Hiligaynon News: Mangunguma, pumoluyo nagapamatok sa CPP-NPA-NDF

From the Philippine Information Agency (Sep 29, 2020): Hiligaynon News: Mangunguma, pumoluyo nagapamatok sa CPP-NPA-NDF (By Lorenzo O. Lambatin, Jr.) 

NEGROS OCCIDENTAL, Septyembre 29 (PIA)—Ang mga mangunguma kag iban pa nga mga katapo sang gobyerno ang sining karon lang nag kondenar sa mga kalakasan kag pagpatalang sang nga katapo sang Communist Party of the Philippines-New People’s Army-National Democratic Front (CPP-NPA-NDF) kag ila man ini gin deklarar nga "Persona Non Grata."

Ang Philippine Army, Philippine National Police kag mga opisyales sang barangay nag hiwat sang oath of allegiance sa gobyerno kag nag sunog sang bandera sang mga NPA sa Brgy. Pilar, banwa sang Hinigaran, pahayag ni Captain Kelvin Bayaban, Civil Military Officer sang 303rd Infantry Brigade, Philippine Army.

Suno sa iya, nagpanguna si Punong Barangay Benjamin Yulo sang Brgy. Pilar sa “Pagsumpa Para sa Kalinong” kag ginsundan ini sang “ Panumpa Para sa katutom sa Republika Nang Pilipinas” sa pagpanguna ni 62nd Infantry Battalion Commander Lt. Colonel Melvin Flores.

Samtang, si Pastora Hope Biasca sang Trinity Baptist Church nagpanguna sa pagsindi sang kandila kag pangamuyo nga matapos na ang kalakasan nga gina-buhat sang mga komunista.

Sa iya nga mensahe, gipahayag ni Hinigaran mayor Jose Nadie Arceo nga ang kahimtangan sang mga pumoluyo wala sang pag uswag kon gina-sakdag sang katawhan ang mga hilikuton sang mga terorista.

Ang ini nga programa gin pangunahan nanday 303rd Infantry Brigade Commander Colonel Inocencio Pasaporte, Negros Occidental Provincial Police Office Director Colonel Romy Palgue kag sang mga nag-ka lain- lain nga representante sang local, probinsyal kag nasyonal nga panguluhan.

“Naga isa kami upod sang iban nga mga ahensya sang pamahalaan sa paghatag serbisyo sa inyo. Buligi ang inyo gobyerno kag pamatukan ang mga NPA kag iya sini nga mga kaupod. Hindi sila pagtuguti nga manipulahon kamo kay sa ulihi ila gub-on ang inyo pangabuhi, pahayag ni Colonel Inocencio Pasaporte.” (Lljr/PIA6 Negros Occidental )

https://pia.gov.ph/news/articles/1054485