Dionesio Magbuelas
Spokesperson
NPA-South Central Negros (Mt. Cansermon Command)
Negros Island Regional Operational Command (Apolinario Gatmaitan Command)
New People's Army
December 11, 2022
Nagaupod ang bilog rebolusyonaryo nga pwersa sa South Central Negros kag ang Mount Cansermon Command-New People’s Army (MCC-NPA) sa pagsaulog sang adlaw sang tawhanon nga kinamatarung. Ini man nga adlaw nagapadumdum sa aton sa dungganon nga paghimakas sang bilog pumuluyo sa bilog kalibutan kag sang mga martir sa rebolusyon nga naghalad sa ila kabuhi para malab-ot ang sosyedad nga nagahatag respeto sa tawhanon nga kinamatarung.
Subongman, nagapadumdum ini sa aton sa kon paano ang subong nga sistema malakolonyal kag malapyudal nagabalewala sa kaayuhan sang pumuluyo ilabi na sang sahing anakbalhas kag iban pa nga sektor nga ginhimuslan idalum sa paghari sang pasista nga rehimen Marcos Jr. Naghatag igtalupangod bisan sa internasyunal nga komunidad ang naglungtad nga impunidad, pasismo, kag madamu nga numero sang paglapas sang tawhanon nga kinamatarung nga ginapangunahan sang reaksyonaryo nga estado.
Partikular sa South Central Negros, madamu nga insidente sang paglapas sa tawhanon nga kinamatarung ang natala. Subong nga tuig may tatlo ka insidente sang pagtortyur kag pagpatay sa mga rebolusyonaryo nga makabig nga hors de combat ukon wala na sang kapasidad nga magbato kaangay sang mag-asawa nga sila Ka Karding kag Ka Clea sang bulan sang Abril; ang nagmasakit nga mga kaupod nga sanday Ka Jack, Ka Chai, Ka Rocky kag Ka Caloy sang Hulyo; kag ang tigpamaba sang AGC-NPA nga si Ka Juanito Magbanua sang Oktubre. Sini lang ulihi isa ka NDF peace Consultant nga si Ka Ericson Acosta upod ang peasant organizer nga si Joseph Jimenez ang ginpatay paagi sa makasiligni nga pamaagi. Makita sini nga mga panghitabo ang wala pagrespeto sang estado sa internasyunal nga tawhanon nga laye kag sa CARHRIHL.
Dugang sini, ara man ang pagpang-atake sa mga sibilyan nga komunidad. Subong nga tuig natala ang mga masunod: pagpatay sang duha ka mag-utod nga mangunguma sang Marso; pagransak, pagguba sa mga kabalayan kag pag-ihaw sang mga manok kag pato sang mangunguma sang Hunyo; iligal nga pagdetini sang apat ka sibilyan nga pamilya Carpentero sang Setyembre; pugos nga pagpasurender nga naglab-ot sa masobra 50 ka indibidwal; kag sini nga Oktubre lang natala ang 18,000 ka indibidwal nga apektado sang pilit nga pagpabakwit, patarasak nga pagpaniro sa 15 ka pamalay sang mga tumandok, pagpangransak sa mga kabalayan; apat ka insidente sang iligal nga pagpangdakop kag pagdetini nga nagbiktima sa 10 ka sibilyan kag isa diri ang menor de edad. Ang may kahimuan sini ang mersenaryo nga kasundalohan sang estado nga amu ang AFP/PNP kag NTF-ELCAC.
Kadungan sa militarisasyon kag armado nga pagpangatake, malawig nga ginahimuslan ang pumuluyong Pilipino idalum sang kontra-pumuluyo nga programa kag polisiya nga amat-amat nagapatay sa ila. Naga-antus gihapon ang malapad nga mamumugon sa manubo nga sweldo, wala sang trabaho, kakulang sang serbisyo sosyal, nubo nga kalidad sang edukasyon, padayon nga pagtaas sang sandigan nga mga balaklon, kawalay duta, wala sang pungsodnon nga industriyalisasyon, korapsyon sa burukrasya kag madamu pa. Ang nagalungtad nga dunot nga sistema malawig na nga nagadingot sa kinamatarung kag wala nagarespeto sa pumuluyo.
Ini nga adlaw indi lamang nagapanumdum sa hambalanon sa pagrespeto sang katungod kag tawhanon nga kinamatarung kundi nagapatimaan nga kinahanglan pa ini himakasan, hugpongon ang kusog sang pumuluyo, kag magrebolusyon para sa pagdula sa mapahimuslanon nga sistema sa pungsod kag sa bilog kalibutan. Kinahanglan padayon nga maghimakas ang pumuluyo kag mga biktima sang paglapas sa tawhanon nga kinamatarung agud maangkon ang hustisya nga madugay na nga gindingot sa ila.###
https://philippinerevolution.nu/statements/isaulog-ang-international-human-rights-day-paagi-sa-pagdumdum-sa-mga-martir-sg-rebolusyon/
Nagaupod ang bilog rebolusyonaryo nga pwersa sa South Central Negros kag ang Mount Cansermon Command-New People’s Army (MCC-NPA) sa pagsaulog sang adlaw sang tawhanon nga kinamatarung. Ini man nga adlaw nagapadumdum sa aton sa dungganon nga paghimakas sang bilog pumuluyo sa bilog kalibutan kag sang mga martir sa rebolusyon nga naghalad sa ila kabuhi para malab-ot ang sosyedad nga nagahatag respeto sa tawhanon nga kinamatarung.
