CPP/NPA-Surigao del Sur: Armadong gwardya sa MR1 Construction gi-reyd sa NPA-Surigao del Sur

Propaganda statement posted to the Communist Party of the Philippines (CPP) Website (Jun 27, 2021): Armadong gwardya sa MR1 Construction gi-reyd sa NPA-Surigao del Sur

SANDARA SIDLAKAN

SPOKESPERSON

NPA-SURIGAO DEL SUR

NORTHEAST MINDANAO REGIONAL OPERATIONAL COMMAND

NEW PEOPLE'S ARMY

JUNE 27, 2021

Malampusong gi raid sa NPA-Surigao del Sur ang mga armadong gwardya sa MR1 Construction sa may Brgy. Zone 3, Lungsod sa Lanuza, Surigao del sur niadtong Hunyo 24, 2021 bandang alas 8:47 sa kagabhion.

Pagdis-arma lamang unta ang ipahigayon sa mga NPA apan nahitabo ang pinusilay dihang misukol ang mga armadong gwardya niini.

Usa sa namatay ang usa ka ex-cafgu nga si Edwin Daraman, hingkod ang pangidaron lumolupyo sa Brgy. San Roque, Madrid, S.D.S ug laing usa nga samaron nga usa sa kanhing Cafgu nga si Melvin Buniel kinsa nadapatan pa og first aid sa mga rebolusyonaryong medikal nga parehong lumolupyo sa nahisgutang lugar.

Gawas sa napatay ug samdan, dali-daling nakasibat ang usa ka aktibong Cafgu nga nailang si Mr. Tangkaag.

Gisunog gilayon ang mga equipment nga gilangkoban sa 2 ka mga backhoe ug usa ka pison.

Human sa hitabo giambush sa NPA-SDS ang miresponde nga pwersa sa kapulisan nga nagsakay sa patrol car. Milungtad sa 2 minutos ang pagsinukliay og mga bala sa mga NPA batok sa mga kapulisan.

Kadungan niini giharass na usab sa NPA ang naka standby nga mga personahe sa Regional Mobile Group o (RMG).

Nasayran nga si Paulo Lopez ang usa ka bayaw ni Congressman Butch Pichay sa nahisgutang probinsya ang nanag-iya sa pagpadagan ug pagdumala sa MR1 Construction ug kakusanbo niini ang tag-as nga mga opisyal sa mga pasistang Armed Forces of the Philippines ug Philippine National Police.

Nakumpiska sa Bagong Hukbong Bayan ng 2 ka M16 armalite rifle, 1 Shotgun,1 ka punto 45 cal. pistol, 2 ka mga bandolier, 8 ka VHF handheld radio ug ubay-ubay nga mga buhing bala.

Mikabat sa 5 minutos ang pagpangatake.

Ang malampusong raid nga gilunsad sa mga NPA nagpakita sa padayong nagkalapad nga suportang masa sukwahi sa gipasiatab sa AFP ug PNP nga gi deklara kuno sa katawhan nga persona non grata ang rebolusyonaryong kalihukan sa munisipyo ug tibuok bahin sa rehiyon sa Caraga.

Gilunsad ang pagpangatake isip usa sa paghatag og silot tungod sa kalapasan sa aktibong paggukod o pagguba sa rebolusyonaryong kalihukan usa na niini ang paghatag og dugang reward ni Surigao del Sur Congressman Butch Pichay sa si bisan kinsang makapadakop ug makapatay sa mga nag-unang lider sa NPA.

Dugang kaso usab ni Surigao del sur Congressman Butch Pichay ug Paulo Lopez ang pagpanghambog niini nga makig engwentro ug puohon ang rebolusyonaryong kalihukan.

Samtang sa susamang higayon luwas nga naka withdraw ang mga NPA.

https://cpp.ph/statements/armadong-gwardya-sa-mr1-construction-gi-reyd-sa-npa-surigao-del-sur/