NPA-CENTRAL NEGROS
LEONARDO PANALIGAN COMMAND
NEW PEOPLE'S ARMY
NOVEMBER 02, 2019
Desperado ang combined forces sang 3ID nga AFP, CIDG kag SWAT sang PNP nga simultaneous kag ilegal nga nagraid sang mga opisina sang progresibong organisasyon kaangay sang NFSW, Gabriela, Bayan Muna kag Anakpawis sa Bacolod City, Oktubre 31, 2019 sang hapon suno kay JB Regalado, tagpamaba sang LPC-NPA sa Central Negros.
Maathag ang sistematiko nga plano sang AFP kag PNP sa mando ni Duterte sa pagpatuman sang de facto Martial Law idalum sa MO#32 kag EO#70 sa ila nga kampanyang militar Oplan Kapanatagan sa isla sang Negros. Tuyo lang sang pasistang AFP kag PNP nga pahugon kag punggan ang padayon kag nagabaskog nga paghimakas masa, pagbuyagyag sang mga kagarukan sang rehimeng US-Duterte kag lig-on nga nagaduso sang mga demokratikong interes sang malapad nga pumuluyo batok sa pasista, inutil kag pahirap nga tiraniyang US-DU30.
Dugang pa ni Regalado nga planted ang mga armas bangud istelo na sang pasistang makinaryas ni Duterte ang “Tanim Baril at Explosibo” kag magdrawing sang hinimu-himo nga mga kaso batok sa mga biktima ilabe na sa mga aktibista kag mga lideres sini.
Nerbyuso, tinalawan kag ilegal ang ginhimo sang AFP sa pagpamuno ni Capt. Cenon Pancito sang 3IDPA kag PNP nga pag-aresto sa 62 tanan ka mga aktibista, lider aktibista lakip na ang mga minor de edad nga mga opisyal nga katapo sang progressive cultural groups kaangay sang Teatro Obrero kag iban pa. Mabaskog ini nga ginakondenar sang LPC-NPA suno ni Regalado.
Malisyuso ang pagpasibangud ni BGen. Benedict Arevalo sang 303rd BdePA sa mga progresibong organisasyon nga kuno prente sang CPP-NPA kag naga-training sa mga pamatan-on nga magpasakop sa NPA. Daan kag tuktukon na nga “modus operandi” sang state security forces batok sa mga demokratiko kag progresibong sektor. Ang matuod, bangud sang pagka-inutil, pasismo kag pagpanghingabot ni Duterte sa iya mga kritiko kag ang padayon nga paglapak sang AFP kag PNP sang tawhanon nga mga kinamatarung sang malapad nga pumuluyo; ang nagaduso sa pumuluyo nga magpasakop sa armadong paghimakas sa kaumahan nga ginatib-ong sang NPA dugang pa Regalado.
Siling man ni Regalado nga si Digong Duterte mismo upod sa AFP kag PNP ang numero uno nga recruiter sang NPA.
Diversionary tactics lang ang pakitang gilas ni BGen. Arevalo kag Capt. Pancito sa Bacolod kag bug-os nga isla sang Negros. Gusto lang hinabunan sang AFP, PNP kag ni Duterte ang nagadalum nga biak kag demoralisasyon sa ila hanay bunga sang makahuluya kag nagasalalampaw nga mga kriminalidad, iskandalo sa ilegal nga druga, korapsyon, pag-agaway sang posisyon kag luho sang mga Heneral sang AFP kag PNP.
Nagpanawagan man si Regalado nga maglunsar sang mga madinalag-on nga taktikal nga opensiba ang tanan nga yunit sang NPA sa Central Negros kag ihatag ang mga nagakaigo nga hustisya sa mga biktima sang Oplan Sauron 1 kag 2 kag iban nga mga porma sang human right’s violations nga ginkomiter sang mga reaksyunaryo kag pasistang tropa sang AFP kag PNP.
Padayon man si Regalado nga nagapanawagan sa mga biktima kag bug-os nga Negrosanon nga mag-isa, magsuporta kag magpasakop sa New People’s Army sa kadalag-an sang inaway banwa para sa lubos nga katumanan sang pungsodnon nga kahilwayan kag tunay nga demokrasya.
