Army nag-awhag sa mga LGUs alang sa “Halfway house”

From the Philippine Information Agency (Jan 24): Army nag-awhag sa mga LGUs alang sa “Halfway house”

Tungod sa kadaghan sa mga misurender nga rebeldeng “New People’s Army (NPA),” sukad gipatuman sa gobyerno ang programang E-CLIP  kon “Enhanced Local Integration Program,” gi-awhag ni 403rd Brigade Commander Col. Edgardo De Leon ang 22 ka mga Mayor sa Bukidnon nga unta tabangan ang kasundalohan nga madugangan ang mga gitukod nga “Half-way House.” (PIA Bukidnon)

Tungod sa kadaghan sa mga misurender nga rebeldeng “New People’s Army (NPA),” sukad gipatuman sa gobyerno ang programang E-CLIP kon “Enhanced Local Integration Program,” gi-awhag ni 403rd Brigade Commander Col. Edgardo De Leon ang 22 ka mga Mayor sa Bukidnon nga unta tabangan ang kasundalohan nga madugangan ang mga gitukod nga “Half-way House.”

Ang “Half-way House” usa ka pasilidad nga temporaryong puy-an sa mga rebeldeng misurender samtang kamulong gi-proseso ang uban pa nilang mga benepisyo nga gihatag sa E-CLIP.

Diri sa “half-way house” ginatabangan sila (mga misurender) nga magbag-o ug makalikay sa kakuyaw ug kabangis sa ilang mga gipangbiyaan nga mga bandido ug aron magpuyo sila sa malinawon nga komunidad.

Dinhi ginahimo ang ‘orientation, seminar, ug skills training,’ uban sa tabang sa mga ahensya sa kagamhanan, alang sa panginabuhi ug edukasyon sa mga misurender.

Miingon si Col. De Leon nga ang 403rd Brigade naay gitigum nga mikabat na karon sa P100,000 para idugang sa natukod na nga “half-way to half-way house” diin kamulo na karon gipuy-an sa mga misurender.

“Busa akong gi-awhag ang mga Mayor nga matabangan ang kasundalohan aron makatukod pa ug daghang “half-way houses” ug dugang yuta nga matukuran niini tungod sa nagka daghan pa nga mga rebeldeng nag-surender.

Ang DILG naay gi-andam nga pondo alang sa “halfway houses,” apan tungod sa dagsang sa mga mi-surender, mas maayo nga madugangan kini, dugang ni Col. De Leon.

Ang mga rebeldeng misurender nga nakahuman sa “pagbalik-loob” nga programa sulod sa “half-way house” bisitahan kini sila sa DSWD human sa unom (6) ka bulan gikan sa ilang pag-lantad. Bisitahan kini sila sa lokal nga DSWD kada unom ka bulan sulod sa tulo (3) ka tuig.

https://pia.gov.ph/news/articles/1017578