Tuesday, December 29, 2015

Hiligaynon News: 3ID commander gusto mapalapit sa mga katapu sang media

From the Philippine Information Agency (Dec 29): Hiligaynon News: 3ID commander gusto mapalapit sa mga katapu sang media (3rd Infantry Division commander will be closer to the media)

Nagpahayag sang interes si Brig. Gen. Harold N. Cabreros nga bag-o nga commander sang 3rd Infantry Division (3ID) sang Philippine Army nga makilala ang mga katapu sang media sa rehiyon bilang una nga mga inisyatibo sang iya pagdumala sang 3ID.

“Mahimo nga makatalana kita sang pagtililipon sa media agud nga magkakilala subongman madasig naton nga ma-kontak ang tagsa-tagsa,” ang pahayag sang ika-35 nga commander sang 3ID nga naka-base sa Kampo Heneral Macario Peralta, Jr. sa banwa sang Jamindan.

Matandaan nga madamu nga mga inisyatibo nga ginpatigayon ang liderato ni Maj. Gen. Rey Leonardo Guerrero sa iya ti-on nga 3ID commander kapareho sang orientation seminar nahanungod sa Army Transformation Roadmap, boodle fight kaupod sa mga brodkaster kag manunulat, aktibo nga operasyon sang Public Affairs Office sang Division (DPAO) kag madamu nga iban pa.

Ginpabutyag dugang ni Cabreros nga iya igapadayon ang mga naumpisahan nga plano kag mga aktibidades ni Maj. Gen. Guerrero nga karon amo na ang commander sang Eastern Mindanao Command.

Samtang ang “Change of Command Ceremony” sang nagligad nga semana ang gintambongan ni Lt. Gen. Eduardo Año nga Commanding General sang Philippine Army bilang dinapit nga bisita, humalambal kag Presiding General Officer.

http://news.pia.gov.ph/article/view/1001451366424/hiligaynon-news-3id-commander-gusto-mapalapit-sa-mga-katapu-sang-media

No comments:

Post a Comment

Note: Only a member of this blog may post a comment.