JUANITO MAGBANUA
SPOKESPERSON
NPA-NEGROS
December 5, 2021
Lubos nga ginakondena sang Apolinario Gatmaitan Command (AGC-NPA) ang terorista kag berdugo nga pagpamomba nga ginlunsar sang 301st Brigade sang AFP sa idalum sang 3rd Infantry Division gamit ang FA-50 nga jet fighters nga naghulog sang duha ka 500-lb nga bomba, kag mga kanyon sa binukid nga bahin sang Sityo Burak, Brgy Alimodias, Miag-ao, Ilo-Ilo sadtong Disyembre 1.
Makasiligni nga krimen kag lapas sa International Humanitarian Law ang ini nga patarasak nga pagpamomba sang AFP sa komunidad nga naggamit sang sobra ka kusog nga mga kagamitan panggyera. Ilabi na nga naghatag ini sang tuman nga kakugmat sa mga residente kag pagkaguba sang mga pamalay, naghalit sa ila palangabuhian kag kabuhi. Makangilil-ad nga pamaagi kag duna nga dagway sang terorismo sang AFP sa diin ginabale-wala kag ginabutang sa peligro ang kabuhi sang mga sibilyan sa hambalanon sang ila madinugu-on kag madamuan nga pagpamatay.
Isa ka tinalawan kag wala sang dungog nga gyera ang ginalunsar sang pasistang AFP gamit ang sobra ka baskog nga mga armas nga liw-as sa mga prinsipyo sang makatawo nga layi sa diin nagapakita lamang sang wala-katupong nga disperasyon sang AFP sa ila damgo nga lab-uton ang tuyo nga pagwasak sang rebolusyonaryo nga kahublagan antis matapos ang termino sang tiraniko nga rehimen Duterte.
Apang wala sang ano man nga nagakaigo nga rason nga makahinabon kag nagakadapat lamang nga ibuyagyag kag kondenahon ang pagpamomba sang mga berdugo nga militar sa komunidad sang mga mangunguma nga nagatublag sa ila malinong nga pagpangabuhi kag nagatuga sang sobra nga halit sa kabuhi sang mga pumuluyo.
Gina-usikan lamang sang AFP ang pondo sa kaban sang gobyerno sa wala-pulos nga paggasto sang binilyon ka pesos nga balor sang mga bomba, mga bala sang kanyon kag gasto sa operasyon pang-kombat samtang ang pumuluyo naga-antus sang tuman nga gutom kag kapigaduhon bangud sa pagtimbuok sang presyo sang mga sandigan nga mga balaklon, pagdaku sang utang sa dumuluong nga banko, korapasyon sa sulod sang gobyerno kag pag-atubang sa problima sa Covid-19. Mas nga ginpadaku ang budget sang garbuso kag puno sang anomaliya nga NTF-ELCAC sa handum nga pukanon ang rebolusyonaryo nga kahublagan sa bilog nga pungsod.
Kon naglaum ang berdugo nga rehimen nga paagi sa paggamit sang mga abanse nga kagamitan kag armas panggera mapunggan ang pumuluyo kag armado nga paghimakas, isa lamang ini ka daku nga sayop. Samtang nagapabilin ang isa ka sistima nga mala-pyudal kag mala-kolonyal nga nagtuga sang mahimuslanon kag mapiguson nga sosyedad, magapadayon ang paghimakas sang pumuluyo para itib-ong ang armado nga paghimakas.
Ang nagalala nga kapintas sang reaksyonaryo nga gobyerno ang nagahatag sang dugang nga rason sa pumuluyo nga mangisog agud magbato para depensahan ang ila nga kinamatarung. Subongman ini ang labi nga nga nagahatag sang determinasyon sa mga isganan nga Pulang hangaway sang NPA sa masingki nga pagsulong sang inaway banwa agud pangapinan ang interes kag kaayuhan sang pumuluyo. ###
https://prwcinfo.wordpress.com/2021/12/05/dapat-maghiliusa-ang-pumuluyo-batok-sa-makasiligni-kag-terorista-nga-patarasak-nga-pagpamomba-sang-afp/
December 5, 2021
Lubos nga ginakondena sang Apolinario Gatmaitan Command (AGC-NPA) ang terorista kag berdugo nga pagpamomba nga ginlunsar sang 301st Brigade sang AFP sa idalum sang 3rd Infantry Division gamit ang FA-50 nga jet fighters nga naghulog sang duha ka 500-lb nga bomba, kag mga kanyon sa binukid nga bahin sang Sityo Burak, Brgy Alimodias, Miag-ao, Ilo-Ilo sadtong Disyembre 1.
