From the Philippine Information Agency (Apr 22): Cebuano News: Duterte, andam gubaton ang Sulu aron mahunong na ang kalihokan sa Abu Sayyaf (News: Duterte, ready to invade Sulu to stop the activities of the Abu Sayyaf)
Kun gikinahanglan, andam nga gubaton ni Presidente Rodrigo Duterte ang tibuok lalawigan sa Sulu aron mahunong ang kalihokan nga pagpangdagit sa mga bandidong Abu Sayyaf Group.
Mao kini ang hulga ni Presidente Duterte sa bandidong grupo human gipugotan niini og ulo ang usa sa ilang dinakpan nga Pilipino ning bag-o lang ug ang pagsulay pagsulong sa mga miyembro sa ASG sa lalawigan sa Bohol niadtong April 10.
“I will invade Jolo. Invasion na lang talaga. But maraming madisgrasya niyan, civilian, bata. Pag naipit na ang bayan I will order an invasion Jolo. Lahat ng Army, military pupunta doon, bakbakan na talaga. Iyan ang gusto nila ibibigay ko sa kanila,” hulga ni Presidente Duterte.
Sa iyang kalit nga pagbisita dinhi sa Bohol kagahapon aron maminaw sa Security Briefing kalabot sa Engkwentro sa Inabanga ug ASEAN Summit, miingon si Duterte nga iya na usab gi-konsiderar nga tugotan na ang mga sibilyan nga magdala og armas aron makatabang sa gobyerno sa pagbatok sa kriminalidad ug terorismo.
Matud pa nga kun siya ang masunod, mas gusto pa niyang makitang patay ang mga kriminal imbes nga buhi pa kini.
Una nang nitanyag og P1 milyon si Presidente Duterte sa makatabang sa pagsikop sa matag miyembro sa ASG nga nagpabiling nagtago-tago sa kabukiran sa Inabanga.
Sila ang kauban sa grupo ni Abu Rami nga naka-engkwentro sa mga otoridad sa Barangay Napo, Sitio Ilaya, sa lungsod sa Inabanga ning lalawigan niadtong Abril 11 nga naka-ikyas sa binakbakay.
http://news.pia.gov.ph/article/view/1081492670246/cebuano-news-duterte-andam-gubaton-ang-sulu-aron-mahunong-na-ang-kalihokan-sa-abu-sayyaf
No comments:
Post a Comment
Note: Only a member of this blog may post a comment.