JB Regalado
Spokesperson
NPA-Central Negros (Leonardo Panaligan Command)
Negros Island Regional Operational Command (Apolinario Gatmaitan Command)
New People's Army
January 20, 2023
Patay si Raffy Esturco, 28 anyos kag may asawa sang sityo Tubod, Brgy Macagahay, Moises Padilla, Negros Occidental alas 5:00 sang hapon, Enero 19, 2023 sang ginpatuman sang New People’s Army ang silot-kamatayon sandig sa mando sang Rebolusyonaryong Korte sang Pumuluyo.
Si Esturco ang masupog nga intel asset sang 62nd IB sa lugar. Masami man ini nga nagagiya sa mga operasyon sang pasistang militar sa tri-boundary sang Guihulngan, Canlaon kag Moises Padilla. Siya man ang ginlubong nga tagpaniktik sang pasistang militar paagi sa Retooled Community Support Program (RCSP) agud sundan ang hulag kag mga aktibidad sang NPA sa nasambit nga lugar. Si Esturco isa lang sa mga masupog nga asset sang militar nga naggiya sa pagmasaker sanday Cristina Jacolbe, Everly Jacolbe (16 anyos nga anak ni Cristina) kag Rodan Montero subong man ang brutal nga pagpatay kay Victor Baldonado kag Orlando Fat tanan sang sityo Banderahan, Brgy Trinidad, Guihulngan City. Sila ang ginpasibangdan nga mga katapo sang NPA kag nagkalamatay sa mga peke nga engkwentro nga padugi sang berdugong 62nd IBPA.
Ang Leonardo Panaligan Command-New People’s Army liwat nagapanawagan sa tanan nga may kaangay nga kontra-pumuluyo kag kontra-rebolusyon nga kinaiya ni Raffy Esturco ang sekreto magpakig-angot sa malapit nga yunit sang NPA sa inyo lugar agud atubangon ang inyo mga kaso. Bukas gid ang NPA sa pag-istorya sa inyo sa madali nga panahon. Apang kon magpabilin kamo sa inyo daan nga gawi kag padayon nga magpaggamit sa militar batok sa pumulyo kag rebolusyon, ang NPA indi mag-untat sa pagpangita sang hustisya sa inyo mga nabiktima.
https://philippinerevolution.nu/statements/62nd-ib-intel-asset-ginsilotan-sang-npa/
No comments:
Post a Comment
Note: Only a member of this blog may post a comment.