Cecil Estrella
Spokesperson
NPA-Northern Negros (Roselyn Pelle Command)
Negros Island Regional Operational Command (Apolinario Gatmaitan Command)
New People's Army
May 27, 2024
Isa naman ka peke nga engkwentro ang ginpagwa sa Armed Forces of the Philippines (AFP) kag #DiMasaligan79IB sadtong Mayo 22, 2024 sa Sityo Manaysay, Barangay Camabayobo sa banwa sang Calatrava kung diin gipatay sang mga unipormado nga pasista ang isa naman ka mangunguma.
Si Jeje Redobles ang pinakaulahing biktima sa kabangis sa AFP kag #DiMasaligan79IB sa norte nga bahin sang Negros diin tuyo si Redobles nga gipatay apang gipagwa nga napatay sa engkwentro bilang isa ka NPA. Peke kag planted man ang narekober nga M16, granada kag iban pa.
Madugay na nga ginainitan si Redobles sa mga ahente sang AFP. Umpisa tuig 2022, pila na ka beses nga ginpatawag siya sa AFP para himuon nga isa ka asset sang paniktik sa ila nga lugar kag manilag sa hulag sa mga NPA apang pila man ka beses siya nga nibalibad bangud gusto niya nga magapangabuhi sang husto kag para wala hulga ang iya kabuhi.
Naila si Redobles sa ila nga lugar nga manug kopras kag mangunguma sang kamote kag saging. Maski ang mga opisyales sang barangay ang nanindugan nga ordinaryo nga mangunguma si Redobles.
Ang Roselyn Jean Pelle Command-Prenteng Gerilya sa norte nga bahin sang Negros sang New People’s Army (RJPC-NPA) nagpaklaro nga wala sang engkwentro nga natabo sa nasambit nga petsa kag lugar. Wala man sang yunit sang RJPC-NPA ang naghulag sadto nga tion sa amo nga lugar. Dili man katapo si Redobles sa NPA.
Dugang pa, ginakundena sa RJPC-NPA ang pagpatay sa isa ka mangunguma paagi sa peke nga engkwentro kag malisyosong pag-angot kay Redobles sa NPA. Ginpaabot man sang RJPC-NPA ang pasagmuyo sa nabilin nga asawa, mga bata, pamilya kag higala ni Redobles.
Dili na bag-o ang pagpatay paagi sa peke nga engkwentro sang AFP sa bilog isla sang Negros. Diri sa norte nga bahin sang Negros, si Redobles ang ikaduha nga nangin biktima sini nga tuig 2024. Madumduman nga gipatay man nila si Jose Caramihan sadtong Pebrero 21 sa Sityo Mansulao, Barangay Pinapugasan, Escalante City paagi man sa peke nga engkwentro kag gideklarar siya nga katapo sang NPA.
Ang mga planted kag gin-recycle nga mga rekoberi nga mga kagamitan panggyera ang madugay na nga kagawian sang mga pasistang tropa. Madumduman nga pila lang ka bilog nga mga armas ang ginturn-over sa #DiMasaligan79IB ngadto sa PNP-Escalante City. Ang mga armas nga wala nila ginturn-over sadto sa PNP-Escalante City ang posibleng gingamit nila kag gitanum kay Redobles.
Sa tunga sa grabeng krisis sa ekonomiya nga giatubang sa bilog pumuluyo tuga sa El Niño, sira galing, taas nga presyo, kag ubos nga suhulan, terrorismo sa estado ang nangin sabat sa mga nagharing sahi ngadto sa giatubang sa mga anak balhas. Ginagutom na, ginapatay pa.
Tinalawan kag nagpakita lang sa ila ka desperado ang AFP kag #DiMasaligan79IB sa pagpatay sang sibilyan kag pagpagwa sang mga peke nga engkwentro hilabi na nga nagkalapit na ang ila deadline sa paglagas sa ila ginsiling nga ‘nabilin’ nga Pulang hangaway apang nabudlayan sila sa paglagas kag pagpangita sa nahimutangan sa gerilyang pwersa sang NPA.
Dili angay magkalipat ang AFP kag #DiMasaligan79IB sa leksyon nga gintudlo sa kasaysayan sa norte nga bahin sang Negros kag sa bilog Pilipinas nga sa matag kapintas sa estado ngadto sa mga ordinaryo nga pumuluyo, may dugang nga dugo ang muasdang sa rebolusyon para walaun ang pagpangyatak sa mga kinamatarung kag maangkon nga matuod nga kahilwayan.
