NPA-NEGROS ISLAND
MT. CANSERMON COMMAND
NEW PEOPLE'S ARMY
NOVEMBER 04, 2019
Mabaskog nga ginakondenar sang Mount Cansermon Command New People’s Army ang simultaneous nga illegal search nga ginpatigayon sang kumbinado nga pwersa sang 3ID PA, CIDG, SWAT sang PNP sa mga opisina sang mga progresibo kag demokratikong organisasyon sa Bacolod City, Negros Occidental sadtong Oktubre 31 sang hapon.
Lubos man ginakondenar sang NPA-MCC ang ilegal nga pagpang-aresto sa 62 ka mga aktibista, cultural artists, media lakip na ang minors kag mga indibidwal sa sulod sang nasambit nga mga talatapan bangud sang mga hinimu-himo nga kaso kag pagtanum sang mga armas kag eksplosibo.
Tuyo sini nga pahugon kag pahipuson ang nagabaskog nga demokratikong paghimakas sang pumuluyo sa isla dira sa pagpanguna sang mga progresibong organisasyon kaangay sang Bayan, Bayan Muna, KMU, NFSW, Gabriela kag iban pa nga mga kritiko batok sa tiraniya kag pasismo sang estado.
Labi pa nga ginakondenar sang NPA-MCC ang pagtago sang AFP kag PNP sa mga biktima nga kabataan dira sa naga-claim nga mga ginikanan kag abogado. Ang pagdingot sang AFP kag PNP sa mga nagakabalaka nga ginikanan nga makita ang sitwasyon sang ila mga minor de edad nga kabataan matapos ang ilegal nga pag-aresto isa ka paglapas sang tawhanon nga kinamatarung. Nagalapak man sa duna nga kinamatarung sang mga natungdan nga biktima ang malawig nga pagdetinar sa kamot sang pasistang tropa sang kapulisan samtang wala man sang may ginpasaka nga kaso sa mga natungdan.
Ini isa ka mahigko kag desperado nga tikang sang reaksyonaryong kag otokratikong estado sang rehimeng US-Duterte upod sa mga idu-ido sini nga pasistang AFP kag PNP. Paagi sa ila lubos nga pagpatuman sang MO#32-de facto Martial Law kag EO#70-NTF to End Local Communists and Armed Conflict idalum sa Oplan Kapanatagan, handum sini nga papason ang bug-os nga rebolusyonaryong kahublagan upod ang crackdown campaign batok sa mga progresibong sektor nga masami ginapasibangdan nga mga legal fronts sang CPP-NPA sa pungsod.
Partikular sa South-Central Negros, madata man ang mga human rights violations sa porma sang EJK, ilegal nga pagpangdakop sa mga inosenteng mangunguma kag pagpapreso sini paagi sa pagtanum sang mga armas, eksplosibo kag iban pa nga hinimu-himo nga mga kaso. Kon nadumduman pa ang mga nagkalatabo sa mga binukid sang Bindoy, Manjuyod kag Ayungon sa Negros Oriental sang nagliligad nga mga binulan kag ang pinakaulihi ang ilegal nga pagpang-aresto sa 8 ka mga mangunguma sa Brgy. Buenavista, Himamaylan City, Negros Occidental nga direkta ginkomiter sang pasistang AFP ilabe na gid ang 62nd IBPA, 94th IBPA kag tropa sang mga kapulisan idalum sa 704th RMF-Bn.
Damgo nga nagabugtaw lamang ang AFP sa pagpanguna ni B/Gen. Benedict Arevalo sang 303rd BdePA, B/Gen. Eric Vinoya sang JTF-ELCAC, Capt. Cenon Pancito sang 3IDPA upod ang PNP sa pagpanguna man nila Police Col. Romeo Baleros kag Police Lt. Col. Jovie Espenido nga nagahandum sa pagpapas sang rebolusyonaryong kahublagan sa Negros antis matapos ang tuig 2019 sa mando ni Duterte.
Bangud sang maitom nga handum sang AFP/PNP upod sa mapintas nga rehimeng US-Duterte batok sa pumuluyong Negrosanon; segurado ang MCC-NPA nga dugang pa nga magalala ang pasismo kag magtulod sa pumuluyo nga magpasakop sa armadong rebolusyon kag sa NPA agud ilunsar ang mga malapnagon nga taktikal nga opensiba; kadungan sang indi mapunggan nga paghimakas sang pumuluyo para mag-isa sang ila kaugalingon nga hanay kag igi-it ang mga demokratikong kinamatarung kag interes sini sa duta kag palangabuhian para sa tunay nga kahilwayan, demokrasya kag malawigon nga kalinong. Maisog nga magsinggitan sang hustisya kag magbuyagyag sang mga kontra-pumuluyo nga mga patakaran sa ekonomiya kag pulitika, korapsyon, pasismo kag iban pa nga mga pakana kag kalakasan tubtob sa pagrumpag sang pasista kag tiraniyang rehimeng US-Duterte.
Dapat hangpon ni B/Gen. Benedict Arevalo, B/Gen. Eric Vinoya, Capt. Cenon Pancito, P/Col. Romeo Baleros kag P/Lt. Col. Jovie Espenido kag iban pa nga ara sa otoridad nga ang “tanan nga butang may katapusan.” Ang nagalala nga pasismo sa Negros bangud sang inyo mga kalakasan kag mapintas nga kamot, magatagbong sa inyo sa “kumunoy” kag magbutang man sa inyo sa “basurahan sang kasaysayan.”
Hustisya para sa mga biktima sang pasismo sang estado!
Isulong ang Demokratikong Rebolusyon sang Banwa!
