SAN FERNANDO CITY, Abril 12 (PIA) - - Umabot ti 195 a grupo dagiti kameng iti 7th Infantry Division (7ID) iti Philippine Army ti naideploy kadagiti naaramid nga Enhanced Quarantine Assistance Stations (EQAS) iti akin-amianan a paset ti Luzon tapno adda katulongan dagiti polis ken frontliners a mangipatungpal kadagiti annuroten iti Enhanced Community Quarantine (ECQ).
Kinuna ni Major Amado Gutierrez, agdama a pannakangiwat ti 7ID iti army, a dagiti tropada a naideploy ket buklen dagiti regular a kameng ti soldado, reservists ken dagiti kameng iti Citizen Armed Forces Geographical Units (CAFGUs).
Nainget ti pannakaipatungpal ti ECQ iti intero a Luzon babaen iti pammilin ni President Rodrigo Roa Duterte kadagiti kameng iti nabuangay nga Inter-Agency Task Force on Emerging Infectious Disease (IATF-EID) tapno malapdan iti panagwaras ti sakit a Coronavirus 2019 (COVID-19).
“Nakadeploy dagiti tropami kadagiti EQAS nga adda iti probinsia ti Rehion 1, ken 3; iti probinsia ti Abra; iti ili ti Besao ken Tadian iti Mountain Province; ken iti ili ti Alfonso Castañeda iti Nueva Viscaya, kuna ni Gutierrez.
Tumultulong daytoy maysa a reservist a mangkita ti passes ti umili a sumrek ti tiendaan iti siudad ti San Fernando, La Union kabayatan ti nainget a pannakaipatungpal iti Enhanced Community Quarantine tapno malapdan ti panagwaras ti sakit a Coronavirus 2019 (COVID-19). (Ladawan ni FGL,PIA1)
Tumulong met dagiti nabati a soldado kadagiti amin a unit ti 7ID nga agideliber ti relief packs para kadagiti naka-ECQ iti probinsia ti Bulacan, Nueva Ecija ken Pangasinan. Dagitoy tallo a probinsia a masakupan ti 7ID ti maibilang a kadduan ti kaso iti COVID-19.
Kalaksidan ti itutulongda iti EQAS, tumulong pay dagiti soldado a mangipaay ti seguridad kadagiti mapan agiwaras ti Social Amelioration Program (SAP) kadagiti nasulinek barangay a masakupan ti 7ID.
Kinuna met ni Undersecretary Jonathan Malaya iti Department of the Interior and Local Government (DILG) iti interbiuna, kabayatan ti ‘Laging Handa Network Briefing’ idi Sabado, a dakkel ti tulong dagiti soldado iti kapolisan para iti naanayas a pannakaipatungal ti ECQ.
Inyuswat ti Philippine Information Agency (PIA) ti ‘Laging Handa Network Briefing,’ a pagserbian a kas host ni Secretary Ruperto Martin Andanar iti Presidential Communications Operations Office (PCOO), tapno direkta a maammuan ken masungbatan ti amin a problema dagiti opisial ti lokal a gobierno iti pagilian kabayatan ti ECQ.
Mabuya ti ‘Laging Handa Network Briefing’ iti inaldaw iti PTV 4, ken iti selpon wenno kompuiter babaen iti facebook live manipud alas-8 aginggana iti alas-9 iti bigat; ken mangngegan iti Radyo Pilipinas ken kadagiti naduma-duma nga estasion ti radio iti intero a Pilipinas. (JCR/FGL,PIA-1)
https://pia.gov.ph/news/articles/1038774
Kalaksidan ti itutulongda iti EQAS, tumulong pay dagiti soldado a mangipaay ti seguridad kadagiti mapan agiwaras ti Social Amelioration Program (SAP) kadagiti nasulinek barangay a masakupan ti 7ID.
Kinuna met ni Undersecretary Jonathan Malaya iti Department of the Interior and Local Government (DILG) iti interbiuna, kabayatan ti ‘Laging Handa Network Briefing’ idi Sabado, a dakkel ti tulong dagiti soldado iti kapolisan para iti naanayas a pannakaipatungal ti ECQ.
Inyuswat ti Philippine Information Agency (PIA) ti ‘Laging Handa Network Briefing,’ a pagserbian a kas host ni Secretary Ruperto Martin Andanar iti Presidential Communications Operations Office (PCOO), tapno direkta a maammuan ken masungbatan ti amin a problema dagiti opisial ti lokal a gobierno iti pagilian kabayatan ti ECQ.
Mabuya ti ‘Laging Handa Network Briefing’ iti inaldaw iti PTV 4, ken iti selpon wenno kompuiter babaen iti facebook live manipud alas-8 aginggana iti alas-9 iti bigat; ken mangngegan iti Radyo Pilipinas ken kadagiti naduma-duma nga estasion ti radio iti intero a Pilipinas. (JCR/FGL,PIA-1)
https://pia.gov.ph/news/articles/1038774
No comments:
Post a Comment
Note: Only a member of this blog may post a comment.