Makasiligni nga krimen kag lapas sa International Humanitarian Law ang ini nga patarasak nga pagpamomba sang AFP sa komunidad nga naggamit sang sobra ka kusog nga mga kagamitan panggyera. Ilabi na nga naghatag ini sang tuman nga kakugmat sa mga residente kag pagkaguba sang mga pamalay, naghalit sa ila palangabuhian kag kabuhi. Makangilil-ad nga pamaagi kag duna nga dagway sang terorismo sang AFP sa diin ginabale-wala kag ginabutang sa peligro ang kabuhi sang mga sibilyan sa hambalanon sang ila madinugu-on kag madamuan nga pagpamatay.
Isa ka tinalawan kag wala sang dungog nga gyera ang ginalunsar sang pasistang AFP gamit ang sobra ka baskog nga mga armas nga liw-as sa mga prinsipyo sang makatawo nga layi sa diin nagapakita lamang sang wala-katupong nga disperasyon sang AFP sa ila damgo nga lab-uton ang tuyo nga pagwasak sang rebolusyonaryo nga kahublagan antis matapos ang termino sang tiraniko nga rehimen Duterte.
Apang wala sang ano man nga nagakaigo nga rason nga makahinabon kag nagakadapat lamang nga ibuyagyag kag kondenahon ang pagpamomba sang mga berdugo nga militar sa komunidad sang mga mangunguma nga nagatublag sa ila malinong nga pagpangabuhi kag nagatuga sang sobra nga halit sa kabuhi sang mga pumuluyo.
Gina-usikan lamang sang AFP ang pondo sa kaban sang gobyerno sa wala-pulos nga paggasto sang binilyon ka pesos nga balor sang mga bomba, mga bala sang kanyon kag gasto sa operasyon pang-kombat samtang ang pumuluyo naga-antus sang tuman nga gutom kag kapigaduhon bangud sa pagtimbuok sang presyo sang mga sandigan nga mga balaklon, pagdaku sang utang sa dumuluong nga banko, korapasyon sa sulod sang gobyerno kag pag-atubang sa problima sa Covid-19. Mas nga ginpadaku ang budget sang garbuso kag puno sang anomaliya nga NTF-ELCAC sa handum nga pukanon ang rebolusyonaryo nga kahublagan sa bilog nga pungsod.
Kon naglaum ang berdugo nga rehimen nga paagi sa paggamit sang mga abanse nga kagamitan kag armas panggera mapunggan ang pumuluyo kag armado nga paghimakas, isa lamang ini ka daku nga sayop. Samtang nagapabilin ang isa ka sistima nga mala-pyudal kag mala-kolonyal nga nagtuga sang mahimuslanon kag mapiguson nga sosyedad, magapadayon ang paghimakas sang pumuluyo para itib-ong ang armado nga paghimakas.
Ang nagalala nga kapintas sang reaksyonaryo nga gobyerno ang nagahatag sang dugang nga rason sa pumuluyo nga mangisog agud magbato para depensahan ang ila nga kinamatarung. Subongman ini ang labi nga nga nagahatag sang determinasyon sa mga isganan nga Pulang hangaway sang NPA sa masingki nga pagsulong sang inaway banwa agud pangapinan ang interes kag kaayuhan sang pumuluyo. ###
https://prwcinfo.wordpress.com/2021/12/05/dapat-maghiliusa-ang-pumuluyo-batok-sa-makasiligni-kag-terorista-nga-patarasak-nga-pagpamomba-sang-afp/
No comments:
Post a Comment
Note: Only a member of this blog may post a comment.