CPP/NPA-Ilocos ROC: Pananglaggip iti 1972 Martial Law, Panaglaban iti agdama a pasismo ti rehimen Durterte!

Propaganda statement posted to the Communist Party of the Philippines (CPP) Website (Sep 21, 2020): Pananglaggip iti 1972 Martial Law, Panaglaban iti agdama a pasismo ti rehimen Durterte!

TIPON GIL-AYAB

SPOKESPERSON

ILOCOS-CORDILLERA REGIONAL OPERATIONAL COMMAND

NPA-KALINGA

NEW PEOPLE'S ARMY

SEPTEMBER 21, 2020

Makikaykaysa ti Lejo Cawilan Command (LCC-NPA Kalinga) iti umili a Pilipino iti pananglaggip iti maika-48 a tawen kalpasan a maideklara ti batas-militar ti rehimeng US-Marcos idi Setyembre 21,1972. Ipalpaligep daytoy nga aldaw kadatayo ti pasismo ti estado nga awan panangbigbig iti karbengan ken dayaw ti umili a Pilipino.

Gapu iti nairut a panagkaykaysa ti umili, uray ania nga ranggas ken ulpit ket naibagsak da ti diktadurang US-Marcos babaen iti naparang ken nalimed a panagtignay inggana nairuswat ti EDSA people Power idi Pebrero 1986. Ngem gapu iti maniobra dagiti agar-ari a dasig, ti dadaulo laeng ti nasukkatan iti turay ngem agtultuloy latta ti manangidadanes ken mananggundway a sistema iti gimong a Pilipino.

Iti agdama, uray saan a pormal a naideklara ket inpauneg ti rehineng Duterte ti pagilian iti maysa a defacto martial law. Pinairteng daytoy ti ranggas oen pasismo babaen iti todo-gera na ken panangiputar ti Executive Order 70 (EO70).

Babaen daytoy nga EO ket, todo-largado nga inpatungpal ti rehimen ti Oplan Kapanatagan babaen iti panangbukel ti Task Force to End Local Communist Armed Conflict (TF-(ELCAC) manioud iti antas nasyunal inggal iti barangay. Panggep na daytoy nga aglalo a pairtengen ti panagturay ti rehimen babaen iti pananglipit kadagiti intudo da a kabusor ti estado. Pinatibker pay ni Duterte ti pasismo ti rehimen na babaen iti lintef nga Anti-Terror Law nu sadinno ket saanen a mabigbig dagiti basaran a karbengan ti umili iti nawaya a panagsao kasilpo iti opinyon wenno panagbuya da ken makitipon kadagiti organisasyon a mabigbig da a mangrepresentar kenyada kasta met lang ti karbengan ti amin nga umili iti sango ti linteg kas iti saan a maarestar nu awan ti search warrant ken nainkalintegan nga oras wenno aldaw a mabalin a maiditene. Babaen iti ATL ket ti reaksyunaryo a gobyerno ti mangikeddeng nu sino ti terrorista iti narabaw a basaran da nu ania ti makuna a terorismo. Pinakaro da ti red-tagging, panangipasaknap ti fake news ken black propaganda laban iti ligal nga organisasyon ti masa a makita ti rehimen a adda ti kasupadi a takder. Daytoy ti nagbalin a prayoridad ti rehimen bayat a sangsangoen ti entiro a lubong ti krisis ti pandemya a COVID-19. Iti pagilian, ket aglalo a kumaro ti panagrigrigat ti umili gapu iti panagbaybay-a iti gobyerno. Uray ania man a pamuspusan ti aramiden ti umili tapno malisiyan a maakaran iti daytoy a sakit, narimbaw latta met iti rehimen Duterte ti kina-burukrata kapitalista na daytoy. Imbes nga ipangruna ti mass testing para iti amin a bulnerable a sektor ti populasyon, insigurado ni Duterte na umununa pay a matesting dagiti kakumplot na iti turay. Nakaro ti kinakurang ti PPE para kadagiti frontliners ngem iti bangir na ket tuloytuloy met ti maanomalya ken overpriced a panaggatang ti PPE manipud iti ganganaet a kapitalista. Pinangruna ti rehimen ti interes na iti tay-ak ti pulitika ken ekonomiya bayat a baybay-an na ti pag-imbagan, salun-at ken kinatalged ti umili a Pilipino.

Ti nayon na pay ket agwalwaldas ti rekurso ti rehimen iti para iti agtultuloy a panag-atake dagiti operasyong militar iti kaaw-awayan nga agus-usar ti dadakkel a pwersa, panangbomba, dagiti attack helicopters ken fighter jets, drones ken dadduma pay a ramit militar imbes a sungbatan ti kinakasapulan tapno epektibo a masango ti COVID-19. Bukbukbukan ti dadakkel a pondo dagiti kampanyang militar ngem nakabasbassit la unay ti ited para iti pampubliko a serbisyo kas iti salun-at ken agrikuktura. Ti masa ti naawanan ti karbengan para iti natalged ken natalna a panagbiag ken isuda ti agsagaba para iti bukod nga interes ni Duterte.

Iti Kalinga ket agtultuloy ti operasyon dagiti AFP-PNP-CAFGU-Intel uray idi panawen ti ceasefire mismo ni Duterte ken inggana iti agdama. Saan da pinatgan ti panawagan ti umili nga isardeng pay dagiti operasyon tapno saan da pay mangnayon iti panagsaknap ti COVID-19. Agtultuloy dagiti RCSPT kadagiti barbaryo a nalawag a panggep da ket saywar ken surrender kadagiti masa.

Gapu iti kastoy a mapaspasamak, awan ti sabali a solusyon para iti umili nu di ket tumakder ken lumaban tapno magun-od da ti pudno nga hustisya ken kappia. Ammo ti umili a ti laban a nurigian da idi pay lang batas-militar ti diktadurang US-Marcos ket agtultuloy inggana iti agdama a rehimeng Duterte.

Adda iti interes ti naruway nga umili nga itultuloy ti laban da para iti pudno a hustisya, kappia ken wayawaya kagiddan iti pananggun-od ken panangiyabante da ti demokratiko a karbengan iti sango ti krisis ti pandemya a COVID-19, pasismo ken kinaranggas ti rehimen.

Ilaban ti karbenga para iti libreng mass testing ken PPE! Serbisyong medikal, saan a militar!

Ituloy ti laban para iti pudno a hustisya ken kappia!

Ibagsak ti pasista a rehimeng Duterte! Labanan ti batas-militar! Sumampa iti NPA!

Agbiag ti umili a lumablaban!

https://cpp.ph/statements/pananglaggip-iti-1972-martial-law-panaglaban-iti-agdama-a-pasismo-ti-rehimen-durterte/