CPP/NDF/NPA: Ezekiel alias Itsoy napatay sa proseso sa pag-aresto sa iya sg RPC-NPA

NDF/NPA propaganda statement posted to the CPP Website (Jun 9): Ezekiel alias Itsoy napatay sa proseso sa pag-aresto sa iya sg RPC-NPA (Ezekiel alias Itsoy was killed in the process to arrest him by the RPC-NPA)

NDFP National Democratic Front of the Philippines

 

CECIL ESTRELLA
Spokesperson, NPA Roselyn Pelle Command
Northern Negros Guerilla Front
New People’s Army

 

Napatay sadtong Mayo 29, 2015, mga alas dos sang hapon(2pm), sa Sitio Pison, Barangay Minautoc, Calatrava ,Negros Occidental. Si Ezekiel alias “ ITSOY” napatay sa dirang ginpapanaugan sg “warrant of arrest” kg gindakop sa isa ka unit sg RPC-NPA agud dad-on siya sa talatapan sg rebolusyonaryong korte kg taralon sa kasong “murder” batok sa kay Bador nga isa ka lider mangunguma sa mao nga Barangay sadtong ulihi nga bahin sg 2007. Kun madomduman, ang mga mangunguma sa amo nga lugar naglunsar sg paghimakas sa pagpangapin sa ila duta batok sa pagpang-landgrab ni Lumayno. Si ITSOY amo ang aktibo nga tinawo ni Lumayno agud lutoson ang paghimakas sa mga mangunguma sa sina nga panahon kg siya ang nangunang nagpatay kay Bador sandig sa mga saksi kg “prima facie” nga ebidensya.

Si ITSOY, usab aduna’y extortion activity sa maong erya sadtong 2014 nga gamit ang ngalan sang NPA . Si ITSOY, usa ka civilian nga armado sang nagkalain-lain nga kalibre sang armas sama sa 45 kaliber pistol, KG-9 kag Inggram.

Sa panahon sa pag-aresto, siya nagbato sa arresting team sg NPA kg subo palandungon nga ang bilog nga hitabo nabutang sa “battle situation” nga amo ang kabangdanan nga napatay si ITSOY. Kun wala lang tani siya nagbato, indi matabo ang pagpatay sa iya kg hilway tani siya nga mangapin sa iya kaugalingon sa iya pag-atubangon sa rebolusyonaryong korte.

Ang Rebolusyonaryong Korte sg Pumuluyo tampad nga nagakapot sa mga sandigan nga prinsipyo sg “due process” kg iban nga legal standards sa iya mga palisiya kg proseso, ginagarantiya sini ang mga pundamental nga kinamatarung sg mga suspetsado. Ginahimo ang mga maid-id nga imbestigasyon nga ginpatuman sa NPA sa idalom sg Roselyn Pelle Command (RPC) sandig sa mando sa rebolusyonaryong korte sa idalom sa Demokratikong Gobyerno sg Pumuluyo sa tion nga nabaton sini ang mga pormal nga reklamo kg pagpasaka sa mga kaso batok sa ila. Ginasiguro ang mabakud nga mga “prima facie” kg mga sirkumstansyal nga ebidensya kg panaysayon sa mga masaligan nga saksi nga nakalap. Ang nasambit nga kaso ginkabig nga KRIMINAL ang kinaiya sini batok sa pumuluyo kg rebolusyonaryong kahublagan kg naga-merito sg silot KAMATAYON kun mapamatud-an nga may sala.

Ginapanawagan man lang sa rebolusyonaryong kahublagan ang mga may kaso batok sa pumuluyo kg rebolusyonaryong kahublagan sa ila BOLUNTARYO NGA PAGSURENDER agud mas hapsay ang pagpatigayon sa ila seguridad kg kaluwasan kg matratar sg husto ang ila mga kaso. Ginapangayo man sg rebolusyonaryong kahublagan ang ila kooperasyon agud indi mabutang sa sitwasyon ang mga arresting units sg NPA sa aktibong pagdepensa kg mapilitan nga magsulod sa “battle situation” kun ang mga akusado armado kg peligroso sa tion nga sila paga-arestuhon. Determinado ang Rebolusyonaryong Korte sg Pumuluyo nga mahatagan sg makatarunganon nga proseso ang mga Akusado kg mahatagan sg makatarunganon nga hustisya ang mga Biktima labi na sa hanay sa malapad nga Pumuluyo.

Sa subong nga panahon, naga-operate na ang tanan nga mga units sg NPA sa idalom sg Roselyn Pelle Command (RPC) agud ipatuman ang Mandamyento De Aresto batok sa may mga kaso batok sa pumuluyo kg rebolusyonaryong kahublagan kg sa pagpanaug sa Silot Kamatayon sa mga may Standing Order na sg reblousyonaryong korte..

Sa liwat, nagapanawagan ang Rebolusyonaryong Kahublagan sa tanan nga may ara kaso batok sa Rebong Kahublagan kg sa Pumuluyo sa ila BOLUNTARYONG PAGSURRENDER agud mahatagan sg husto nga pagtratar ang ila mga kaso, maserbisyohan ang mga ini kg mahatagan sg ligwa sa pagbag-o sa kaugalingon.

Mabuhay ang CPP-NPA-NDF!

http://www.philippinerevolution.net/statements/20150609_ezekiel-alias-itsoy-napatay-sa-proseso-sa-pag-aresto-sa-iya-sg-rpc-npa