JUANITO MAGBANUA
SPOKESPERSON
NPA-NEGROS
December 10, 2021
Ginapaabot sang Apolinario Gatmaitan Command (AGC) ang mainit nga pagpanginbulahan kag pagdayaw sa tanan nga mga Pulang hangaway sa isla sang Negros ilabi na sa mga katapu sang New People’s Army sa idalum sang Leonardo Panaligan Command-New People’s Army (LPC-NPA) Central Negros Front sa maisogon nga pagpaninguha nga atubangon ang mabaskog nga atake sang pasista nga pwersa sang Armed Forces of the Philippines (AFP) kag Philippine National Police (PNP).
Halin sang madinalag-on nga pag-ambus sang LPC-NPA sa ginkombina nga tropa sang 62nd kag 79th Infantry Battalion sadtong Nobyembre 3, sunod-sunod gilayon ang paglunsar sang mga madinalag-on nga taktikal nga opensiba sa Central Negros. Ang paglunsar sang mga taktikal nga opensiba nga ginapatigayon sang mga katapu sang NPA sa isla sang Negros nakabase sa direktiba sang rehiyunal nga komand sang NPA kag sa pagtuman sa panawagan sang Partido nga maglunsar sang masunson kag malapnagon nga pagpakig-away gerilya sa bilog nga pungsod.
Indi mangin madinalag-on ang mga taktikal nga opensiba sang NPA kung wala ang madalom kag malapad nga suporta sang pumuluyo ilabi na sang masang mangunguma. Ang NPA ang nagabulig sang ila paghimakas para sa matuod nga reporma sa duta kag sa iban pa nga paghimakas batok sa tanan nga porma sang pagpanghimulos kag pagpamigos.
Akig na ang masa kay Duterte kag sa mga pasista nga hinimoan sang mga idu-ido sini sa ila operasyon militar sa kaumhan. Indi na maisip ang mga paglapas sang ila tawhanon nga kinamatarung sang mersenaryo nga AFP/PNP kag berdugo nga rehimen Duterte. Dugay na nga ginasinggitan sang hustisya ang pumuluyo kag nagapanawagan sa NPA para sa pagpangapin sang ila tawhanon nga kinamatarung.
Resulta sang malapnagon kag mabaskog nga operasyon militar sa kaumhan ang pagkahamulag sang kaaway sa malapad nga masa. Nagasandig ang AFP/PNP sa brutalidad, pagpamahug kag pagpaniplang agud iduso ila kabutigan nga mawasak ang rebolusyonaryong kahublagan sa bilog pungsod sa Hunyo 2022.
Ginapanawagan sang AGC-NPA sa tanan nga larangan gerilya sa isla sa Negros nga upod sa masang pigos kag ginhimuslan nga palapnagon ang paglunsar sang mga taktikal nga opensiba para pangapinan ang interes sang pumuluyo kag pabayaron sang mahal ang mga may utang nga dugo sa pumuluyo kag rebolusyon. Paabansehon ang halintang sang armado nga rebolusyon halin sa estratihiko nga depensiba pakadto sa estratihiko nga pagkapatas kag estratihiko nga opensiba tubtob sa lubos nga kadalag-an.
Mabuhay ang CPP, NPA kag NDF!
Mabuhay ang masang pigos!
https://prwcinfo.wordpress.com/2021/12/10/mainit-nga-pagpanginbulahan-sa-mga-madinalag-on-nga-opensiba-sang-pulang-hukbo-sa-isla-sang-negros/
December 10, 2021
Ginapaabot sang Apolinario Gatmaitan Command (AGC) ang mainit nga pagpanginbulahan kag pagdayaw sa tanan nga mga Pulang hangaway sa isla sang Negros ilabi na sa mga katapu sang New People’s Army sa idalum sang Leonardo Panaligan Command-New People’s Army (LPC-NPA) Central Negros Front sa maisogon nga pagpaninguha nga atubangon ang mabaskog nga atake sang pasista nga pwersa sang Armed Forces of the Philippines (AFP) kag Philippine National Police (PNP).
Halin sang madinalag-on nga pag-ambus sang LPC-NPA sa ginkombina nga tropa sang 62nd kag 79th Infantry Battalion sadtong Nobyembre 3, sunod-sunod gilayon ang paglunsar sang mga madinalag-on nga taktikal nga opensiba sa Central Negros. Ang paglunsar sang mga taktikal nga opensiba nga ginapatigayon sang mga katapu sang NPA sa isla sang Negros nakabase sa direktiba sang rehiyunal nga komand sang NPA kag sa pagtuman sa panawagan sang Partido nga maglunsar sang masunson kag malapnagon nga pagpakig-away gerilya sa bilog nga pungsod.
Indi mangin madinalag-on ang mga taktikal nga opensiba sang NPA kung wala ang madalom kag malapad nga suporta sang pumuluyo ilabi na sang masang mangunguma. Ang NPA ang nagabulig sang ila paghimakas para sa matuod nga reporma sa duta kag sa iban pa nga paghimakas batok sa tanan nga porma sang pagpanghimulos kag pagpamigos.
Akig na ang masa kay Duterte kag sa mga pasista nga hinimoan sang mga idu-ido sini sa ila operasyon militar sa kaumhan. Indi na maisip ang mga paglapas sang ila tawhanon nga kinamatarung sang mersenaryo nga AFP/PNP kag berdugo nga rehimen Duterte. Dugay na nga ginasinggitan sang hustisya ang pumuluyo kag nagapanawagan sa NPA para sa pagpangapin sang ila tawhanon nga kinamatarung.
Resulta sang malapnagon kag mabaskog nga operasyon militar sa kaumhan ang pagkahamulag sang kaaway sa malapad nga masa. Nagasandig ang AFP/PNP sa brutalidad, pagpamahug kag pagpaniplang agud iduso ila kabutigan nga mawasak ang rebolusyonaryong kahublagan sa bilog pungsod sa Hunyo 2022.
Ginapanawagan sang AGC-NPA sa tanan nga larangan gerilya sa isla sa Negros nga upod sa masang pigos kag ginhimuslan nga palapnagon ang paglunsar sang mga taktikal nga opensiba para pangapinan ang interes sang pumuluyo kag pabayaron sang mahal ang mga may utang nga dugo sa pumuluyo kag rebolusyon. Paabansehon ang halintang sang armado nga rebolusyon halin sa estratihiko nga depensiba pakadto sa estratihiko nga pagkapatas kag estratihiko nga opensiba tubtob sa lubos nga kadalag-an.
Mabuhay ang CPP, NPA kag NDF!
Mabuhay ang masang pigos!
https://prwcinfo.wordpress.com/2021/12/10/mainit-nga-pagpanginbulahan-sa-mga-madinalag-on-nga-opensiba-sang-pulang-hukbo-sa-isla-sang-negros/
No comments:
Post a Comment
Note: Only a member of this blog may post a comment.