CPP/NPA-Surigao del Sur: AFP pinatakang namomba na usab sa mga gidudahang kampo sa NPA-Surigao del Sur

Propaganda article posted to the Communist Party of the Philippines (CPP) Website (Oct 28, 2020): AFP pinatakang namomba na usab sa mga gidudahang kampo sa NPA-Surigao del Sur

SANDARA SIDLAKAN

SPOKESPERSON

NPA-SURIGAO DEL SUR

NORTHEAST MINDANAO REGIONAL OPERATIONAL COMMAND

NEW PEOPLE'S ARMY

OCTOBER 28, 2020

Sa bukirong dapit sa Mahaba sakop sa Marihatag, sa may alas 5:00 sa kaadlawon, laing kaso nausab sa huramentadong pagpamomba ang gihimo sa 4th ID ngadto sa duha ka gidudahan nilang kampo sa NPA-Surigao del Sur. Mokabat sa kapin 5 ka oras ang pagpamomba nila gamit ang ilang Agusta Westland attack helicopter, MG520 ug drones pangsurbeylans. Ikalimang insidente na kini sa pagpamomba og kaadlawon sa AFP gikan Mayo hangtod Oktubre dinhi sa probinsya sa Surigao del Sur.

Human sa maong insidente, namakwit ang mga Lumad nga nagpuyo sa mga komunidad sa Magkahunao, Andap, Han-ayan, KM16 ug uban pa tungod sa kahadlok nila nga madamay sa pagpamomba sa AFP. Grabeng kalisang ang gibati sa mga lumulupyo nga nadul-an sa pagpangbundak og bomba ilabina sa mga bata nga maoy hilabihang natruma sa maong panghitabo.

Niining tunga-tunga sa tuig 2020, gawas nga daan nang giyak-an sa nag-Community Support Program (CSP) sa mga tropa sa 75th IBPA ug 3rd SFB ang mga hilit nga komunidad sa Lianga, Marihatag, San Miguel, Cagwait ug San Agustin gibuboan na usab kini og dugang tropa sa AFP ug PNP.

Ang subsob nga pagpamomba sa AFP ngadto sa mga gidudahang kampo nila sa NPA-SDS, kabahin sa gastuso ug dili makatarunganong gera sa rehimeng US-Duterte aron pukanon ang rebolusyonaryong kalihukan sa rehiyon. Tumong niini mao ang paghawan sa dalan alang sa hanoy nga pagpasulod sa mga lokal ug langyaw’ng minahan ug plantasyon bugti sa kaalaotan sa katawhan. Isa sa gikahinaman sa mga kompanya sa minahan mao ang Andap Valley Complex sa Surigao del Sur nga adunay daghang reserbang bulawan ug coal.

Taliwala sa grabeng atake sa rehimeng US-Duterte, AFP ug PNP ngadto sa rebolusyonaryong kalihukan sa NEMR, wala gihapon nahikawi og inisyatiba ang NPA-SDS. Nakalunsad kini og pipila ka mga aksyong militar gikan Mayo hangtod Oktubre batok sa mga berdugong AFP ug PNP.

Ikundena ang pinatakang pagpamomba sa AFP!
Papahawaon ang mga berdugong AFP ug PNP sa mga sibilyang komunidad!

https://cpp.ph/statements/afp-pinatakang-namomba-na-usab-sa-mga-gidudahang-kampo-sa-npa-surigao-del-sur/