CPP/NPA-Central Negros: 1 Patay, 1 Pilason sa Philippine Army sa Guihulngan

Propaganda statement posted to the Communist Party of the Philippines (CPP) Website (Aug 12, 2021): 1 Patay, 1 Pilason sa Philippine Army sa Guihulngan

JB REGALADO

SPOKESPERSON

NPA-CENTRAL NEGROS (LEONARDO PANALIGAN COMMAND)

NEGROS ISLAND REGIONAL OPERATIONAL COMMAND (APOLINARIO GATMAITAN COMMAND)

NEW PEOPLE'S ARMY

AUGUST 12, 2021

Patay ang isa ka katapo sang 62nd IBPA kag 1 pilason sa sini gihapon nga tropa militar matapos ang madinalag-on nga sniping operation sang Leonardo Panaligan Command-New People’s Army sa 62nd IB Army Detachment sa Sityo Casingan, Brgy. Trinidad, Guihulngan, Negros Oriental. Gintigayon ang sniping operation sadtong Agosto 11, 2021 mga alas 6:15 sang gab-i.

Sabat ini sang NPA sa padayon nga pagpang-abuso militar sa Central Negros ilabe na ang pagpangransak sang mga kabalayan kag pagpamahug sang 94th IB sa mga mangunguma sa binukid sang Brgy. Santol, Binalbagan, Negros Occidental kag sityo Irene, Brgy Ampanangon, Jimalalud, Negros Oriental.

Tuyo lang sang 94th IBPA kag panatikong-grupo sa pagpamuno ni Brgy Councilor Karem Calpiz sang Brgy Ampanangon, Jimalalud nga hinabunan ang ila kapalpakan sa brutal nga pagpatay sa 2 ka persona nga sanday Henry Pial kag Junior Pedro sadtong Agosto 5 sang hapon sa Sityo Binigsi-an, Brgy Santol, Binalbagan.

Ginakondenar man sang LPC-NPA ang pag-abduct sang 62nd IBPA kay George Francis. Si George Francis ang isa sa ilegal nga gin-aresto sang 94th IBPA upod kay Edwardo Mission tanan sang Guihulngan matapos ang natabo nga engkwentro sadtong Agosto 3, 2021 sa Sityo Tibak, Brgy Santol, Binalbagan, Negros Occidental.

Binutig ang ginpahayag sang 94th IBPA kag sang kapulisan sa PNP-Binalbagan nga ginhilway si George Francis matapos ang 36 oras nga reglamentary period kag wala man sang nagakaigo nga ebidensya sadtong Agosto 3, 2021.

Dako ang pagkabalaka kag kahangawa sang pamilya ni George Francis nga ang ila himata wala pa sa ila poder tubtob subong. Nagakabalaka ang pamilya kay basi himuon naman nga giya sang 94th IB kag 62nd IBPA sa ila operasyon militar sa kabukiran kag patyon naman kaangay sang natabo sa ila ni Henry Pial kag Junior Pedro.

Ginapanawagan sa pumuluyo nga indi na magpa-into sa mga pasalig sang pasistang militar kag sa rehimeng Duterte sa ginatanyag sini nga E-CLIP sang NTF-ELCAC.

Ginapanawagan man ang tanan nga yunit sang NPA idalum sa Leonardo Panaligan Command sa paglunsar sang madinalag-on nga taktikal nga opensiba sa paghatag sang nagakaigo nga hustisya sa mga biktima sang pagpang-abuso militar kag militarisasyon sa kaumahan.

Untaton ang militarisasyon! Isulong ang armadong rebolusyon para sa matuod nga reporma sa duta kag pungsodnon nga industriyalisasyon!

https://cpp.ph/statements/1-patay-1-pilason-sa-philippine-army-sa-guihulngan/