Maoche Legislador
Spokesperson
Negros Island Regional Operational Command (Apolinario Gatmaitan Command)
New People's Army
June 10, 2023
Ang Apolinario Gatmaitan Command – New People’s Army (AGC-NPA) Negros Island kag bilog nga rebolusyonaryo nga kahublagan sa isla, nagademanda sa berdugo nga 94th Infantry Battalion (94th IB), 62nd IB kag 303rd Brigade, nga ipakita kag ibalik sa ila mga pamilya sila Lyngrace Marturillas, 28 anyos, Denald Mialen, 18 anyos, kag Renel De los Santos, 21 anyos nga ila gin-abduct sang ligad nga Abril kag 52 na ka adlaw nga mga biktima sang enforced disappearance.
Madumduman nga sadtong Abril 19, mga alas 6:25 sang gab-i, gin-abduct sila National Democratic Front of the Philippines (NDFP) Consultant Rogelio Posadas (Ka Cocoy) kag ang iya upod nga si Marturillas samtang nagasakay sa duha ka habal-habal nga motor nga gindrayban nila Mialen kag De los Santos sa hi-way sang Brgy. Aranda pakadto sa Brgy. Camalo-balo sa banwa sang Hinigaran, Negros Occidental. Suno sa mga nakakita sa insidente, ginbalabagan sila sang isa ka puti nga van sa diin nagpanaug sa salakyan ang mga armado nga tawo nga naka-bonnet kag pilit nga ginkuha-pasulod sa nasambit nga salakyan sila Posadas kag Marturillas upod ang duha ka drayber.
Si NDFP Consultant Rogelio Posadas gindeklara sang 303rd Brigade nga napatay sa isa ka peke nga engkwentro sa tunga sang NPA kag mga tropa sang 94th IB kag 62nd IB sa Brgy. Santol, Binalbagan, Negros Occidental pagkaaga sang Abril 20. Samtang si Marturillas, Mialen kag De los Santos wala pa nakita tubtob subong. Wala-untat ang pagpangita sang mga pamilya sang mga biktima apang wala kaluoy ang 303rd Brigade sa pagtago sa tatlo agud hinabunan ang natabo sa ila.
Sila Rogelio Posadas, Lyngrace Marturillas, Denald Mialen kag Renel De los Santos lakip sa madamu na nga biktima sang terorismo sang estado humalin pa sa diktadurya ni Marcos Sr tubtob subong nga nagbulos ang iya bata nga si Marcos Jr nga kaangay sang amay nga bantog sa pagka-berdugo kag pasista. Sa idalum sang rehimen Marcos II, sa lapit isa ka tuig sang iya paghari, halos 300 na ang kaso sang paglapas sang tawhanon nga kinamatarung ang na-monitor sang Ang Paghimakas diri sa isla sang Negros.
Wala na gid sang iban pa nga may kapasidad sang sini nga mga makasiligni nga hinimoan batok sa rebolusyonaryo nga pwersa kag pumuluyo kundi ang mga bayaran kag mapintas nga Armed Forces of the Philippines (AFP), Philippine National Police (PNP) kag National Task Force (NTF)-Elcac sa mando ni Marcos Jr. Paagi sa pagtabon nga “daugon ang gyera” kag “tapuson ang insurhensya” sa bilog isla sang Negros, muklat kag wala-untat ang paglapas sang mga berdugo kag pasistang AFP kag PNP sa demokratiko kag tawhanon nga kinamatarung sang pumuluyo kag pila ka mga kasugtanan sa gyera kag Comprehensive Agreement on Respect of Human Rights and International Humanitarian Law (CARHRIHL).
Ginapanawagan sang AGC-NPA sa mga pamilya Marturillas, Mialen kag De los Santos nga indi magpangluya sa pagpangita sang hustisya kag pagsukot sa 303rd Brigade sa ila hinimoan kag padayon sa pagdemanda sa militar nga ibalik sa inyo nga buhi ang inyo himata. Ginapanawagan man sang AGC-NPA sa mga tawong-simbahan, human rights advocates, mga maki-tawhanon nga institusyon, local government unit kag iban pa nga mga matuod nga peace-loving people nga buligan ang mga pamilya para makita ang tatlo ka desaparecidos, upod na sa pamilya sang urban poor organizer nga si Iver Larit nga isa ka tuig na nga nadula matapos gin-abduct man sang mga pwersa sang estado.
