Hiligaynon news: Wala operasyon batok sa NPA tubtob Bag-ong Tuig

From the Philippine Information Agency (Dec 30): Hiligaynon news: Wala operasyon batok sa NPA tubtob Bag-ong Tuig (No operations against the NPA until the New Year)

Kasunod sa pag-obserbar sang Paskua, si Philippine National Police Chief Director General Ricardo A. Marquez,  nagdeklarar sang suspensyon sang opensiba (SOPO)  batok sa New People’s Army (NPA) sa bilog nga pungsod sugod tungang gab-I sang Disyembre 23, 2015 tubtob tungang gab-i sang Enero 1, 2016.

Bilang kabahin sang tuigan nga tradisyon, ang  SOPO gina-obwerbar kag ginarespeto sang tanan nga mga units kag tinawo sang PNP nga nagamando sa pagdumili sa mga tropa sa pag-una sang opensiba batok sa NPA.

Ang  SOPO  wala nagasakup sang normal nga pagpatuman sang laye lakip na ang pagserbe sa mandu de aresto.

Sa pagkilala sang duna nga kinamatarong sa pagpangapin sa ila lawas, ang tanan nga mga units nagapabilin nga naga-aligmat kag nagamentinar sang mataas nga     pagpangandam sa pagresponder sa ano man nga mga pagpanghangkat.

Suno sa  PNP Chief,  dugang nga pagpangamdam kag  tikang sa pagpanghanda ang dapat obserbahan agud malikawan ang mga pag-atake sang mga NPA sa importante nga mga instalasyon kag mga estasyon sang polis, katulad sang mga insidente sa Barangay New Eden, Pangantucan, Bukidnon sadtong Disyembre 12, 2015 kun sa diin ang mga tinawo sang Pangantucan Municipal Police Station gin ambush samtang nagaresponder sila.

Ang PNP  magapadayon sa pagpatigayon sang aktibo nga mga tikang sa pagdepensa katulad sang mga patrol sa seguridad agud magproteksyunan ang mga kampo sang PNP, estasyon, importante nga instalasyon kag mga sibilyan nga komunidad, rota sa seguridad kag pagpabaskug sang mga depensiba nga posisyon.

Sa nagligad, ang mga  PNP units  nagpatigayon man sang pag muzzle taping sang mga armas, kasunod sa gindugangan nga mga pagpaniguha sang PNP batok sa illegal nga pagpalupok sang mga arams sa sini nga Paskua.

http://news.pia.gov.ph/article/view/891451359290/hiligaynon-news-wala-operasyon-batok-sa-npa-tubtob-bag-ong-tuig