Magapadayon ang armadong pagsukol sa pumuluyo para pangapinan ang mga mangunguma kag hatagan hustisya ang mga dinaugdaug, sama ni Redobles. Magapadayon ang rebolusyon!
https://philippinerevolution.nu/statements/mangunguma-ginpatay-sang-dimasaligan79ib-gipagwa-nga-npa/
Isa naman ka peke nga engkwentro ang ginpagwa sa Armed Forces of the Philippines (AFP) kag #DiMasaligan79IB sadtong Mayo 22, 2024 sa Sityo Manaysay, Barangay Camabayobo sa banwa sang Calatrava kung diin gipatay sang mga unipormado nga pasista ang isa naman ka mangunguma.
Si Jeje Redobles ang pinakaulahing biktima sa kabangis sa AFP kag #DiMasaligan79IB sa norte nga bahin sang Negros diin tuyo si Redobles nga gipatay apang gipagwa nga napatay sa engkwentro bilang isa ka NPA. Peke kag planted man ang narekober nga M16, granada kag iban pa.
Madugay na nga ginainitan si Redobles sa mga ahente sang AFP. Umpisa tuig 2022, pila na ka beses nga ginpatawag siya sa AFP para himuon nga isa ka asset sang paniktik sa ila nga lugar kag manilag sa hulag sa mga NPA apang pila man ka beses siya nga nibalibad bangud gusto niya nga magapangabuhi sang husto kag para wala hulga ang iya kabuhi.
Naila si Redobles sa ila nga lugar nga manug kopras kag mangunguma sang kamote kag saging. Maski ang mga opisyales sang barangay ang nanindugan nga ordinaryo nga mangunguma si Redobles.
Ang Roselyn Jean Pelle Command-Prenteng Gerilya sa norte nga bahin sang Negros sang New People’s Army (RJPC-NPA) nagpaklaro nga wala sang engkwentro nga natabo sa nasambit nga petsa kag lugar. Wala man sang yunit sang RJPC-NPA ang naghulag sadto nga tion sa amo nga lugar. Dili man katapo si Redobles sa NPA.
Dugang pa, ginakundena sa RJPC-NPA ang pagpatay sa isa ka mangunguma paagi sa peke nga engkwentro kag malisyosong pag-angot kay Redobles sa NPA. Ginpaabot man sang RJPC-NPA ang pasagmuyo sa nabilin nga asawa, mga bata, pamilya kag higala ni Redobles.
Dili na bag-o ang pagpatay paagi sa peke nga engkwentro sang AFP sa bilog isla sang Negros. Diri sa norte nga bahin sang Negros, si Redobles ang ikaduha nga nangin biktima sini nga tuig 2024. Madumduman nga gipatay man nila si Jose Caramihan sadtong Pebrero 21 sa Sityo Mansulao, Barangay Pinapugasan, Escalante City paagi man sa peke nga engkwentro kag gideklarar siya nga katapo sang NPA.
Ang mga planted kag gin-recycle nga mga rekoberi nga mga kagamitan panggyera ang madugay na nga kagawian sang mga pasistang tropa. Madumduman nga pila lang ka bilog nga mga armas ang ginturn-over sa #DiMasaligan79IB ngadto sa PNP-Escalante City. Ang mga armas nga wala nila ginturn-over sadto sa PNP-Escalante City ang posibleng gingamit nila kag gitanum kay Redobles.
Sa tunga sa grabeng krisis sa ekonomiya nga giatubang sa bilog pumuluyo tuga sa El Niño, sira galing, taas nga presyo, kag ubos nga suhulan, terrorismo sa estado ang nangin sabat sa mga nagharing sahi ngadto sa giatubang sa mga anak balhas. Ginagutom na, ginapatay pa.
Tinalawan kag nagpakita lang sa ila ka desperado ang AFP kag #DiMasaligan79IB sa pagpatay sang sibilyan kag pagpagwa sang mga peke nga engkwentro hilabi na nga nagkalapit na ang ila deadline sa paglagas sa ila ginsiling nga ‘nabilin’ nga Pulang hangaway apang nabudlayan sila sa paglagas kag pagpangita sa nahimutangan sa gerilyang pwersa sang NPA.
Dili angay magkalipat ang AFP kag #DiMasaligan79IB sa leksyon nga gintudlo sa kasaysayan sa norte nga bahin sang Negros kag sa bilog Pilipinas nga sa matag kapintas sa estado ngadto sa mga ordinaryo nga pumuluyo, may dugang nga dugo ang muasdang sa rebolusyon para walaun ang pagpangyatak sa mga kinamatarung kag maangkon nga matuod nga kahilwayan.
Magapadayon ang armadong pagsukol sa pumuluyo para pangapinan ang mga mangunguma kag hatagan hustisya ang mga dinaugdaug, sama ni Redobles. Magapadayon ang rebolusyon!
https://philippinerevolution.nu/statements/mangunguma-ginpatay-sang-dimasaligan79ib-gipagwa-nga-npa/
No comments:
Post a Comment
Note: Only a member of this blog may post a comment.