TAGBILARAN CITY, Bohol, July 2, (PIA)—Sa pagtalikod sa gikamingawan nga 302nd Infantry Brigade (302IBde) sa Bohol, ang ilang pag-abut sa Negros Oriental gikahinaman usab sa mga Negrense, ilabi na ni Gobernador Roel Degamo.
Karon nga tua na nagbase sa Tanjay City, Negros Oriental, ang pag-balik sa 302IBde sa Negros Oriental nakaani og pagdayeg ni Gob. Degamo, kinsa mitukbil niini sa iyang inauguration speech niadtong Hunyo 30.
Gawas nga gidayeg sa gobernador, ang pagbalik sa 302IBde, gikahinaman usab tungod sa kadaku sa gikatampo sa brigade sa kinatibuk-an nga damgo sa pagpatunhay sa kalinaw, kahapsay ug kahusay sa lalawigan nga padayon pang gisamok sa mga rebeldeng teroristang komunista.
MAPASALAMATON. Init nga gidawat ni Gob Roel Degamo sa Negros Oriental ang pagbalik sa 302nd IBde sa iyang lalawigan kay kini nga bahan maoy nakapahimo sa Negros nga Ready for Development tungod kay nadumala na niini ang conflict. Karon, ang Negros na lang ang nagpabiling lalawigan sa Central Visayas nga gihulga sa mga rebelde. (302ndIDBe photo)
Kahinumduman nga kaniadtong 2012-2014, ang 302IBde nga nakadestino pa sa Negros Oriental sa ilang paglihok didto sa pagpukan sa insurhensya, kini misangput sa pagdeklara sa lalawigan niadtong 2014 nga Conflict Manageable ug Development Ready Province na.
Apan, gikuha ang 302IBde sa Negros aron idestino sa Bohol, nga niadtong panahona, nadeklara na unta nga Insugency-Free, apan gisamok pa gihapon sa mga rebelde nga mipabalhin sa natad sa pagpakigbangi ngadto na sa mga white areas.
Sa pagbalik sa 302IBde sa Negros Oriental, tumong sa bahan nga gipangulohan ni Brigadier General Ignacio Madriaga nga mamahimo sila nga pwersa nga manguna pagpa-asdang sa kalinaw ug kaugmaran, inabangan sa pagtambayayong ug pag-alayon sa mga local chief executives.
Una nila nga tumong kadtong pagpalingkawas sa katawhan sa gisagubang nga mga suliran ilabi na sa mga gipas-an sa katawhan.
Gawas pa, buot usab sa bahan ni General Madriaga nga mamahimo silang lig-on nga pwersa nga magpakalma ug magpapas sa suliran sa mga rebelde didto sa Negros Oriental, gamit ang ilang napatambok nga kasinati-an sa pagsagubang sa mga rebelde sa Bohol ug sa whole of nation approach nga gimandu sa kagamhanan.
Uban usab sa Philippine National Police, buot ni Gen Madriaga nga ang bahan sa 302IBde kahadlokan sa mga criminal ug terorista ug kon may panginahanglan, sila ang mga ka-agbay sa mga LGUs ug katawhan ilabi na sa panahon sa mga katalagman ug kalisud.
Niini, matud ni Brig Gen Madriaga: “Nagpasalamat kita sa Gobernador sa iyang walay putol ug walay paglubad nga suporta sa 302IBde ug sa init nga pagdawat sa bahan balik sa Negros.”
Gipasalig usab sa heneral nga ang army ug ang kagamhanan nga probinsyal sa NegOr magtambayayong sa pagpuhag sa insurhensya, pinaagi sa kasibut sa kagamhanan sa pagduso sa mas paspas ug napanahon nga pagtumod sa serbisyo ngadto sa katawhan.
Ang 302IBde padayon nga magsuporta dili lamang sa kagamhanang probinsyal kon dili apil na ang tanang Negrense nga nangandoy nga mapadangat na ang kalinaw nga molungtad sa lalawigan samtang ikasalibay na ang pagpanghugpa ug pagpanghuraw sa mga terorista nga NPA nga maoy nakaabut sa kalinaw ug kaugmaran sa lalawigan, matud ni General Madriaga subay sa taho Captain Khadaffy Tawantawan. (rahc/PIA-7/Bohol)
https://pia.gov.ph/news/articles/1024195
Apan, gikuha ang 302IBde sa Negros aron idestino sa Bohol, nga niadtong panahona, nadeklara na unta nga Insugency-Free, apan gisamok pa gihapon sa mga rebelde nga mipabalhin sa natad sa pagpakigbangi ngadto na sa mga white areas.
Sa pagbalik sa 302IBde sa Negros Oriental, tumong sa bahan nga gipangulohan ni Brigadier General Ignacio Madriaga nga mamahimo sila nga pwersa nga manguna pagpa-asdang sa kalinaw ug kaugmaran, inabangan sa pagtambayayong ug pag-alayon sa mga local chief executives.
Una nila nga tumong kadtong pagpalingkawas sa katawhan sa gisagubang nga mga suliran ilabi na sa mga gipas-an sa katawhan.
Gawas pa, buot usab sa bahan ni General Madriaga nga mamahimo silang lig-on nga pwersa nga magpakalma ug magpapas sa suliran sa mga rebelde didto sa Negros Oriental, gamit ang ilang napatambok nga kasinati-an sa pagsagubang sa mga rebelde sa Bohol ug sa whole of nation approach nga gimandu sa kagamhanan.
Uban usab sa Philippine National Police, buot ni Gen Madriaga nga ang bahan sa 302IBde kahadlokan sa mga criminal ug terorista ug kon may panginahanglan, sila ang mga ka-agbay sa mga LGUs ug katawhan ilabi na sa panahon sa mga katalagman ug kalisud.
Niini, matud ni Brig Gen Madriaga: “Nagpasalamat kita sa Gobernador sa iyang walay putol ug walay paglubad nga suporta sa 302IBde ug sa init nga pagdawat sa bahan balik sa Negros.”
Gipasalig usab sa heneral nga ang army ug ang kagamhanan nga probinsyal sa NegOr magtambayayong sa pagpuhag sa insurhensya, pinaagi sa kasibut sa kagamhanan sa pagduso sa mas paspas ug napanahon nga pagtumod sa serbisyo ngadto sa katawhan.
Ang 302IBde padayon nga magsuporta dili lamang sa kagamhanang probinsyal kon dili apil na ang tanang Negrense nga nangandoy nga mapadangat na ang kalinaw nga molungtad sa lalawigan samtang ikasalibay na ang pagpanghugpa ug pagpanghuraw sa mga terorista nga NPA nga maoy nakaabut sa kalinaw ug kaugmaran sa lalawigan, matud ni General Madriaga subay sa taho Captain Khadaffy Tawantawan. (rahc/PIA-7/Bohol)
https://pia.gov.ph/news/articles/1024195
No comments:
Post a Comment
Note: Only a member of this blog may post a comment.