperialist-plunder-in-southeast-negros-on-marcos-ii-regimes-first-year/

CPP/NPA-Central Negros: Pirme gid nga maghalong sa berdugo kag uhaw sa dugo nga mga katapo sang 62nd IB

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 28, 2023): Pirme gid nga maghalong sa berdugo kag uhaw sa dugo nga mga katapo sang 62nd IB (The members of the 62nd IB are always mixed with executioners and bloodthirsty)

 


JB Regalado

Spokesperson

NPA-Central Negros (Leonardo Panaligan Command)

Negros Island Regional Operational Command (Apolinario Gatmaitan Command)

New People's Army

June 28, 2023

Halin pa Hunyo 23, tubtob kagahapon, padayon nga nagapanglusob ang 150 ka tropa sang pasistang 62nd IB sa mga komunidad sang mangunguma sa mga sityo sang Gomuktok kag Cansampo, Brgy Bagtik, La Libertad, Negros Oriental. Halos apat ka kolum sang nasambit nga tropa militar ang nagapangsaka-saka sang kabalayan kag nagapamahug sa mga mangunguma. Ginlagas kag ginpalukpan sang uhaw sa dugo nga tropa militar si Junior de los Trico (may kulang sa pang-isip). Nagtuga ini sang kahadlok kag trauma sa nasambit nga biktima.

Hunyo 26- may nag-abot pa nga 60 ka tropa militar sa Sityo Tiwi, Barangay Aya, La Libertad. Nagatiner ang mga ini sa sentro kag mga tindahan sa nasambit nga sityo. Ginahimo nga human shields ang puluy-an sang mga mangunguma batok sa ila mga pangontra. Nagapalupad sang mga drones nga nagakugmat kag nagdisturbo sa pumuluyo sa lugar bangud sang hinagunghong sang nasambit nga mga drones.

Samtang halin pa Hunyo 14, tubtob kagahapon, padayon pa nga nakapakat ang mga berdugong 62nd IB sa Brgy. Macagahay, Moises Padilla, Negros Occidental. Ginhimo nga kampo militar ang Brgy. Hall sang nasambit nga baryo.

https://philippinerevolution.nu/statements/pirme-gid-nga-maghalong-sa-berdugo-kag-uhaw-sa-dugo-nga-mga-katapo-sang-62nd-ib/

CPP/NPA-Abra: NPA-Abra strikes operating 24th IB troops in Sallapadan town

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 27, 2023): NPA-Abra strikes operating 24th IB troops in Sallapadan town

 


NPA-Abra (Agustin Begnalen Command)

Ilocos-Cordillera Regional Operational Command (Chadli Molintas Command)

New People's Army

June 27, 2023

On 27 June, 2023 the Agustin Begnalen Command-NPA-Abra launched an attack on operating troops of the 24th IB, in Sitio Mangmangga, Barangay Naguillan, Sallapadan, Abra. One soldier was killed.

This military action by the NPA serves to punish the mercenary AFP for its continuing crimes against the people. The 24th IB continues to conduct combat operations that disrupt the people’s production activities. They are constantly harassing and threatening civilians whom they suspect are NPA supporters. The AFP also continues to pocket public funds from its bogus surrender program.

In his second State of the Nation address this July, Ferdinand Marcos Jr. will do his best to paint a rosy picture of his regime’s ‘accomplishments’. But the people cannot be fooled. Every day is a struggle to feed their families, amidst the never-ending increases in the price of oil and basic commodities. The farmers know that Marcos Jr. has no intention to support local agriculture. His real intention is to push further trade liberalization through the RCEP (Regional Comprehensive Economic Partnership), as he hands over local agriculture to the comprador-bourgeoisie through the Kapatid Angat Lahat sa Agri (KALAP) Program. Its Masagana Rice Industry Development Program will further enrich the capitalist agrochemical suppliers.

In Abra, the state’s fake Comprehensive Agrarian Reform Program (CARP) has done nothing to break the politician-landlord-warlords’ monopoly of thousands of hectares of agricultural, including pasture, lands. Meanwhile the farmers bear the burden of high land rent, the high cost of chemical fertilizers and pesticides and usurious rates of interest on their debts. They grieve as their children are forced to take dangerous and low paying jobs in the town centers and abroad.

