CPP/Ang Bayan: Ga­lit at da­ma­yan sa pa­na­hon ng lockdown

Propaganda article from the Tagalog language edition of Ang Bayan posted to the Communist Party of the Philippines (CPP) Website (Apr 7, 2020): Ga­lit at da­ma­yan sa pa­na­hon ng lockdown

Hin­di na­pi­gi­lan ng lockdown ang pag­sam­bu­lat ng ga­lit ng ma­ma­ma­yan sa mga ka­pal­pa­kan ng re­hi­men sa pag­ha­rap ng kri­sis ng pan­dem­yang Covid-19.

Noong Abril 1, nagpro­tes­ta ang mga re­si­den­te ng Sit­yo San Roque sa Ba­ra­ngay Ba­gong Pag-a­sa, Quezon City pa­ra ipa­na­wa­gan ang kag­yat na sub­sid­yong pag­ka­in. May ha­los 6,000 re­si­den­te ang San Roque na ka­ra­mi­ha’y mga ma­la-mang­ga­ga­wa na umaa­sa sa ara­wang ki­ta. Ma­ta­gal nang tinatangka ng lokal na pamahalaan dito na palayasin sila sa lu­gar pa­ra big­yan-da­an ang pag­ta­ta­yo ng mga mall at iba pang gu­sa­ling komersyal.

Imbes na tu­gu­nan, ma­ra­has na di­nis­pers ng mga pu­lis ang ma­pa­ya­pang pag­ki­los at ina­res­to ang 21 ra­li­yis­ta. Idi­ne­ti­ne si­la at pi­nag­ban­ta­ang hin­di pa­ka­ka­wa­lan hang­gang hin­di ma­ta­pos ang lock­down. Sa isang na­ka­bid­yong pa­­ha­yag ni Du­ter­te ki­na­ga­bi­han, inu­tu­san niya ang PNP na ba­ri­lin ang si­nu­mang “la­la­ban.” La­long pi­nag-a­lab ng kau­tu­sang ito ang ku­mu­ku­long ga­lit ng ma­ma­ma­yan.

Tu­mam­pok sa social me­dia ang pa­na­wa­gang #OustDu­ter­teNow (Patalsikin na si Duterte) pag­ka­ta­pos ng kanyang talumpati. Ma­ra­ming ar­tis­ta at ki­la­lang per­so­na­li­dad ang na­kii­sa sa pa­na­wa­gan at nag­pa­da­la ng ayu­da sa mga maralita. Marami ang nag-ambag para makalikom ng pampyansa ng mga ina­res­to (P15,000 ka­da isa o P315,000). Na­pi­li­ta­n ang pulis na palayain ang 21 no­ong Abril 6. Gayunpaman, mu­ling sina­lakay ng PNP ang komu­nidad sa pa­re­­hong araw. Ma­rahas nilang bi­­nu­wag ang iti­nayo ng mga res­idente na ko­mu­nal na kusina.

Sa parehong araw, binuwag ng mga pu­lis ang barikada ng resi­dente ng Ba­rangay Didipio, Kasibu, Nueva Vizcaya. Hinarang ng taumbayan ang fuel tanker na ipinupuslit ng Ocea­na­Gold. Liban sa pagbabawal ng lockdown, iligal ang ope­rasyon ng OceanaGold dahil may kautusan laban dito ang lokal na pamahalaan.

Magkakasunod na protesta ang inilunsad ng mamamayan para mana­wa­gan ng kagyat na ayuda. Sa Iloilo, nagprotesta ang mga residente sa ha­rap ng himpilan ng DSWD Re­gi­on VI noong Abril 3. Sa Ca­ma­ri­nes Nor­te, ki­na­lam­pag naman ng mga dray­­ber ng tray­si­kel ang upi­si­na ni Gov. Edgar­do Tal­la­do.

Da­la­wang be­ses na­mang su­mu­god (Marso 24 at April 2) ang mga re­si­den­te ng Ba­ra­ngay Muzon, Tay­tay, Rizal sa ba­ra­ngay hall pa­ra igi­it na big­yan si­la ng ayu­da.

Pro­tes­tang online

Idi­na­an sa in­ter­net ng ma­ra­ming sek­tor, la­lu­na ng ka­ba­ta­an at mga pro­pe­syu­nal, ang ka­ni­lang ku­mu­ku­long ga­lit la­ban kay Du­ter­te dahil ba­wal ang pag­la­bas sa ba­hay at mga pag­ti­ti­pon. Tu­luy-tu­loy ang ka­ni­lang pag­ba­ti­kos sa re­hi­men sa kai­nu­ti­lan ni­tong big­yan ng sa­pat na ka­ga­mi­tan tu­lad ng mga face mask, ther­mal scan­ner at per­so­nal pro­tective equip­ment (PPE) ang mga mang­ga­ga­wang pang­ka­lu­su­gan.

