JB Regalado
Spokesperson
NPA-Central Negros (Leonardo Panaligan Command)
New People's Army
June 16, 2023
Lubos nga ginakondenar sang Leonardo Panaligan Command-New People’s Army ang pagpinalupok sang mga katapo sang 62IB sa sityo Uyangan, Brgy Budlasan, Canlaon City alas 11:00 sang gab-i, Hunyo 15, 2023.
Nagtuga sang kakugmat kag disturbo sa mga residente sa lugar ang halos isa ka oras (nagsugod las 11:00 tubtob las 12:00 sang tungang gab-i) nga pagpinalupok sang nasambit nga tropa militar. Nakabatyag sang trauma ang mga kabataan sang mga mangunguma kag nagdisturbo man ini sa ila mahamuok nga katulugon. Dako ang kabalaka sang mga residente bangud lab-as pa sa balita ang natabo nga pagmasaker sa pamilya Fausto sa sityo Kangkiling, Brgy Buenavista, Himamaylan diin nagkalamatay ang 4 nga katapo sang nasambit nga pamilya lakip na ang 2 ka minor de edad nga mga kabataan. Ginatudlo man diri nga kahimuan sang berdugong 94thIB sa pagpamuno ni Lt.Col Van Donald Almonte idalum sa 303rd BdePA sa pagpamuno man ni B/Gen. Orlando Edralin.
Mabaskog man nga ginakondenar sang LPC-NPA ang patarasak nga pagpaniro sang pasistang 62ndIB nga nagtuga sang kamatayon nanday Roweno Anubong, 40 anyos sang sityo Agogolo, Brgy Macagahay kag Benjie Ebarle, legal ang edad, may asawa kag 3 ka kabataan sang sityo Bungaw, Brgy Trinidad, Guihulngan City. Ang duha ka biktima ang lunsay mga mangunguma kag sibilyan. Taliwas sa mga kabutigan kag fabricated kag cover-up nga palayag ni Col. William Pesase sang 62ndIB kag B/Gen. Orlando Edralin sang 303rd BdePA.
Lubos man ginahangkat sang LPC-NPA ang Commission on Human Rights-Negros nga maghimo sang nagakaigo kag balanse nga imbestigasyon bahin sa paglapas sang tawhanon nga kinamatarung sang mga mangunguma kag sibilyan sa mga binukid sang Central Negros nga ginatudlo sang kadam-an nga katapo sang AFP-PNP kag iban pa nga mga makinaryas sang reaksyonaryong estado ang principal nga may kahilabtanan.
Sa masami kag sa sini nga kinaiya sang krimen, daw apa kag “walang-timik” ang CHR-Negros pareho sang brutal nga pagpatay sang mag-asawa, pagsunog sang ila balay kag mga bangkay nila Brgy Kagawad Enric Calago kag BHW Rosalie Calago sang Brgy Tacpao, Guihulngan City sadtong tuig 2015. Ginatudlo diri nga ang may kahimuan amo ang mga katapo sang 11th IB. Pagmasaker man sang pamilya Pableo sa Brgy Panubigan, Canlaon City kag ginatudlo man ang mga kàtapo sang 11th IB. Pagtiro-patay sa mag-asawa nga sanday Edwin Sancelan kag Dr. Rose Sancelan sang tuig 2020 sa Guihulngan City. Pagmasaker sa pamilya Jacolbe sa sityo Banderahan, Brgy Trinidad, Guihulngan diin patay ang nagabusong nga si Cristina Jacolbe kag anak sini nga si Everly Kee Jacolbe, 16 yrs old kag Rodan Montero, pagpatay kay Pompeo Landisa, Greg Cantela, Arnold Swerte sadtong 2022, pagpatay kay Victor Baldonado, Orlando Pat kag Benjie Ebarle sang tuig 2023 tanan sang Guihulngan City. Pagpatay kay Antony Curson sang Canlaon City, Jose “Jojo” Albores, Ruben Obidas, mag-asawa nga sanday Juliven Ramirez kag Evelyn Meren subong man pagpatay kay Roweno Anubong sini man nga tuig 2023 tanan sang Moises Padilla, Negros Occidental kag madamo pa diin ginatudlo sang kadam-an ang mga katapo sang 62nd IB ang may kahimuan sang makasiligni nga krimen batok sa mga sibilyan kag mangunguma sa mga kaumahan sang Central Negros.
Ginapanawagan man sa tanan nga yunit sang NPA nga maglunsar sang taktikal nga opensiba agud pabayaron ang berdugong militar sa ila kalapasan batok sa mga pumuluyo.