The people know that the only solution to end poverty and state fascism is through their continued support and participation in the national-democratic revolution. Thus the people continue to join and support the New People’s Army.

https://philippinerevolution.nu/statements/npa-abra-strikes-operating-24th-ib-troops-in-sallapadan-town/

CPP/NPA-Central Negros: Desperado nga Pagpinalupok sang 62nd IB sa La Libertad, Nagkugmat sa Pumuluyo

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 24, 2023): Desperado nga Pagpinalupok sang 62nd IB sa La Libertad, Nagkugmat sa Pumuluyo (The Desperate Crushing Blows of the 62nd IB in La Libertad, Enraged the Residents)

 


JB Regalado

Spokesperson

NPA-Central Negros (Leonardo Panaligan Command)

Negros Island Regional Operational Command (Apolinario Gatmaitan Command)

New People's Army

June 24, 2023

Lubos nga ginakakugmat sang pumuluyo sang Sityo Cansampo, Brgy. Bagtik, La Libertad, Negros Oriental kag mga kasikbit pa nga mga baryo ang desperado nga pagpinalupok sang mga katapo sang 62nd IB kagahapon sang hapon alas 5:30. Kapin sa lima ka minutos ang pagpaulan sang mga bala nga wala naman sang pangontra.

Ini nga kalapasan kag gawi sang nasambit nga tropa ang ika-duha na ka beses sa sulod lamang sa bulan sang Hunyo sang sini nga tuig. Nadumduman sang nagligad nga Hunyo 15 sang gab-i, nagpinalupok man ini sa Sityo Uyangan, Brgy Budlasan, Canlaon, Negros Oriental.

Dako man ang kahangawa sang pumuluyo sa nasambit nga mga lugar bangud para sa ila lab-as pa ang hitabo nga pagmasaker sa pamilya Fausto sang mga tropa sang 94th IB sa Sityo Kangkiling, Brgy Buenavista, Himamaylan City, Negros Occidental sadtong Hunyo 14 sang gab-i diin ginkamatay sang 4 sa membro sang nasambit nga pamilya Fausto.

Ang presenya sang pasistang militar sa kaumahan sang Central Negros ang nagasabwag sang kakugmat kag perwisyo sa mga sibilyan kag mangunguma. Tuyo lang sang militar ilabe na sang 303rd Bde PA commander B/Gen. Orlando Edralin nga isabwag ang kahadlok kag pagterorisa sang pumuluyo.

Sandig sa gintalana ni General Centino kay Edralin nga papason kag tapuson na ang rebolusyonaryong kahublagan ilabe na ang CPP-NPA sa isla sa katapusan sang tuig 2023, segurado ang LPC-NPA nga indi naman kaubos si Edralin sa iya senamo bilang Brigade Commander kaangay kay Arevalo, Pasaporte kag iban pa nga nag-agi nga mga kumander. Daw ginasindihan ang buli ni Edralin sa pagmando sa iya mga uhaw sa dugo nga mga soldado upod sa mga nagtraydor sa pumuluyo agud magpamintas kaangay sa pagtorture, pagpamatay, pagmasaker kag iban pa nga brutal nga pagpanglapas sang tawhanon nga kinamatarung. Mapilitan si Edralin nga magdrawing kag magpalapta nalang sang mga intriga kag mga linubid nga mga kabutigan sa publiko kag ipasibangud sa NPA agud papatihon ang kadam-an paagi sa ila mga bayaran nga propagandista kag tagtaghol sa paghinabon sang ila mga kapalpakan sa pagpakig-away batok sa CPP-NPA.

Mabaskog man nga ginakondenar sang LPC-NPA ang padayon nga militarisasyon kag pagterorisa sa mga komunidad sang mangunguma sa Central Negros sang berdugong militar ilabe na ang manugpatay nga tropa sang 62nd IB.

Ginapanawagan man sa tanan nga Negrosanon nga mag-isa, magtindog sa kamatuoran kag suportahan ang militante nga pagpamatok sang pumuluyo batok sa madata nga pagpanglapak sang tawhanon nga kinamatarung sa kaumahan. Lubos nga ibuyagyag ang pasismo sang estado sa pagpanguna sang rehimeng US-Marcos II kag mapintas nga makinaryas sini nga AFP, PNP kag NTF-Elcac.

Ilunsar ang lapanagon nga taktikal nga opensiba! Silotan ang berdugong AFP-PNP kag may utang dugo nga mga traidor sa pumuluyo kag rebolusyon!###

https://philippinerevolution.nu/statements/desperado-nga-pagpinalupok-sang-62nd-ib-sa-la-libertad-nagkugmat-sa-pumuluyo/

CPP/NPA-Masbate: Nakikiisa ang mga Masbatenyo sa masang Albayano sa pagharap sa delubyong hatid ng pagsabog ng bulkang Mayon

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 23, 2023): Nakikiisa ang mga Masbatenyo sa masang Albayano sa pagharap sa delubyong hatid ng pagsabog ng bulkang Mayon (The people of Masbatenyo join the masses of Albayano in facing the deluge caused by the eruption of the Mayon volcano)

 


Luz del Mar

Spokesperson

NPA-Masbate (Jose Rapsing Command)

Bicol Regional Operational Command (Romulo Jallores Command)

New People's Army

June 23, 2023

Ipinababatid ng mamamayang Masbatenyo at ng kanilang rebolusyonaryong kilusan ang pinakamahigpit na suporta at pakikiisa sa masang Albayano.