Subongman, nagapadumdum ini sa aton sa kon paano ang subong nga sistema malakolonyal kag malapyudal nagabalewala sa kaayuhan sang pumuluyo ilabi na sang sahing anakbalhas kag iban pa nga sektor nga ginhimuslan idalum sa paghari sang pasista nga rehimen Marcos Jr. Naghatag igtalupangod bisan sa internasyunal nga komunidad ang naglungtad nga impunidad, pasismo, kag madamu nga numero sang paglapas sang tawhanon nga kinamatarung nga ginapangunahan sang reaksyonaryo nga estado.
Partikular sa South Central Negros, madamu nga insidente sang paglapas sa tawhanon nga kinamatarung ang natala. Subong nga tuig may tatlo ka insidente sang pagtortyur kag pagpatay sa mga rebolusyonaryo nga makabig nga hors de combat ukon wala na sang kapasidad nga magbato kaangay sang mag-asawa nga sila Ka Karding kag Ka Clea sang bulan sang Abril; ang nagmasakit nga mga kaupod nga sanday Ka Jack, Ka Chai, Ka Rocky kag Ka Caloy sang Hulyo; kag ang tigpamaba sang AGC-NPA nga si Ka Juanito Magbanua sang Oktubre. Sini lang ulihi isa ka NDF peace Consultant nga si Ka Ericson Acosta upod ang peasant organizer nga si Joseph Jimenez ang ginpatay paagi sa makasiligni nga pamaagi. Makita sini nga mga panghitabo ang wala pagrespeto sang estado sa internasyunal nga tawhanon nga laye kag sa CARHRIHL.
Dugang sini, ara man ang pagpang-atake sa mga sibilyan nga komunidad. Subong nga tuig natala ang mga masunod: pagpatay sang duha ka mag-utod nga mangunguma sang Marso; pagransak, pagguba sa mga kabalayan kag pag-ihaw sang mga manok kag pato sang mangunguma sang Hunyo; iligal nga pagdetini sang apat ka sibilyan nga pamilya Carpentero sang Setyembre; pugos nga pagpasurender nga naglab-ot sa masobra 50 ka indibidwal; kag sini nga Oktubre lang natala ang 18,000 ka indibidwal nga apektado sang pilit nga pagpabakwit, patarasak nga pagpaniro sa 15 ka pamalay sang mga tumandok, pagpangransak sa mga kabalayan; apat ka insidente sang iligal nga pagpangdakop kag pagdetini nga nagbiktima sa 10 ka sibilyan kag isa diri ang menor de edad. Ang may kahimuan sini ang mersenaryo nga kasundalohan sang estado nga amu ang AFP/PNP kag NTF-ELCAC.
Kadungan sa militarisasyon kag armado nga pagpangatake, malawig nga ginahimuslan ang pumuluyong Pilipino idalum sang kontra-pumuluyo nga programa kag polisiya nga amat-amat nagapatay sa ila. Naga-antus gihapon ang malapad nga mamumugon sa manubo nga sweldo, wala sang trabaho, kakulang sang serbisyo sosyal, nubo nga kalidad sang edukasyon, padayon nga pagtaas sang sandigan nga mga balaklon, kawalay duta, wala sang pungsodnon nga industriyalisasyon, korapsyon sa burukrasya kag madamu pa. Ang nagalungtad nga dunot nga sistema malawig na nga nagadingot sa kinamatarung kag wala nagarespeto sa pumuluyo.
Ini nga adlaw indi lamang nagapanumdum sa hambalanon sa pagrespeto sang katungod kag tawhanon nga kinamatarung kundi nagapatimaan nga kinahanglan pa ini himakasan, hugpongon ang kusog sang pumuluyo, kag magrebolusyon para sa pagdula sa mapahimuslanon nga sistema sa pungsod kag sa bilog kalibutan. Kinahanglan padayon nga maghimakas ang pumuluyo kag mga biktima sang paglapas sa tawhanon nga kinamatarung agud maangkon ang hustisya nga madugay na nga gindingot sa ila.###
https://philippinerevolution.nu/statements/isaulog-ang-international-human-rights-day-paagi-sa-pagdumdum-sa-mga-martir-sg-rebolusyon/
No comments:
Post a Comment
Note: Only a member of this blog may post a comment.