Desperado ang combined forces sang 3ID nga AFP, CIDG kag SWAT sang PNP nga simultaneous kag ilegal nga nagraid sang mga opisina sang progresibong organisasyon kaangay sang NFSW, Gabriela, Bayan Muna kag Anakpawis sa Bacolod City, Oktubre 31, 2019 sang hapon suno kay JB Regalado, tagpamaba sang LPC-NPA sa Central Negros.
Maathag ang sistematiko nga plano sang AFP kag PNP sa mando ni Duterte sa pagpatuman sang de facto Martial Law idalum sa MO#32 kag EO#70 sa ila nga kampanyang militar Oplan Kapanatagan sa isla sang Negros. Tuyo lang sang pasistang AFP kag PNP nga pahugon kag punggan ang padayon kag nagabaskog nga paghimakas masa, pagbuyagyag sang mga kagarukan sang rehimeng US-Duterte kag lig-on nga nagaduso sang mga demokratikong interes sang malapad nga pumuluyo batok sa pasista, inutil kag pahirap nga tiraniyang US-DU30.
Dugang pa ni Regalado nga planted ang mga armas bangud istelo na sang pasistang makinaryas ni Duterte ang “Tanim Baril at Explosibo” kag magdrawing sang hinimu-himo nga mga kaso batok sa mga biktima ilabe na sa mga aktibista kag mga lideres sini.
Nerbyuso, tinalawan kag ilegal ang ginhimo sang AFP sa pagpamuno ni Capt. Cenon Pancito sang 3IDPA kag PNP nga pag-aresto sa 62 tanan ka mga aktibista, lider aktibista lakip na ang mga minor de edad nga mga opisyal nga katapo sang progressive cultural groups kaangay sang Teatro Obrero kag iban pa. Mabaskog ini nga ginakondenar sang LPC-NPA suno ni Regalado.
Malisyuso ang pagpasibangud ni BGen. Benedict Arevalo sang 303rd BdePA sa mga progresibong organisasyon nga kuno prente sang CPP-NPA kag naga-training sa mga pamatan-on nga magpasakop sa NPA. Daan kag tuktukon na nga “modus operandi” sang state security forces batok sa mga demokratiko kag progresibong sektor. Ang matuod, bangud sang pagka-inutil, pasismo kag pagpanghingabot ni Duterte sa iya mga kritiko kag ang padayon nga paglapak sang AFP kag PNP sang tawhanon nga mga kinamatarung sang malapad nga pumuluyo; ang nagaduso sa pumuluyo nga magpasakop sa armadong paghimakas sa kaumahan nga ginatib-ong sang NPA dugang pa Regalado.
Siling man ni Regalado nga si Digong Duterte mismo upod sa AFP kag PNP ang numero uno nga recruiter sang NPA.
Diversionary tactics lang ang pakitang gilas ni BGen. Arevalo kag Capt. Pancito sa Bacolod kag bug-os nga isla sang Negros. Gusto lang hinabunan sang AFP, PNP kag ni Duterte ang nagadalum nga biak kag demoralisasyon sa ila hanay bunga sang makahuluya kag nagasalalampaw nga mga kriminalidad, iskandalo sa ilegal nga druga, korapsyon, pag-agaway sang posisyon kag luho sang mga Heneral sang AFP kag PNP.
Nagpanawagan man si Regalado nga maglunsar sang mga madinalag-on nga taktikal nga opensiba ang tanan nga yunit sang NPA sa Central Negros kag ihatag ang mga nagakaigo nga hustisya sa mga biktima sang Oplan Sauron 1 kag 2 kag iban nga mga porma sang human right’s violations nga ginkomiter sang mga reaksyunaryo kag pasistang tropa sang AFP kag PNP.
Padayon man si Regalado nga nagapanawagan sa mga biktima kag bug-os nga Negrosanon nga mag-isa, magsuporta kag magpasakop sa New People’s Army sa kadalag-an sang inaway banwa para sa lubos nga katumanan sang pungsodnon nga kahilwayan kag tunay nga demokrasya.
No comments:
Post a Comment
Note: Only a member of this blog may post a comment.