Sang-ayon sa panawagan ng Bagong Hukbong Bayan-Albay na pagtulong sa mga apektado, handa ang Jose Rapsing Command-BHB Masbate at mga rebolusyonaryong organisasyong masa na tumugon sa mga kinakailangang ambag at suporta para sa mga apektadong mamamayan.

Ang malubhang kalagayan sa kasalukuyan ng mga mamamayan ng prubinsya ay pagpapatunay sa ilang dekadang kapabayaan at paglapastangan ng reaksyunaryong gubyerno sa Mayon area upang gawing pugad ng neoliberalismo sa Albay.

Sa halip na ipamahagi ang malalawak na lupaing agrikultural sa labas ng palibot ng bulkan upang bungkalin at pagtamnan ng mga magsasaka, agresibong dinebelop ng lokal na naghaharing-uri tulad nina Joey Salceda at Zaldy Co ng AKO Bicol partylist ang Mayon area para sa ekoturismo, negosyo at mapaminsalang mga operasyong quarry at mina. Sa ilalim ng pakanang Guinobatan-Camalig-Daraga-Legazpi (GUICADALE) development complex, malawakang sinimento ang mga sakahan at taniman upang bigyang daan ang tahi-tahing mga kalsada, ang Bicol International Airport at ang Ibalong Cement Factory. Nagdulot ito ng malawakang dislokasyon sa mga komunidad ng magsasaka.

Dahil sa mga kontra-mamamayan at neoliberal na mga patakarang ito, wala nang mapupuntahan ang mga magsasaka. Sa katunayan, namumrublema ang mga lokal na yunit ng gubyerno na imantini ang lumalaking bilang ng mga evacuees lalo’t mahihirapan silang hanapan ang mga ito ng relokasyon. Hindi rin katanggap-tanggap para sa masa ang masisikip na relocation areas lalo’t malayo ito sa kanilang kabuhayan.

Tulad sa Albay, kasalukuyan ding kinakaharap ng mga Masbatenyo ang banta ng mas agresibong pananalasang neoliberal hatid ng ekspansyon ng Masbate Gold Project ng kumpanyang Filminera, Masbate International Tourism Enterprise ng Empark at iba pang mapaminsalang proyekto.

Nananawagan ang BHB – Masbate sa mamamayang Masbatenyo na mag-ambag ng pinakamalapad na pagtulong para sa mga kapwa nila Bikolano. Masbatenyo man o Albayano, lahat ay Pilipino at magkababayang malaon nang biktima ng kahirapan, gutom at pambubusabos ng estado. Sinumang nais magpaabot ng tulong ay maaaring umugnay sa mga yunit ng Hukbo o lokal na Sangay ng Partido sa kanilang lokalidad.

https://philippinerevolution.nu/statements/nakikiisa-ang-mga-masbatenyo-sa-masang-albayano-sa-pagharap-sa-delubyong-hatid-ng-pagsabog-ng-bulkang-mayon/

CPP/NPA-Masbate: Kampanya ng malawakang pamamaslang sa mga sibilyan, desperadong paraan ng AFP at ng rehimeng Marcos Jr-Duterte sa pagdurog sa armadong paglaban sa Masbate

Propaganda statement posted to the Communist Party of the Philippines (CPP) Philippine Revolution Web Central (PRWC) Website (Jun 23, 2023): Kampanya ng malawakang pamamaslang sa mga sibilyan, desperadong paraan ng AFP at ng rehimeng Marcos Jr-Duterte sa pagdurog sa armadong paglaban sa Masbate (Campaign of mass killing of civilians, desperate method of the AFP and the Marcos Jr-Duterte regime in crushing the armed resistance in Masbate)

 


Luz del Mar

Spokesperson

NPA-Masbate (Jose Rapsing Command)

Bicol Regional Operational Command (Romulo Jallores Command)

New People's Army

June 23, 2023

Pinagbabaril ng pwersa ng Armed Forces of the Philippines (AFP) habang nagtatrabaho sa kalsada sa Sityo Abanggan, Barangay San Carlos, Milagros si Randy Dionan Mahinay, 38-anyos, may asawa at mga anak nito lamang Hunyo 21, 2023 alas-8 ng umaga. Si Mahinay ang ika-15 biktima ng pampulitikang pamamaslang ng militar sa Masbate sa ilalim ng teroristang rehimeng US-Marcos Jr-Duterte.

