Tungod sa kadaghan sa mga misurender nga rebeldeng “New People’s Army, (NPA)” sukad gipatuman sa gobyerno ang programang E-CLIP kon “Enhanced Local Integration Program,” gi-awhag ni 403rd Brigade Commander Col. Edgardo De Leon ang 22 ka mga Mayor sa Bukidnon nga unta tabangan ang kasundalohan nga madugangan ang mga gitukod nga “Half-way House.”
Gipahimangno-an ni 403rd Brigade Commander Col. Edgardo Y. De Leon ang 22 ka mga Mayor sa Bukidnon kabahin sa “Conflict-Affected Areas (Con-AAs)” kon mga lugar nga apektado sa kagubot.
Tipik sa kasayuran nga gihatag ni Col. De Leon atol sa miting sa ‘League of Mayors of the Philippines-Bukidnon Chapter,’ mao ang pagkamahinungdanon nga masayran sa lokal nga kagamhanan ug mga Mayor ang kabahin sa “Con-AAs” tungod kay matud niya, mao kini ang usa sa mga basehan sa mga Mayor diha sa ilang alokasyon alang sa “socio-economic intervention” kon ekonomikanhong mga proyekto ug programa para sa katawhan sa tibuok komunidad.
“Ang Army ug ang Pulis naay mga pamaagi kung unsa-on pagkahibalo nga ang usa ka lugar o barangay nasakop na sa listahan sa ‘Con-AAs.’ Naay mga ‘parameter’ nga mahibaw-an nato kung kini nga mga lugara ubay-ubay na ang mga gisakop o ba kaha gi-recruit sa mga New People’s Army (NPA). Mahibaw-an pud nato kung kana nga mga barangay daghan na ang gapuyo nga mga rebeldeng NPA,” matud ni Col. De Leon.
Sukad gisugdan ang E-CLIP kon Enhanced Comprehensive Local Integration Program sa gobyerno, daghan na ang mi-surender, dugang ni De Leon.
Iyang giklaro nga ang E-CLIP nakatabang kaayo diha sa pag-aghat sa mga rebeldeng NPA nga mo-surender tungod kay dagko nga mga kantidad ang itunol sa gobyerno panahon sa ilang pag-surender ug bayaran pa gyod ang mga armas nga ilang i-surender.
“Sa miaging tuig, kapin 2,000 na ka mga rebelde ang misurender. Dako ang among pasalamat sa mga misurender tungod kay nadugangan ang among nakuha nga mga impormasyon ug direkta namo nakuha ang importanteng mga kasayuran kalabot sa mga pamaagi sa rebeldeng kalihokan,” dugang ni De Leon.
Nasayran sa mga militar gikan sa mga rebeldeng misurender kung gi-unsa pag-proseso sa mga NPA ang ilang “radicalization” nga mga taktika diha sa mga barangay labi na ang paghatag sa kagubot pinaagi sa pag-tanom sa pakigbatok ug kasuko sa gobyerno.
Tungod niini, gihangyo sa 403rd Brigade Commander ang 22 ka mga Mayor sa Bukidnon nga tabangan ang Philippine Army diha sa pag-pakisayod kabahin sa “Con-AAs” kon mga lugar nga apektado sa kagubot aron makatabang usab ang Army pinaagi sa pag-‘deploy’ ug mga sundalo isip kabahin sa “Community Support Program (CSP).”
Ang CSP kabahin sa programa sa army nga “Bayanihan para sa Kapayapaan.”
Tumong niini nga matabangan ang komunidad aron makab-ot ang mga kasulbaran sa panagbangi, aron ang katawhan magpuyo nga malinawon ug produktibo.
https://pia.gov.ph/news/articles/1017568
No comments:
Post a Comment
Note: Only a member of this blog may post a comment.