Kalinaw News: Dating rebelde nakatanggap ng PhP 90,000 galing sa probinsya ng Davao Occidental

Posted to Kalinaw News (Sep 9, 2020): Dating rebelde nakatanggap ng PhP 90,000 galing sa probinsya ng Davao Occidental

Malita, Davao Occidental – Nakatanggap ng tulong pang-pinansiyal ang mga dating rebelde ng New People’s Army (NPA) bilang parte ng kanilang pangkabuhayan na ginanap sa Provincial Treasurer’s Office (PTO) kahapon, Setyembre 8, 2020.

Siyam (9) na mga dating rebelde na sumuko sa nasabing bayan ang nabigyan ng tig-sampung libo (PhP 10,000.00) bawat isa. Layunin ng probinsya na mabigyan sila ng puhunan sa kanilang pagbabagong buhay bilang parte ng Enhanced Comprehensive Local Integration Program (E-CLIP).

Ang aktibidades ay dinaluhan nina Cecille Gretchen Nawal, Provincial Treasurer, Juneber Roma, ECLIP Focal, at Djamyla Caballero, MLGOO.

Pahayag ni Lt. Col. Ronaldo G Valdez, kumander ng 73IB na nirepresentahan ni Lt Jessie Hinampas, CMO Officer ang kanyang pasasalamat sa probinsya sa pagpapahalaga sa mga dating rebelde na mabigyan ng tulong. “Ito ang dahilan kung bakit wala nang mga rebelde sa bayan ng Davao Occidental. Dahil ito sa walang sawang tulong na ibinibigay ng probinsya,” kanyang dagdag.

Sa susunod na linggo, 10 naman na mga dating rebelde naman mula sa bayan ng Jose Abad Santos ang makakatangap ng tulong pang-pinansiyal ng probinsya.






[Kalinaw News is the official online source of information on the pursuit for peace in the Philippines This website is a property of the Civil-Military Operations Regiment, Philippine Army located at Lawton Avenue, Fort Bonifacio, Taguig City. Contact us: kalinawnews@cmoregiment.com]

https://www.kalinawnews.com/dating-rebelde-nakatanggap-ng-php-90000-galing-sa-probinsya-ng-davao-occidental/