NPA-SOUTHERN PANAY
NAPOLEON TUMAGTANG COMMAND
NEW PEOPLE'S ARMY
Isa ka desperado kag barumbado nga tikang ang pagpangluthang-patay kanday Harold Tablazon kag Glenn Bunda sa Sityo Passi, Brgy. Mayang, Tubungan, Iloilo, kagab-i Hunyo 20, 2020. Si Tablazon, Brgy. Kagawad sang Brgy. Ago, Tubungan kag si Bunda, SK Chairman sang Brgy. Tagpuan tanan sang banwa sang Tubungan. Sandig sa pagpangusisa sang NPA, aktibo si Harold nga nagapartisipar sa ligal kag demokratiko nga hublag protesta antes pa sang 2015. Apang, sang napilian bilang Brgy. Kagawad nagpokus na sa iya pang-himaryo nga responsibilidad. SAN-O MAN INDI SILA NANGIN KATAPU SANG NPA! WALA SANG KAHILABTANAN SA OPERASYON ISPARO KAY PAURILLO.
Kon gina-claim nga si Harold Tablazon isa ka surrenderee, hugot kami nagapati nga kaparte lang siya sang madamu nga produkto sang fake surrender sa pagpanikasog ni Emelyn Estando sang Brgy. Igtuble, Tubungan, kakunsabo ang mga korap nga opisyal sang 61st IB Philippine Army. Ang NPA armado nga yunit kag isa ka organiko nga pormasyon, hugot nga nagapatuman sang kumand kag kontrol sa iya pwersa. Paano mangin NPA ang isa ka Brgy. Kagawad kag SK Chairman nga aktibo sa panghimaryo kag manug-instalar sang solar energy? Sandig sa report sang intelligence network sang NPA, naghalin pa ang nasambit nga mga biktima sa banwa sang Oton nga nagpanakod sang solar, adlaw antes nga gin-ambus.
Antes ang insidente may nakit-an nga presensya sang puti nga van kag itom nga kotse sa lugar kag nagbalik sa direksyon sa banwa sang Leon pagkatapos sang hitabu. Kon may i-subject man sa imbestigasyon para sa kasanagan sang ini nga kaso wala sang liwan kundi ang mga kaupdanan ni Paurillo sa IPPO-PDEU nga sanday Police Major Gervinson G. Moyo, Chief sang Provincial Intelligence Bureau (PIB) kag mga tinawo sini nga sanday PSSg John A. Samiana, PSSg Jovie Baconaje, PSSg Joseph Setier, PCpl Felfranz Lumahang, kag Pat. Alkaid John Halanes. Imbestigahan man si PCpl John Rico Nulada – Police Intel Non-Comissioned Officer sang Tubungan Municipal Police Station kag ang upod sini nga nakit-an nga nagabalik- balik sa lugar antes ang insidente. Ang IPPO-PDEU nga ginapatapuan ni PMSgt. Arnel Paurillo ginatudlo nga responsable sa nagakatabu nga mga kaso sang riding in tandem sa probinsya sigun sa masaligan nga tiliman-an sang NPA.
Hugot ang amon pagpati nga kabahin ini sang dirty tricks sang PNP nga desperado, magbalos bisan kay sin-o sa kamatayon ni PMSg Paurillo. Sanday Harold nangin pinamakahapos nga target nga mabaslan kag mapatu-patuan nga NPA bangud wala sang ikasarang magbatu. Indi ini makatilingala! Naandan na sang PNP kag militar nga paukpan ang sibilyan sa ila mga kapaslawan kag kapyerdihan.
Ang Napoleon Tumagtang Command hugot nga nagapakig-unong sa pamilya nanday Harold Tablazon kag Glenn Bunda. Ginapanawagan namon nga maisog ipakigbatu ang pag-angkon sang hustisya sa kamatayon sang ila himata.
JUNE 23, 2020
Isa ka desperado kag barumbado nga tikang ang pagpangluthang-patay kanday Harold Tablazon kag Glenn Bunda sa Sityo Passi, Brgy. Mayang, Tubungan, Iloilo, kagab-i Hunyo 20, 2020. Si Tablazon, Brgy. Kagawad sang Brgy. Ago, Tubungan kag si Bunda, SK Chairman sang Brgy. Tagpuan tanan sang banwa sang Tubungan. Sandig sa pagpangusisa sang NPA, aktibo si Harold nga nagapartisipar sa ligal kag demokratiko nga hublag protesta antes pa sang 2015. Apang, sang napilian bilang Brgy. Kagawad nagpokus na sa iya pang-himaryo nga responsibilidad. SAN-O MAN INDI SILA NANGIN KATAPU SANG NPA! WALA SANG KAHILABTANAN SA OPERASYON ISPARO KAY PAURILLO.
Kon gina-claim nga si Harold Tablazon isa ka surrenderee, hugot kami nagapati nga kaparte lang siya sang madamu nga produkto sang fake surrender sa pagpanikasog ni Emelyn Estando sang Brgy. Igtuble, Tubungan, kakunsabo ang mga korap nga opisyal sang 61st IB Philippine Army. Ang NPA armado nga yunit kag isa ka organiko nga pormasyon, hugot nga nagapatuman sang kumand kag kontrol sa iya pwersa. Paano mangin NPA ang isa ka Brgy. Kagawad kag SK Chairman nga aktibo sa panghimaryo kag manug-instalar sang solar energy? Sandig sa report sang intelligence network sang NPA, naghalin pa ang nasambit nga mga biktima sa banwa sang Oton nga nagpanakod sang solar, adlaw antes nga gin-ambus.
Antes ang insidente may nakit-an nga presensya sang puti nga van kag itom nga kotse sa lugar kag nagbalik sa direksyon sa banwa sang Leon pagkatapos sang hitabu. Kon may i-subject man sa imbestigasyon para sa kasanagan sang ini nga kaso wala sang liwan kundi ang mga kaupdanan ni Paurillo sa IPPO-PDEU nga sanday Police Major Gervinson G. Moyo, Chief sang Provincial Intelligence Bureau (PIB) kag mga tinawo sini nga sanday PSSg John A. Samiana, PSSg Jovie Baconaje, PSSg Joseph Setier, PCpl Felfranz Lumahang, kag Pat. Alkaid John Halanes. Imbestigahan man si PCpl John Rico Nulada – Police Intel Non-Comissioned Officer sang Tubungan Municipal Police Station kag ang upod sini nga nakit-an nga nagabalik- balik sa lugar antes ang insidente. Ang IPPO-PDEU nga ginapatapuan ni PMSgt. Arnel Paurillo ginatudlo nga responsable sa nagakatabu nga mga kaso sang riding in tandem sa probinsya sigun sa masaligan nga tiliman-an sang NPA.
Hugot ang amon pagpati nga kabahin ini sang dirty tricks sang PNP nga desperado, magbalos bisan kay sin-o sa kamatayon ni PMSg Paurillo. Sanday Harold nangin pinamakahapos nga target nga mabaslan kag mapatu-patuan nga NPA bangud wala sang ikasarang magbatu. Indi ini makatilingala! Naandan na sang PNP kag militar nga paukpan ang sibilyan sa ila mga kapaslawan kag kapyerdihan.
Ang Napoleon Tumagtang Command hugot nga nagapakig-unong sa pamilya nanday Harold Tablazon kag Glenn Bunda. Ginapanawagan namon nga maisog ipakigbatu ang pag-angkon sang hustisya sa kamatayon sang ila himata.
No comments:
Post a Comment
Note: Only a member of this blog may post a comment.