Thursday, May 7, 2020

Dul-an P2-milyones, gidawat sa former rebels

From the Philippine Information Agency (May 7, 2020): Dul-an P2-milyones, gidawat sa former rebels (By Misamis Oriental Provincial Information Office)

Featured Image

MISAMIS ORIENTAL, May 8 - Mapasalamton ang 34 ka former rebels sa supporta ug tabang ni Gobyerno ngadto kanila hilabi na kay Gob. Bambi Emano kanila aron sila makasugod sa bag-ong kinabuhe gawas sa masupakong pagpuyo sa kabukiran.

Ang 34 ka former rebel’s midawat ug tag Ph50mil ka pesos gikan sa buhatan sa Department of Interior and Local Goverment o DILG kini alang sa ilang livelihood assistance ubos sa programang E-CLIP. Gitunol ni DILG Provincial Director sa Engr. Marisia Naybe kauban si Board Member Dexter Yasay ug Lt. Col Ricky Canatoy ang maong commanding officer sa 58 Infantry Battalion.

Gawas sa ayudang gihatag sa DILG, ang pangagamhanang lokal sa Misamis Oriental ubos sa buhatan sa Provincial Social Welfare and Development Office kon PSWDO mitunol ug laing ayuda nga mikabat sa Ph5,000 ka pesos sa matag usa kanila.

Wala man makatambong ang amahan sa lalawigan Gob. Bambi Emano, apan nagpadala kini ug representanti pinaagi ni Board Member Dexter Yasay, nga maoy mitunol sa maong ayuda kauban si Provincial Social and Development Officer, Jhunleymar Abella kanhi OIC sa PSWDO.

Si “Manang Marites” tinuod nga ngalan gitago nga sila dako gayud ug pasalamat ug utang ka bobot-on nga gihatag sa Gobernador pinaagi sa Provincial Social and Development Office sa iyang tabang kanila nga singkomil ka pesos para sa ilang livelihood.

Dugang pa ni Marites nga pinaagi sa gihatag nga livelihood assistance sila gihatagan ug higayon nga makabalik sa sabakan sa gobyerno ug mamuyo sa malinawon kauban nilang pamilya.

Matud pa ni Board Member Yasay, nga ang gobyerno anaa lang kanunay sa pag dawat sa mga rebelding mosurrender. Dugang pa niya nga dili solusyon ang ka pobrehon aron talikdan ang gobyerno. Ug wala gayuy laing makahatag sa kalinaw kundili ang mga pilipino lang gihapon.

Sa sumatotal nakadawat ang 34 ka mga kanhi rebelde ug Ph55mil ka pesos, para sa ilang livelihood program. (Misamis Oriental Provincial Office)

No comments:

Post a Comment

Note: Only a member of this blog may post a comment.