From the Philippine Information Agency (Jun 3, 2021): Cebuano News: 47IB may bag-o nga battalion commander (By Rey Anthony H. Chiu)
TAGBILARAN CITY, Bohol, June 3 (PIA) -- Prebilihiyo ug dako nga hagit ang gipangabaga karon ni Lt. Col. Allyson Depayso, bag-ong battalion commander sa 47Infantry Battalion.
Sa iyang pag-dawat sa bandila sa command, gidawat usab ni Depayso ang pagpangulo sa brigade paingon sa bag-ong hugna niini sa paghimo og kasaysayan sa Bohol.
Kini ang iyang giangkon dungan sa yano nga change of command ceremony nga nahitaboo didto sa Headquarters sa 47IB, Camp Rajah Sikatuna, Carmen, Bohol niadtong Mayo 27, 2021.
GISANGONAN. Gisangon ni Gen. Eric Vinoya ngadto kang Lt. Col. Allyson Depayso ang bandila sa kamanduan samtang nagtan-aw niini si outgoing battalion commander Col. Allan Tabudlo, atul sa turnover ceremonies and change of command didto sa Camp Rajah Sikatuna, Carmen Bohol niadtong Mayo 27. (PIA Bohol/Lt Elma Abulencia/CMO)
Didto gitunol ni Lt. Col. Allan Tabudlo, ang kanhi battalion commander sa 47th Infantry (Katapatan) Battalion ang bandila sa command human makompleto ni Tabudlo ang lahos duha ka tuig nga serbisyo alang sa nasud samtang dinhi siya sa Bohol.
Ang change of command ceremony gipamunoan ni Major Gen. Eric Vinoya, ang commander sa 3rd Infantry (Spearhead) Division, nga inahang unit sa 47IB.
Sa iyang panamilit nga mensahe, nagpasalamat si Tabudlo ngadto sa kahitas-an sa kahigayunan nga nakapangulo sa 47IB nga malampuson bisan pa sa pandemya.
Giangkon usab ni Tabudlo nga dakung hagit ang pagdawat sa command sanglit ang Bohol una nga gideklara nga insurgency-free.
Gisaysay niya ang wala puas nga suporta sa Kagamhanang Probinsyal ug sa mga kaabag sa buhat sa kalinaw, sa iyang pamunu-an.
Sa laing bahin, si Depayso, sakop sa Philippine Military Academy Class 2001, taga Baguio ug kanhi Brigade Executive Officer sa 302nd (Achiever) Brigade didto sa Negros Oriental.
Nagpasalamat si Depayso kang Vinoya sa pagsalig sa nauwahi nga maoy mangulo sa 47IB, dungan sa pasalig nga iya usab kini nga gipangandaman. (rahc/PIA-7/Bohol)
Didto gitunol ni Lt. Col. Allan Tabudlo, ang kanhi battalion commander sa 47th Infantry (Katapatan) Battalion ang bandila sa command human makompleto ni Tabudlo ang lahos duha ka tuig nga serbisyo alang sa nasud samtang dinhi siya sa Bohol.
Ang change of command ceremony gipamunoan ni Major Gen. Eric Vinoya, ang commander sa 3rd Infantry (Spearhead) Division, nga inahang unit sa 47IB.
Sa iyang panamilit nga mensahe, nagpasalamat si Tabudlo ngadto sa kahitas-an sa kahigayunan nga nakapangulo sa 47IB nga malampuson bisan pa sa pandemya.
Giangkon usab ni Tabudlo nga dakung hagit ang pagdawat sa command sanglit ang Bohol una nga gideklara nga insurgency-free.
Gisaysay niya ang wala puas nga suporta sa Kagamhanang Probinsyal ug sa mga kaabag sa buhat sa kalinaw, sa iyang pamunu-an.
Sa laing bahin, si Depayso, sakop sa Philippine Military Academy Class 2001, taga Baguio ug kanhi Brigade Executive Officer sa 302nd (Achiever) Brigade didto sa Negros Oriental.
Nagpasalamat si Depayso kang Vinoya sa pagsalig sa nauwahi nga maoy mangulo sa 47IB, dungan sa pasalig nga iya usab kini nga gipangandaman. (rahc/PIA-7/Bohol)
https://pia.gov.ph/news/articles/1077048
No comments:
Post a Comment
Note: Only a member of this blog may post a comment.