Binatikos nila sa social me­dia ang pagbibigay prayoridad sa pag­pa­pa­ek­sa­men ng mga se­na­dor at kong­re­sis­ta sa git­na ng ka­sa­la­tan sa mga tes­ting kit. Lu­ma­ga­nap ang mga pana­wagang #No­toVIPTes­ting at #MassTes­tingNowPH, at igi­ni­it ng mama­mayan na da­pat bi­g­yan ng pra­yo­ri­dad ang mga duk­tor at nars, ga­yun­din ang mga hi­ni­hi­na­lang positibo sa Covid-19. Ba­ha­gi ng ba­ta­yang mga hak­bang na ini­re­ko­men­da ng World Health Orga­niza­ti­on ang pag­sa­sagawa ng mass tes­ting o mala­wakang pag-eeksamen sa mga tao. Nag-a­nun­syo ang re­hi­men na mag­sa­sa­ga­wa ng mass tes­ting mu­la Abril 14 pe­ro pa­ra la­mang sa mga taong may sintomas ng sakit at mang­ga­ga­wang pang­ka­lu­su­gan.

Tu­mam­pok din ang #Na­sa­an­Ang­A­yu­­da pa­ra si­ngi­lin ang rehimen sa ma­ba­gal na distribusyon at li­mi­ta­dong tu­long pi­nan­sya­l.

Hin­di rin ni­la pi­na­lam­pas ang pang­gi­gi­pit ng mga tau­han ni Du­ter­te kay Vice Pre­si­dent Le­ni Rob­re­do at Ma­yor Vico Sot­to ng Pa­sig na, ta­li­was sa pam­ban­sang gub­yer­no, ay kap­wa hi­na­nga­an da­hil sa pagkaka­wang­ga­wa sa mga mang­ga­ga­wang pang­ka­lu­su­gan at mga pi­na­hi­ra­pan ng lockdown. Ma­la­wak na su­por­ta rin ang na­tang­gap ni Atty. Chel Diok­no, na nag­bo­lun­tar­yong magbigay ng serbisong ligal sa mga inii­pit ng NBI, nang ba­ti­ku­sin at kutyain siya ni Du­ter­te.

Tumampok noong Abril 5 ang #Defend­Press­Freedom bi­lang pag­tatang­gol kay Jos­hua Mo­lo, editor-in-chief ng Dawn, pa­ha­ya­gang es­tudyante ng Uni­versity of the East. Binan­taan si Molo na iku­kulong kung hindi siya humingi ng ta­wad kaugnay sa kanyang mga kon­tra-Duterte na pahayag sa Facebook.

Da­ma­yan sa pag­sug­po sa Covid 19

Da­hil hin­di ram­dam ang ayu­da ng gub­yer­no, bu­hos ang pag­si­si­kap ng iba’t ibang gru­po at in­di­bid­wal pa­ra mag­bigay ng tu­long sa mga mang­ga­ga­wang pang­ka­lu­su­gan at mga ma­ra­li­ta. Ito ay ha­bang pi­nag­si­si­ka­pan ng lo­kal na mga upi­syal ng gub­yer­no na pag­ka­sya­hin ang li­mi­ta­dong re­kur­so sa pag­ha­rap sa pa­nga­ngai­la­ngan ng mga re­si­den­te.

Sa pamamagitan ng kam­pan­yang #Ba­ra­ngayDa­ma­yan na ini­sya­ti­ba ng Ka­da­may, nam­ama­ha­gi ang gru­po ng re­lief goods sa iba’t ibang ma­ra­li­tang ko­mu­ni­dad. Pi­na­ngu­na­han ng Ki­lu­sang Mag­bu­bu­kid ng Pi­li­pi­nas ang Sa­gip Ka­na­yu­nan upang ma­ka­tu­long sa mga mag­bu­bu­kid ng Ba­ta­ngas at Bu­lacan. Inilunsad din nito ang kampanyang Bag­sak-Ahon Gu­lay Sa­le kung saan ang mga ina­ning gu­lay ng mga mag­sa­sa­ka sa Bu­lacan ay ibi­ne­ben­ta on­li­ne. Na­­ma­ha­gi rin ng ayu­da ang Ki­lu­sang Ma­yo Uno sa mga mang­ga­ga­wa sa Ca­lo­ocan at Que­zon City sa pama­ma­gi­tan ng kampanyang #Tu­long­Ob­re­ro.

Mu­la sa na­kulek­tang mga do­na­syo­n, na­ma­ha­gi ng mga iso­la­ti­on tent si Angel Locsin sa iba’t ibang os­pi­tal sa Luzon pa­ra ma­ka­tang­gap pa ang mga ito ng dag­dag na mga pa­sye­nteng may sin­to­mas ng Covid-19. May ka­ni-kan­ya ring pag­si­si­kap ang iba pang mga ar­tis­ta at manggagawa pa­ra ma­kalikom ng tu­long.

Ma­ra­ming Pi­li­pi­no ang hu­mu­got sa ka­ni­lang mga bul­sa pa­ra tu­mu­long mag­pa­ra­mi ng mga face mask at iba pang pa­nga­ngai­la­ngan ng mga os­pi­tal. Nami­gay ng lib­reng lu­tong pag­ka­in ang mga res­to­ran, ka­rin­der­ya at or­di­nar­yong ma­ma­ma­yan. Ang mga may sa­sak­yan ay nag-a­lok ng mga lib­reng sa­kay, lib­reng de­li­beri at iba pang ser­bi­syo.

[Ang Bayan is the official news organ of the Communist Party of the Philippines and is issued by the CPP Central Committee. It provides news about the work of the Party as well as its analysis of and views on current issues. Ang Bayan comes out fortnightly and is published in Pilipino, Bisaya, Ilokano, Waray, Hiligaynon and English.]

https://cpp.ph/2020/04/07/galit-at-damayan-sa-panahon-ng-lockdown/