Pasingkion ang inaway banwa tubtob sa kadalag-an!
Mabaskog nga ginakondenar sang Mount Cansermon Command New People’s Army ang simultaneous nga illegal search nga ginpatigayon sang kumbinado nga pwersa sang 3ID PA, CIDG, SWAT sang PNP sa mga opisina sang mga progresibo kag demokratikong organisasyon sa Bacolod City, Negros Occidental sadtong Oktubre 31 sang hapon.
Lubos man ginakondenar sang NPA-MCC ang ilegal nga pagpang-aresto sa 62 ka mga aktibista, cultural artists, media lakip na ang minors kag mga indibidwal sa sulod sang nasambit nga mga talatapan bangud sang mga hinimu-himo nga kaso kag pagtanum sang mga armas kag eksplosibo.
Tuyo sini nga pahugon kag pahipuson ang nagabaskog nga demokratikong paghimakas sang pumuluyo sa isla dira sa pagpanguna sang mga progresibong organisasyon kaangay sang Bayan, Bayan Muna, KMU, NFSW, Gabriela kag iban pa nga mga kritiko batok sa tiraniya kag pasismo sang estado.
Labi pa nga ginakondenar sang NPA-MCC ang pagtago sang AFP kag PNP sa mga biktima nga kabataan dira sa naga-claim nga mga ginikanan kag abogado. Ang pagdingot sang AFP kag PNP sa mga nagakabalaka nga ginikanan nga makita ang sitwasyon sang ila mga minor de edad nga kabataan matapos ang ilegal nga pag-aresto isa ka paglapas sang tawhanon nga kinamatarung. Nagalapak man sa duna nga kinamatarung sang mga natungdan nga biktima ang malawig nga pagdetinar sa kamot sang pasistang tropa sang kapulisan samtang wala man sang may ginpasaka nga kaso sa mga natungdan.
Ini isa ka mahigko kag desperado nga tikang sang reaksyonaryong kag otokratikong estado sang rehimeng US-Duterte upod sa mga idu-ido sini nga pasistang AFP kag PNP. Paagi sa ila lubos nga pagpatuman sang MO#32-de facto Martial Law kag EO#70-NTF to End Local Communists and Armed Conflict idalum sa Oplan Kapanatagan, handum sini nga papason ang bug-os nga rebolusyonaryong kahublagan upod ang crackdown campaign batok sa mga progresibong sektor nga masami ginapasibangdan nga mga legal fronts sang CPP-NPA sa pungsod.
Partikular sa South-Central Negros, madata man ang mga human rights violations sa porma sang EJK, ilegal nga pagpangdakop sa mga inosenteng mangunguma kag pagpapreso sini paagi sa pagtanum sang mga armas, eksplosibo kag iban pa nga hinimu-himo nga mga kaso. Kon nadumduman pa ang mga nagkalatabo sa mga binukid sang Bindoy, Manjuyod kag Ayungon sa Negros Oriental sang nagliligad nga mga binulan kag ang pinakaulihi ang ilegal nga pagpang-aresto sa 8 ka mga mangunguma sa Brgy. Buenavista, Himamaylan City, Negros Occidental nga direkta ginkomiter sang pasistang AFP ilabe na gid ang 62nd IBPA, 94th IBPA kag tropa sang mga kapulisan idalum sa 704th RMF-Bn.
Damgo nga nagabugtaw lamang ang AFP sa pagpanguna ni B/Gen. Benedict Arevalo sang 303rd BdePA, B/Gen. Eric Vinoya sang JTF-ELCAC, Capt. Cenon Pancito sang 3IDPA upod ang PNP sa pagpanguna man nila Police Col. Romeo Baleros kag Police Lt. Col. Jovie Espenido nga nagahandum sa pagpapas sang rebolusyonaryong kahublagan sa Negros antis matapos ang tuig 2019 sa mando ni Duterte.
Bangud sang maitom nga handum sang AFP/PNP upod sa mapintas nga rehimeng US-Duterte batok sa pumuluyong Negrosanon; segurado ang MCC-NPA nga dugang pa nga magalala ang pasismo kag magtulod sa pumuluyo nga magpasakop sa armadong rebolusyon kag sa NPA agud ilunsar ang mga malapnagon nga taktikal nga opensiba; kadungan sang indi mapunggan nga paghimakas sang pumuluyo para mag-isa sang ila kaugalingon nga hanay kag igi-it ang mga demokratikong kinamatarung kag interes sini sa duta kag palangabuhian para sa tunay nga kahilwayan, demokrasya kag malawigon nga kalinong. Maisog nga magsinggitan sang hustisya kag magbuyagyag sang mga kontra-pumuluyo nga mga patakaran sa ekonomiya kag pulitika, korapsyon, pasismo kag iban pa nga mga pakana kag kalakasan tubtob sa pagrumpag sang pasista kag tiraniyang rehimeng US-Duterte.
Dapat hangpon ni B/Gen. Benedict Arevalo, B/Gen. Eric Vinoya, Capt. Cenon Pancito, P/Col. Romeo Baleros kag P/Lt. Col. Jovie Espenido kag iban pa nga ara sa otoridad nga ang “tanan nga butang may katapusan.” Ang nagalala nga pasismo sa Negros bangud sang inyo mga kalakasan kag mapintas nga kamot, magatagbong sa inyo sa “kumunoy” kag magbutang man sa inyo sa “basurahan sang kasaysayan.”
Hustisya para sa mga biktima sang pasismo sang estado!
Isulong ang Demokratikong Rebolusyon sang Banwa!
Pasingkion ang inaway banwa tubtob sa kadalag-an!
No comments:
Post a Comment
Note: Only a member of this blog may post a comment.