Cecil Estrella
Spokesperson
NPA-Northern Negros (Roselyn Pelle Command)
Negros Island Regional Operational Command (Apolinario Gatmaitan Command)
New People's Army
July 23, 2023
Hugot nga ginapanginwala sang Roselyn Jean Pelle Command sang New People’s Army – Northern Negros Guerilla Front (RJPC-NPA) ang pahayag sa #DiMasaligan79IB nga iya sa NPA ang narekober nga mga kagamitang militar sa Sityo Bandol, Barangay Maaslob sa banwa sang Calatrava, Negros Occidental sadtong Hulyo 8, 2023.
Suno sa balita, naglunsar sang operasyon kombat ang #DiMasaligan79IB sa nasambit nga lugar tungod sa report sang isa ka sibilyan nga may NPA sa lugar kag, sang Hulyo 8, nakakuha sila kuno sang mga kagamitan pang-militar pareho sa isa ka riple sang M14, mga magasin kag bala sini, mga magasin kag bala sang M16 rifle, mga clip sang riple nga Garand, kag iban pa.
Lunsay kabutigan ang nasambit nga pahayag. Wala sang yunit sang NPA sa amo nga lugar. Wala man sang armory sang armas-luthang ang NPA sa amo nga lugar.
Ang amo nga istorya ang gin-obra sang #DiMasaligan79IB para hatagan rason ang ila dalagkuan nga mga focused military operation (FMO) kag magtenir sa nasambit nga barangay. Dugang pa, nagapakita lang ini sa ila nga desperasyon bilang idu-ido sang nagahari nga sahi nga gintiglawasan ni Marcos Jr nga sundon ang mando nga wasakon ang armado nga pagsukol sa Negros sa pagtapos sang tuig 2023.
Nagpadayaw gilayon ang bag-o nga 79IB Commanding Officer nga si Lt. Col. Arnel Calaoagan kag nagpatuman dayon sa amo nga mando sang AFP paagi sa pag-obra sang kabutigan. Gin-ekspektar niya nga paagi sini makakuha siya sang pagkilala kag respeto sang nakataas sa iya. Kag mahatagan rason nga makatinir ang iya tropa sa erya kag makontrol ang pamensaron kag hulag sang mga residente. Apang dira nagsala si Calaoagan.
Sa pihak, nakabalo na ang pumuluyong Pilipino sa rekord sang AFP sa pag-obra sang istorya, pagtanom sang ebidensya kag pagpasibangud sa NPA sa mga kahimoan nga sila man lang ang ga-obra. Nahibalo-an na sa pumuluyo sa norte nga bahin sang Negros ang malain nga rekord sang #DiMasaligan79IB kag sa 303IBde—ang mahigko nga gyera nga ila gilunsar sa Negros nga nagresulta sa pagpamatay, pagpangulata, pagpangransak, pugos nga pagpasurender kag iban pa nga kalapasan sa tawhanon nga kinamatarung.
Ang matuod nga mga datos makuha nato halin sa mga inosente nga mga pumuluyo, ilabi na sa mga biktima, kag indi naton makuha halin sa bibig sang nagapang-abusar nga mga unipormado kag sinuholan nga tropa sang militar.###
https://philippinerevolution.nu/statements/indi-sa-npa-ang-narekober-nga-mga-armas-sa-calatrava/
Hugot nga ginapanginwala sang Roselyn Jean Pelle Command sang New People’s Army – Northern Negros Guerilla Front (RJPC-NPA) ang pahayag sa #DiMasaligan79IB nga iya sa NPA ang narekober nga mga kagamitang militar sa Sityo Bandol, Barangay Maaslob sa banwa sang Calatrava, Negros Occidental sadtong Hulyo 8, 2023.
Suno sa balita, naglunsar sang operasyon kombat ang #DiMasaligan79IB sa nasambit nga lugar tungod sa report sang isa ka sibilyan nga may NPA sa lugar kag, sang Hulyo 8, nakakuha sila kuno sang mga kagamitan pang-militar pareho sa isa ka riple sang M14, mga magasin kag bala sini, mga magasin kag bala sang M16 rifle, mga clip sang riple nga Garand, kag iban pa.
Lunsay kabutigan ang nasambit nga pahayag. Wala sang yunit sang NPA sa amo nga lugar. Wala man sang armory sang armas-luthang ang NPA sa amo nga lugar.
Ang amo nga istorya ang gin-obra sang #DiMasaligan79IB para hatagan rason ang ila dalagkuan nga mga focused military operation (FMO) kag magtenir sa nasambit nga barangay. Dugang pa, nagapakita lang ini sa ila nga desperasyon bilang idu-ido sang nagahari nga sahi nga gintiglawasan ni Marcos Jr nga sundon ang mando nga wasakon ang armado nga pagsukol sa Negros sa pagtapos sang tuig 2023.
Nagpadayaw gilayon ang bag-o nga 79IB Commanding Officer nga si Lt. Col. Arnel Calaoagan kag nagpatuman dayon sa amo nga mando sang AFP paagi sa pag-obra sang kabutigan. Gin-ekspektar niya nga paagi sini makakuha siya sang pagkilala kag respeto sang nakataas sa iya. Kag mahatagan rason nga makatinir ang iya tropa sa erya kag makontrol ang pamensaron kag hulag sang mga residente. Apang dira nagsala si Calaoagan.
Sa pihak, nakabalo na ang pumuluyong Pilipino sa rekord sang AFP sa pag-obra sang istorya, pagtanom sang ebidensya kag pagpasibangud sa NPA sa mga kahimoan nga sila man lang ang ga-obra. Nahibalo-an na sa pumuluyo sa norte nga bahin sang Negros ang malain nga rekord sang #DiMasaligan79IB kag sa 303IBde—ang mahigko nga gyera nga ila gilunsar sa Negros nga nagresulta sa pagpamatay, pagpangulata, pagpangransak, pugos nga pagpasurender kag iban pa nga kalapasan sa tawhanon nga kinamatarung.
Ang matuod nga mga datos makuha nato halin sa mga inosente nga mga pumuluyo, ilabi na sa mga biktima, kag indi naton makuha halin sa bibig sang nagapang-abusar nga mga unipormado kag sinuholan nga tropa sang militar.###
https://philippinerevolution.nu/statements/indi-sa-npa-ang-narekober-nga-mga-armas-sa-calatrava/
No comments:
Post a Comment
Note: Only a member of this blog may post a comment.