Cebuano News: Pagbantay sa port areas, mas hugtan pa sa AFP

From the Philippine Information Agency (Jul 24): Cebuano News: Pagbantay sa port areas, mas hugtan pa sa AFP

Mas hugtan pa karon sa mga otoridad ang pagbantay sa mga port areas sa nasod human sa pagka-aresto sa tulo ka gitohuang miyembro sa Maute terror group sa Iloilo port.

Atol sa Mindanao Hour sa Malakanyang karong adlawa, miingon si AFP Spokesman Brig. Gen. Restituto Padilla nga base sa ilang initial monitoring, kini ang labing unang insidente nga may nakasulod nga terorista pasulod sa rehiyon sa Visayas.

Matud pa ni Padilla, gipaabot nga mas hugtan pa karon ang pagbantay sa mga pier sa nasod tungod sa posibleng may pipila ka miyembro sa Maute ang naka-ikyas gikan sa kordon sa militar ilabi na sa unang semana sa binakbakay sa syudad sa Marawi.

Sa pagkakaron, giingong padayon pa ang imbestigasyon sa tulo ka suspek kun unsa ka lawom ang koneksyon nila sa mga terorista ug kun unsa ang relasyon nila sa Maute brothers nga nangulo sa Marawi siege.

http://news.pia.gov.ph/article/view/1081497856360/cebuano-news-pagbantay-sa-port-areas-mas-hugtan-pa-sa-afp