Kinahanglan manabat man ang bilog nga pasistang hirarkiya sa ila command responsibility, sila sanday 3rd Infantry Division Commander MGen. Marion Sison, Visayas Commmand Chief Lt. Gen. Benedict Arevalo, Philippine Army Chief Lt. Gen. Romeo Brawner Jr, AFP Chief of Staff Gen. Andres Centino, kag ila Commander-in-Chief nga si Pres. Ferdinand Marcos Jr.
Ginapahibalo sang AGC-NPA nga ang kaso sa pagpatay kay NDFP Consultant Rogelio Posadas kag lain pa nga kaso sang pilit nga pagkadula sang tatlo niya ka upod ang ginpasaka na sa Rebolusyonaryo nga Korte sang Pumuluyo sa Negros. Sa matuod, wala gid sang malauman nga hustisya halin sa reaksyonaryo nga rehimen Marcos Jr sa krimen nga ini mismo ang naghimo. Ang NPA, ang matuod nga hangaway sang pumuluyo, ang magpatuman sang rebolusyonaryong hustisya batok sa mga kriminal nga AFP/PNP/NTF-Elcac kag mga ahente sini.
Subongman, ginamando sa tanan nga larangan gerilya sa Negros ang lapnagon nga paglunsar sang mga taktikal nga opensiba batok sa mga pasistang tropa sa isla agud sukton sila sang mahal sa ila mga krimen kag utang nga dugo sa pumuluyo. Pangapinan sang NPA ang pumuluyong Negrosanon halin sa mga dalagku kag sustenido nga focused military operations ilabi na sa kaumhan. Himuon ini samtang nagapatuman man sang komprehensibo nga hilikuton sang armado nga paghimakas, rebolusyong agraryo, kag pagtukod sang baseng masa kag pagpabakud sang mga organo sang gahum pampulitika.###
https://philippinerevolution.nu/statements/dapat-buy-an-sang-303rd-brigade-sila-lyngrace-denald-kag-renel/
Ang Apolinario Gatmaitan Command – New People’s Army (AGC-NPA) Negros Island kag bilog nga rebolusyonaryo nga kahublagan sa isla, nagademanda sa berdugo nga 94th Infantry Battalion (94th IB), 62nd IB kag 303rd Brigade, nga ipakita kag ibalik sa ila mga pamilya sila Lyngrace Marturillas, 28 anyos, Denald Mialen, 18 anyos, kag Renel De los Santos, 21 anyos nga ila gin-abduct sang ligad nga Abril kag 52 na ka adlaw nga mga biktima sang enforced disappearance.
Madumduman nga sadtong Abril 19, mga alas 6:25 sang gab-i, gin-abduct sila National Democratic Front of the Philippines (NDFP) Consultant Rogelio Posadas (Ka Cocoy) kag ang iya upod nga si Marturillas samtang nagasakay sa duha ka habal-habal nga motor nga gindrayban nila Mialen kag De los Santos sa hi-way sang Brgy. Aranda pakadto sa Brgy. Camalo-balo sa banwa sang Hinigaran, Negros Occidental. Suno sa mga nakakita sa insidente, ginbalabagan sila sang isa ka puti nga van sa diin nagpanaug sa salakyan ang mga armado nga tawo nga naka-bonnet kag pilit nga ginkuha-pasulod sa nasambit nga salakyan sila Posadas kag Marturillas upod ang duha ka drayber.
Si NDFP Consultant Rogelio Posadas gindeklara sang 303rd Brigade nga napatay sa isa ka peke nga engkwentro sa tunga sang NPA kag mga tropa sang 94th IB kag 62nd IB sa Brgy. Santol, Binalbagan, Negros Occidental pagkaaga sang Abril 20. Samtang si Marturillas, Mialen kag De los Santos wala pa nakita tubtob subong. Wala-untat ang pagpangita sang mga pamilya sang mga biktima apang wala kaluoy ang 303rd Brigade sa pagtago sa tatlo agud hinabunan ang natabo sa ila.
