Columbio, Camiguin nagpalig-on sa kampanya batok insurhensya

From the Philippine Information Agency (Jan 19, 2021): Columbio, Camiguin nagpalig-on sa kampanya batok insurhensya (By Vincent Philip S. Bautista)

CAMIGUIN, Jan. 13 (PIA)--Aron mmapahingusgan ang kampanya batok insurhensya, ug aron makab-ot ang kalinaw ug kahusay sa ilang mga lugar, ang Columbia, Sultan Kudarat sa Region 12 ug ang Camiguin sa Rehiyon 10 giprayoridad ang mga proyekto ug gidala ang serbisyo sa gobyerno sa ilang mga naila nga Mga Convergence Areas for Peace and Development (CAPDev).

Sa Network Briefing News kauban si Communication Sec. Martin Andanar, si Columbio Mayor Edwin Bermudez nag-ingon nga ilang gi-organisar ang 24 nga mga asosasyon o grupo sa mga mag-uuma sa lugar inabagan sa Armed Forces of the Philippines (AFP).

Gisugyot ni Columbio nga gitabangan nila ang mga proyekto sa plantasyon sa saging ug mga utanon. Ang local government unit (LGU) naghatag usab ug kanding ug manok, ug nagtabang sila sa pagpaayo sa mga fishpond sa nahisgutang mga lugar.

Kaniadtong Disyembre 2020, ang LGU kauban ang lain-laing mga ahensya sa gobyerno nagbisita sa 12 ka mga lugar sa CAPDev ug naghimo usa ka caravan aron mahatagan dayon nga tabang ang mga residente nga nanginahangla'g serbisyo o tabang sa gobyerno.

"Sa pamamagitan ng whole-of-nation approach, natulungan natin ang mga kababayan at naibsan ang kanilang paghihirap (Sa whole-of-nation nga pamaagi, nakatabang kami sa among mga lumulupyo para mapagaan ang ilang mga kalisud)," ingon ni Bermude.

Pagpadayon sa kalinaw, kahusay sa Camiguin

Sa Camiguin, gawas sa paghimo ug caravans aron madala ang mga serbisyo ug programa sa gobyerno duol sa mga tawo pinaagi sa lain-laing mga nasyonal nga ahensya sa gobyerno, ang 58th Infantry Division padayon ang mga operasyon sa seguridad sa mga punta sa pagsulod ug paggawas sa probinsya.

Dugang pa, ang Department of the Interior and Local Government (DILG)-Camiguin nagtaho nga 100 porsyento na ang pagsunod sa tanan nga mga LGU sa probinsya hangtod sa lebel sa barangay sa pag-organisar sa mga local task force sa Ending Local Communist Armed Conflict (ELCAC).

Ang Retooled Community Support Program (RCSP) gilansad na sa lima nga nagpaila nga mga pilot barangays sa probinsya ug kini kauban ang Barangay Manduao, Butay, Owakan, Benhaan ug Cuna.

Sa nasangpit nga paglansad sa RCSP, aduna'y total nga P300,000 nga hinabang nga panginabuhian ang gihatag sa Department of Labor and Employment (DOLE).

Ang Department of Trade and Industry (DTI) nagpadagan usab sa Serbisyo Negosyo sa Barangay ug naghatag livelihood starter kit sa mga kwalipikado nga benepisyaryo.

Ang Whole of Nation Initiative (WNI) usa ka koordinasyon nga lawas nga estratehikong magtubag sa mga kakulang sa pag-uswag sa mga lugar nga naapektuhan sa panagbangi. Gipili sa WNI ang mga representante gikan sa mga ahensya sa gobyerno ug gipunting ang pag-apil sa pribadong sektor padulong sa piho sa mga katuyoan. (VPSB/PIA10)

https://pia.gov.ph/news/articles/1064209