Sa loob ng isang linggo, dalawa ang napaslang sa serye ng mga pagpatay na isinagawa ng militar ngayong ikalawang linggo ng Hunyo. Kabilang dito ang tangkang pagmasaker sa mga magbubukid sa hangganan ng Barangay Calabad at Balantay, bayan ng Dimasalang noong Hunyo 16 kung saan napatay ang menor-de-edad na si Rey Belan. Noong Hunyo 18, tinngka ring patayin ang punong barangay na si Rodolfo Igot sa kanya mismong tahanan sa Barangay Barag, bayan ng Mobo.

Walang iba kundi si Marcos Jr at Sara Duterte ang utak ng malawakang kampanya ng pagpaslang sa Masbate at sa buong bansa.

Pinalitan ng sweat shirt ang suot ni Mahinay na uniporme sa mga trabahante sa kalsada at sinaklayan pa ng baril upang palabasing NPA na napaslang ng militar sa isang engkwentro.

Si Mahinay ay aktibong kasapi ng samahan ng mga maralitang magsasaka sa kanilang lugar. Mahigpit na tinututulan ng kanilang samahan ang planong pagpapalawak ng dayuhang kumpanyang Filminera-Masbate Gold Project sa bayan ng Mobo, Uson at Milagros.

Pinalalabas ng kaaway na sangkot si Mahinay sa pag-ambus at pagkamatay ng kanilang abusadong intel na si Ganga Dalanon noong Abril 14, sa dahilang sa kalsadang tinatrabaho nito nangyari ang pananambang ng NPA sa kanilang tauhan.

Desperado ang kaaway na pagtakpan ang kanilang kabiguan at maghasik ng terorismo upang ilayo ang mas lumalawak pang suporta ng masa sa armadong pakikibaka.

Sa kabila ng matinding pagbatikos ng masang Masbatenyo sa tila sirang plakang paulit-ulit na pagpapatugtog ng mga pekeng balita at disimpormasyon ng mga tagapagsalita ng AFP sa sosyal midya ay walang kahihiyan pa ring naglulubid ito ng buhangin. Patunay ito na desperado ang kaaway na sirain ang imahe ng rebolusyonaryong kilusan at ng NPA sa mata ng masang Masbatenyo. At ibintang ang kanilang mga karumaldumal na krimen sa pulang Hukbo.

Hibang naman ang militar sa pag-aakalang paniniwalaan ng masang Masbatenyo ang kanilang kasinungalingan! Nagkakamali ang kaaway na maaaapula nila ang lumalagablab na suporta ng masang Masbatenyo sa armadong paglaban. Sa halip, lalong nauunawaan ng mga Masbatenyo na wasto, kailangan at makatarungan ang rebolusyonaryong armadong paglaban sa teroristang armadong pang-aapi ng estado.

Nananawagan ang JRC-BHB Masbate sa mga mamamayan ng prubinsya na kumilos upang kundenahin at isakdal ang rehimeng US-Marcos-Duterte sa malawakang pampulitikang pamamaslang na tatak ng kanyang unang taon sa kapangyarihan.

Lalong napapatunayang nakasalalay sa pagkakaisa at pagkilos ng mga Masbatenyo ang paglaban sa paghahari ng terorismong militar sa prubinsya. Napatunayang walang saysay ang matakot at manahimik.

Makiisa sa pagpapanagot sa militar, pulis at CAFGU sa nagaganap na malawakang pampulitikang pamamaslang sa Masbate. Maaaring ring dumulog o magsampa ng kaso ang mga pamilya at kaanak sa hukumang bayan. Makipag-ugnayan lang sa mga yunit na nakakasaklaw sa inyong mga lugar.

Kaisa ng masang Masbatenyo ang Jose Rapsing Command-NPA Masbate sa pagpapanagot at pagpapataw ng karampatang kaparusahan sa mga teroristang militar upang bigyang hustisya ang mga biktima ng pang-aabuso at ekstrahudisyal na pamamaslang. Ibayong paiigtingin ng NPA-Masbate ang paglulunsad ng mga taktikal na opensiba upang pagbayarin ng mahal ang mga elemento ng AFP-PNP-CAFGU na sangkot sa kampanya ng pagpatay at karahasan sa prubinsya.

Sa patuloy at mahigpit na pagsuporta at paglahok sa armadong pakikibaka tiyak na makakamit ng masang Masbatenyo ang tunay na katarungan at hustisya.

https://philippinerevolution.nu/statements/kampanya-ng-malawakang-pamamaslang-sa-mga-sibilyan-desperadong-paraan-ng-afp-at-ng-rehimeng-marcos-jr-duterte-sa-pagdurog-sa-armadong-paglaban-sa-masbate/