Sila Rogelio Posadas, Lyngrace Marturillas, Denald Mialen kag Renel De los Santos lakip sa madamu na nga biktima sang terorismo sang estado humalin pa sa diktadurya ni Marcos Sr tubtob subong nga nagbulos ang iya bata nga si Marcos Jr nga kaangay sang amay nga bantog sa pagka-berdugo kag pasista. Sa idalum sang rehimen Marcos II, sa lapit isa ka tuig sang iya paghari, halos 300 na ang kaso sang paglapas sang tawhanon nga kinamatarung ang na-monitor sang Ang Paghimakas diri sa isla sang Negros.
Wala na gid sang iban pa nga may kapasidad sang sini nga mga makasiligni nga hinimoan batok sa rebolusyonaryo nga pwersa kag pumuluyo kundi ang mga bayaran kag mapintas nga Armed Forces of the Philippines (AFP), Philippine National Police (PNP) kag National Task Force (NTF)-Elcac sa mando ni Marcos Jr. Paagi sa pagtabon nga “daugon ang gyera” kag “tapuson ang insurhensya” sa bilog isla sang Negros, muklat kag wala-untat ang paglapas sang mga berdugo kag pasistang AFP kag PNP sa demokratiko kag tawhanon nga kinamatarung sang pumuluyo kag pila ka mga kasugtanan sa gyera kag Comprehensive Agreement on Respect of Human Rights and International Humanitarian Law (CARHRIHL).
Ginapanawagan sang AGC-NPA sa mga pamilya Marturillas, Mialen kag De los Santos nga indi magpangluya sa pagpangita sang hustisya kag pagsukot sa 303rd Brigade sa ila hinimoan kag padayon sa pagdemanda sa militar nga ibalik sa inyo nga buhi ang inyo himata. Ginapanawagan man sang AGC-NPA sa mga tawong-simbahan, human rights advocates, mga maki-tawhanon nga institusyon, local government unit kag iban pa nga mga matuod nga peace-loving people nga buligan ang mga pamilya para makita ang tatlo ka desaparecidos, upod na sa pamilya sang urban poor organizer nga si Iver Larit nga isa ka tuig na nga nadula matapos gin-abduct man sang mga pwersa sang estado.
Kinahanglan manabat man ang bilog nga pasistang hirarkiya sa ila command responsibility, sila sanday 3rd Infantry Division Commander MGen. Marion Sison, Visayas Commmand Chief Lt. Gen. Benedict Arevalo, Philippine Army Chief Lt. Gen. Romeo Brawner Jr, AFP Chief of Staff Gen. Andres Centino, kag ila Commander-in-Chief nga si Pres. Ferdinand Marcos Jr.
Ginapahibalo sang AGC-NPA nga ang kaso sa pagpatay kay NDFP Consultant Rogelio Posadas kag lain pa nga kaso sang pilit nga pagkadula sang tatlo niya ka upod ang ginpasaka na sa Rebolusyonaryo nga Korte sang Pumuluyo sa Negros. Sa matuod, wala gid sang malauman nga hustisya halin sa reaksyonaryo nga rehimen Marcos Jr sa krimen nga ini mismo ang naghimo. Ang NPA, ang matuod nga hangaway sang pumuluyo, ang magpatuman sang rebolusyonaryong hustisya batok sa mga kriminal nga AFP/PNP/NTF-Elcac kag mga ahente sini.
Subongman, ginamando sa tanan nga larangan gerilya sa Negros ang lapnagon nga paglunsar sang mga taktikal nga opensiba batok sa mga pasistang tropa sa isla agud sukton sila sang mahal sa ila mga krimen kag utang nga dugo sa pumuluyo. Pangapinan sang NPA ang pumuluyong Negrosanon halin sa mga dalagku kag sustenido nga focused military operations ilabi na sa kaumhan. Himuon ini samtang nagapatuman man sang komprehensibo nga hilikuton sang armado nga paghimakas, rebolusyong agraryo, kag pagtukod sang baseng masa kag pagpabakud sang mga organo sang gahum pampulitika.###
https://philippinerevolution.nu/statements/dapat-buy-an-sang-303rd-brigade-sila-lyngrace-denald-kag-renel/
No comments:
Post a Comment
Note: Only a member of this blog may post a comment.