New People’s Army kag ang pumuluyo mag-isa. Hublasan kag ibuyagyag ang mga kabutigan kag mga pagpatalang sang AFP, PNP, NTF-Elcac.###
https://philippinerevolution.nu/statements/pagpinalupok-sang-62nd-ib-sa-canlaon-ginakondenar-sang-npa/
Lubos nga ginakondenar sang Leonardo Panaligan Command-New People’s Army ang pagpinalupok sang mga katapo sang 62IB sa sityo Uyangan, Brgy Budlasan, Canlaon City alas 11:00 sang gab-i, Hunyo 15, 2023.
Nagtuga sang kakugmat kag disturbo sa mga residente sa lugar ang halos isa ka oras (nagsugod las 11:00 tubtob las 12:00 sang tungang gab-i) nga pagpinalupok sang nasambit nga tropa militar. Nakabatyag sang trauma ang mga kabataan sang mga mangunguma kag nagdisturbo man ini sa ila mahamuok nga katulugon. Dako ang kabalaka sang mga residente bangud lab-as pa sa balita ang natabo nga pagmasaker sa pamilya Fausto sa sityo Kangkiling, Brgy Buenavista, Himamaylan diin nagkalamatay ang 4 nga katapo sang nasambit nga pamilya lakip na ang 2 ka minor de edad nga mga kabataan. Ginatudlo man diri nga kahimuan sang berdugong 94thIB sa pagpamuno ni Lt.Col Van Donald Almonte idalum sa 303rd BdePA sa pagpamuno man ni B/Gen. Orlando Edralin.
Mabaskog man nga ginakondenar sang LPC-NPA ang patarasak nga pagpaniro sang pasistang 62ndIB nga nagtuga sang kamatayon nanday Roweno Anubong, 40 anyos sang sityo Agogolo, Brgy Macagahay kag Benjie Ebarle, legal ang edad, may asawa kag 3 ka kabataan sang sityo Bungaw, Brgy Trinidad, Guihulngan City. Ang duha ka biktima ang lunsay mga mangunguma kag sibilyan. Taliwas sa mga kabutigan kag fabricated kag cover-up nga palayag ni Col. William Pesase sang 62ndIB kag B/Gen. Orlando Edralin sang 303rd BdePA.
Lubos man ginahangkat sang LPC-NPA ang Commission on Human Rights-Negros nga maghimo sang nagakaigo kag balanse nga imbestigasyon bahin sa paglapas sang tawhanon nga kinamatarung sang mga mangunguma kag sibilyan sa mga binukid sang Central Negros nga ginatudlo sang kadam-an nga katapo sang AFP-PNP kag iban pa nga mga makinaryas sang reaksyonaryong estado ang principal nga may kahilabtanan.
Sa masami kag sa sini nga kinaiya sang krimen, daw apa kag “walang-timik” ang CHR-Negros pareho sang brutal nga pagpatay sang mag-asawa, pagsunog sang ila balay kag mga bangkay nila Brgy Kagawad Enric Calago kag BHW Rosalie Calago sang Brgy Tacpao, Guihulngan City sadtong tuig 2015. Ginatudlo diri nga ang may kahimuan amo ang mga katapo sang 11th IB. Pagmasaker man sang pamilya Pableo sa Brgy Panubigan, Canlaon City kag ginatudlo man ang mga kàtapo sang 11th IB. Pagtiro-patay sa mag-asawa nga sanday Edwin Sancelan kag Dr. Rose Sancelan sang tuig 2020 sa Guihulngan City. Pagmasaker sa pamilya Jacolbe sa sityo Banderahan, Brgy Trinidad, Guihulngan diin patay ang nagabusong nga si Cristina Jacolbe kag anak sini nga si Everly Kee Jacolbe, 16 yrs old kag Rodan Montero, pagpatay kay Pompeo Landisa, Greg Cantela, Arnold Swerte sadtong 2022, pagpatay kay Victor Baldonado, Orlando Pat kag Benjie Ebarle sang tuig 2023 tanan sang Guihulngan City. Pagpatay kay Antony Curson sang Canlaon City, Jose “Jojo” Albores, Ruben Obidas, mag-asawa nga sanday Juliven Ramirez kag Evelyn Meren subong man pagpatay kay Roweno Anubong sini man nga tuig 2023 tanan sang Moises Padilla, Negros Occidental kag madamo pa diin ginatudlo sang kadam-an ang mga katapo sang 62nd IB ang may kahimuan sang makasiligni nga krimen batok sa mga sibilyan kag mangunguma sa mga kaumahan sang Central Negros.
Ginapanawagan man sa tanan nga yunit sang NPA nga maglunsar sang taktikal nga opensiba agud pabayaron ang berdugong militar sa ila kalapasan batok sa mga pumuluyo.
New People’s Army kag ang pumuluyo mag-isa. Hublasan kag ibuyagyag ang mga kabutigan kag mga pagpatalang sang AFP, PNP, NTF-Elcac.###
https://philippinerevolution.nu/statements/pagpinalupok-sang-62nd-ib-sa-canlaon-ginakondenar-sang-npa/
No comments:
Post a Comment
Note: Only a member of this blog may post a comment.