JB Regalado
Spokesperson
NPA-Central Negros (Leonardo Panaligan Command)
Negros Island Regional Operational Command (Apolinario Gatmaitan Command)
New People's Army
July 16, 2023
Mabaskog nga ginakondenar sang Leonardo Panaligan Command-New People’s Army (LPC-NPA) ang pagpangkastigo sang mga katapo sang 62nd IB sa mga mangunguma sang Barangay Budlasan, Canlaon City, Negros Oriental sadtong Hulyo 6 sang nagpatigayon ang pasistang tropa sang combat operation sa lugar.
Hulyo 6, alas 5:00 sang kaagahon, wala sang search warrant nga ginpakita ang mga katapo sang 62nd IB sang ginransak ang balay ni Edward Sandot, 40 anyos, may asawa kag mga kabataan sa Sityo Uyangan, Brgy. Budlasan. Ginpang-ukay kag ginpangwas-ag ang mga kagamitan sang nasambit nga pamilya. Gin-imbestigar si Sandot kag ginpangitaan sang NPA nga pilason. Bangud wala siya ihibalo sang ginapangita sang tropa militar, wala kaluoy nga ginkastigo ang biktima sa presenya sang iya mga kabataan kag asawa. Napuno sang lagub ang kalawasan ni Sandot tuga sang pagkastigo. Nagtuga man ini sang kahadlok sa pamilya kag na-trauma ang mga kabataan.
Alas 8:00 sang aga sini man nga adlaw, ginkastigo sang lain pa nga tropa sang 62nd IB si Budok Sandot, 40 anyos, may asawa kag kabataan sa Sityo Hinumayan sang amo man nga baryo kag syudad. Halos indi na ini makabangon tuga sang wala kaluoy nga pagkastigo sang militar sa iya. Samtang si Christopher Sandot sang Sityo Uyangan nga nagkadto sa balay ni Budok agud magbayad sa iya utang sa karabaw sa ina man nga oras, wala kaluoy nga ginkastigo man sang militar.
Si Joselito Patulada sang Sityo Katuguisan, Brgy Budlasan, Canlaon ang ginkastigo man sang nasambit nga tropa militar. Kadungan sini nga ginkastigo sang berdugong 62nd IB si Roberto Francisco sang Sityo Uyangan, Brgy Budlasan.
Makahuluya kag butigon ang Armed Forces of the Philippines (AFP) ilabi na si B/Gen. Orlando Edralin sang 303rd Bde nga masami nagasugid nga sila ang “protektor sang pumuluyo” kag nagasunod sang protocols of war. Ini ang lunsay pagpatalang, tinalawan kag desperado nga lihok sang AFP. Ang padayon nga pagbayolar sang militar sa tawhanon nga kinamatarung sang pumuluyo sa kaumahan sang Central Negros ang matuod nga nagamanipestar sang pasista, berdugo kag kriminal nga kinaiya sang AFP kag kabilugan nga mga pwersa sang estado.
Lubos man ginakondenar sang LPC-NPA ang pagpakuno-kuno sang pasistang 62nd IB nga mga katapo sang New People’s Army sila Reymart Dayanan, Gerome Geronimo, Yuling Landisa, Regine Landisa, Lanie Pasinabo kag iban pa nga nagserbe giya sa nasambit nga operasyon militar sang 62nd IB.
Samtang, padayon ang mga operasyon militar sang 62nd IB halin Hulyo 12 tubtob subong nga adlaw Hulyo 16. Kapin sa 200 ka tropa sang 62nd IB ang nakapakat sa Canlaon City kag Guihulngan City, Negros Oriental kag Moises Padilla, Negros Occidental. Naglab-ot sa walo ka kolum sang nasambit nga tropa militar ang makita nga nagalusob sa lugar.
May mga kolum sang 62nd IB nga makita sa Brgy. Macagahay proper, Moises Padilla. Gingamit nga kampo militar ang brgy hall sang nasambit nga baryo. Makita man ang iban pa nga kolum sini sa mga sityo sang Tubod sang Brgy. Macagahay. May ara man mahisayran sa mga sityo sang Kambairan kag Banderahan sang Brgy. Trinidad, Guihulngan City. May kolum man nga makita sa mga sityo sa Cabulay, Tabalogo kag Gusa sakop sang Brgy. Budlasan, Canlaon City. Ginhimo nga kampo militar ang Tabalogo Elementary School.
Nagapangsaka-saka ang nasambit nga militar sang mga kabalayan kag gina-imbestigar ang pumuluyo. Pilit nga ginapa-ako kag ginapasibangdan sila nga mga supporter sang NPA.
Mentras wala katumanan ang matuod nga reporma sa duta kag padayon ang pagpamigos kag panghimulos sa mga mangunguma sa kaumahan, padayon nga maga-usbong ang armadong paghimakas nga ginpartisipahan sang mga mangunguma bilang mayor nga pwersa nga naga-isa sa kusog sang sahing mamumugon. Padayon nga ginapamunuan sang Communist Party of the Philippines (CPP) ang demokratikong rebolusyon sang banwa tubtob sa tunay nga kadalag-an.
