CPP/NPA-Cengtral Negros: Anay CAFGU Ginsilotan sang NPA!

NPA;Central Negros propaganda statement posted to the Communist Party of the Philippines Website (Mar 11): Anay CAFGU Ginsilotan sang NPA!

JB Regalado, Spokesperson
NPA-Central Negros (Leonardo Panaligan Command)

11 March 2018
Press Release

Tamparos sa AFP kag Digong Duterte ang madinalag-on nga pagpatuman sang silot-kamatayon kay anay CAFGU Billy Cantela sa proper sang Brgy. Sandayao, Guihulngan City, Negros Oriental. Gintigayon sang NPA ang pagsilot malapit sa CAFGU Detachment nga nahamtang sa nasambit nga lugar sadtong Marso 8, 2018 mga alas 8: 00 sang aga. Napamatbatan sang rebolusyonaryong korte si Billy sa madamo nga kasong arson, pagpamahug, pagpangkastigo, pagpalupok sang armas luthang, papangawat kag pagpanglugos.

Si Billy Cantela responsableng naglugos sang iya kaugalingon nga bayaw kag sa asawa sang iya upod man nga CAFGU sadto. Tuig 1987 may kaso man sang pagpalupok nga nagresulta sang pagkabuang sang isa ka inosenteng mangunguma bangud sang grabe nga kahadlok. Responsable man siya sa pagsunog sa 15 tanan ka mga puluy-an sa sityo Maluy-a, Brgy. Sandayao, Guihulngan sadtong tuig 1988.

May kahilabtanan man siya sa asud-asod nga pagsunog sang 44 ka mga kabalayan sa sityo Kalubasa sakop sa Brgy. Tacpao, Guihulngan sadtong Abril 1988 kag pagsunog man sang 34 ka bubong sa sityo Batong-buang, Trinidad, Guihulngan sadtong Oktubre 1988. Isa man siya nga imbolbado sa pagpangdakop sa mga inosenteng sibilyan ilabe na gid ang pamilya Pederie sa sityo Libas sakop sang Brgy. Imelda, Guihulngan diin ginpasibangdan ini nga mga katapo sang NPA. Nangatubang man siya sang kaso sang pagpang-strafing sa mga sibilyan, pagpangsaka-saka sang mga kabalayan kag pagpangawat sang mga pagkabutang sang mangunguma.

Si Billy masupog nga katapo sang mga kriminal kag malain nga elemento sadto nga naga-operar sa mga binukid sang Guihulngan. Lakip sa sini nga grupo sanday Tiyoy Belotindos, Cristen Tumarong, Gauden Sola-sola, a certain Tevez kag Benny Sebomit. Iban sini sa ila ang nasilotan na sang NPA. Ang terorismo sadto nga ginapanghimo sang grupo ni Billy Cantela kaangay lang sang terorismo.

https://www.philippinerevolution.info/statements/20180311-anay-cafgu-ginsilotan-sang-npa