Silotan ang pasista kag berdugong 62nd IB! Sukton ang mga traydor nga may utang nga dugo sa pumuluyo kag rebolusyon!
https://philippinerevolution.nu/statements/mga-mangunguma-sa-canlaon-city-ginkastigo-sang-mga-katapo-sang-62nd-ib/
Mabaskog nga ginakondenar sang Leonardo Panaligan Command-New People’s Army (LPC-NPA) ang pagpangkastigo sang mga katapo sang 62nd IB sa mga mangunguma sang Barangay Budlasan, Canlaon City, Negros Oriental sadtong Hulyo 6 sang nagpatigayon ang pasistang tropa sang combat operation sa lugar.
Hulyo 6, alas 5:00 sang kaagahon, wala sang search warrant nga ginpakita ang mga katapo sang 62nd IB sang ginransak ang balay ni Edward Sandot, 40 anyos, may asawa kag mga kabataan sa Sityo Uyangan, Brgy. Budlasan. Ginpang-ukay kag ginpangwas-ag ang mga kagamitan sang nasambit nga pamilya. Gin-imbestigar si Sandot kag ginpangitaan sang NPA nga pilason. Bangud wala siya ihibalo sang ginapangita sang tropa militar, wala kaluoy nga ginkastigo ang biktima sa presenya sang iya mga kabataan kag asawa. Napuno sang lagub ang kalawasan ni Sandot tuga sang pagkastigo. Nagtuga man ini sang kahadlok sa pamilya kag na-trauma ang mga kabataan.
Alas 8:00 sang aga sini man nga adlaw, ginkastigo sang lain pa nga tropa sang 62nd IB si Budok Sandot, 40 anyos, may asawa kag kabataan sa Sityo Hinumayan sang amo man nga baryo kag syudad. Halos indi na ini makabangon tuga sang wala kaluoy nga pagkastigo sang militar sa iya. Samtang si Christopher Sandot sang Sityo Uyangan nga nagkadto sa balay ni Budok agud magbayad sa iya utang sa karabaw sa ina man nga oras, wala kaluoy nga ginkastigo man sang militar.
Si Joselito Patulada sang Sityo Katuguisan, Brgy Budlasan, Canlaon ang ginkastigo man sang nasambit nga tropa militar. Kadungan sini nga ginkastigo sang berdugong 62nd IB si Roberto Francisco sang Sityo Uyangan, Brgy Budlasan.
Makahuluya kag butigon ang Armed Forces of the Philippines (AFP) ilabi na si B/Gen. Orlando Edralin sang 303rd Bde nga masami nagasugid nga sila ang “protektor sang pumuluyo” kag nagasunod sang protocols of war. Ini ang lunsay pagpatalang, tinalawan kag desperado nga lihok sang AFP. Ang padayon nga pagbayolar sang militar sa tawhanon nga kinamatarung sang pumuluyo sa kaumahan sang Central Negros ang matuod nga nagamanipestar sang pasista, berdugo kag kriminal nga kinaiya sang AFP kag kabilugan nga mga pwersa sang estado.
Lubos man ginakondenar sang LPC-NPA ang pagpakuno-kuno sang pasistang 62nd IB nga mga katapo sang New People’s Army sila Reymart Dayanan, Gerome Geronimo, Yuling Landisa, Regine Landisa, Lanie Pasinabo kag iban pa nga nagserbe giya sa nasambit nga operasyon militar sang 62nd IB.
Samtang, padayon ang mga operasyon militar sang 62nd IB halin Hulyo 12 tubtob subong nga adlaw Hulyo 16. Kapin sa 200 ka tropa sang 62nd IB ang nakapakat sa Canlaon City kag Guihulngan City, Negros Oriental kag Moises Padilla, Negros Occidental. Naglab-ot sa walo ka kolum sang nasambit nga tropa militar ang makita nga nagalusob sa lugar.
May mga kolum sang 62nd IB nga makita sa Brgy. Macagahay proper, Moises Padilla. Gingamit nga kampo militar ang brgy hall sang nasambit nga baryo. Makita man ang iban pa nga kolum sini sa mga sityo sang Tubod sang Brgy. Macagahay. May ara man mahisayran sa mga sityo sang Kambairan kag Banderahan sang Brgy. Trinidad, Guihulngan City. May kolum man nga makita sa mga sityo sa Cabulay, Tabalogo kag Gusa sakop sang Brgy. Budlasan, Canlaon City. Ginhimo nga kampo militar ang Tabalogo Elementary School.
Nagapangsaka-saka ang nasambit nga militar sang mga kabalayan kag gina-imbestigar ang pumuluyo. Pilit nga ginapa-ako kag ginapasibangdan sila nga mga supporter sang NPA.
Mentras wala katumanan ang matuod nga reporma sa duta kag padayon ang pagpamigos kag panghimulos sa mga mangunguma sa kaumahan, padayon nga maga-usbong ang armadong paghimakas nga ginpartisipahan sang mga mangunguma bilang mayor nga pwersa nga naga-isa sa kusog sang sahing mamumugon. Padayon nga ginapamunuan sang Communist Party of the Philippines (CPP) ang demokratikong rebolusyon sang banwa tubtob sa tunay nga kadalag-an.
Silotan ang pasista kag berdugong 62nd IB! Sukton ang mga traydor nga may utang nga dugo sa pumuluyo kag rebolusyon!
https://philippinerevolution.nu/statements/mga-mangunguma-sa-canlaon-city-ginkastigo-sang-mga-katapo-sang-62nd-ib/
No comments:
Post a Comment
Note: Only a member of this blog may post a comment.