NDFP National Democratic Front of the Philippines
Pamahayag sa Media
Oktubre 26, 2015
HOT PURSUIT OPERATIONS SA AFP LAMBIGIT SA KAMATAYON SA MGA OTAZA, GISUGAT SA AKSYONG HARASSMENT SA NPA
Duha ka adlaw nga nagsunod ang nahitabong panagsangka tali sa mga nag-combat operation nga mga tropa sa 23rd Infantry Battalion ug mga Pulang manggugubat ubos sa NPA-Western Agusan del Norte – Agusan del Sur Subregional (WANAS) Command sa lungsod sa Buenavista sa Agusan del Norte. Kini nga pwersa ang naggukod sa yunit sa NPA nga nagreyd ug nagsilot sa mayor sa Loreto, Agusan del Sur nga si Dario Otaza ug iyang anak nga si Daryl kaniadtong Oktubre 19.
Bandang alas-sais sa buntag sa Oktubre 24, nabuthan ang usa ka kolum sa 23rd IB nga nag-combat operation sa Sitio Tabon-tabon sa Brgy. Olave. Diha-diha, miresponde dayon ang tulo ka helikopter sa lugar aron mo-rescue sa ilang mga kaswalti.
Pagka-Oktubre 25, sa bandang alas-6:30 sa buntag, nahitabo ang laing panagsangka tali sa usa ka yunit sa NPA-WANAS ug sa mga tropa sa 23rd IB didto sa Sityo Calaitan, Brgy. Sangay sa mao gihapong lungsod. Mga 40 minutos lang human sa hitabo dihang miabot ang duha ka helikopter sa gisangkaan aron sa pagkuha sa ilang kaswalti nga gituntunan lang og pisi kay dili makatugpa sa bakilid nga bungtod. Wala masuta pila gyud ang kaswalti sa mga mersenaryong kasundaluhan tungod kay direkta kining gisakay sa helikopter pabalik sa ilang kampo.
Sa duha ka insidente, usa ka Pulang manggugubat ang nadaplisan gamay. Walay mga himan militar, mga dokumento o bisan unsang kahimanan sa gerilyang hukbo ang nabilin o nakumpiska sa kaaway. Human sa unang panghitabo, nasugatan sa mga tropa sa 23rd IB ang usa ka babayeng mag-uuma kuyog ang duha niya ka anak nga nanagan kay ipalayo unta ang ilang gitigway nga kabaw. Gipaarakan sila sa mga pasistang sundalo sa walay pupangutana. Nabiyaan nila ang ilang bag nga may sulod nga pipila ka nuog-ilisan.
Nahitabo ang panagsangka sa mga hilit nga bahin sa maong mga baryo layo sa mga kabalayan ug busa walay bisan usa ka sibilyan nga personal nga nakasaksi. Ang mga baryuhanon nga nagtapok sa sentro sa Upper Olave niadtong Oktubre 24, nakadungog lang sa buto-buto ug nakabantay sa pag-abot sa tulo ka helikopter nga nagkuha sa mga kaswalti sa reaksyonaryong tropa usa ka kilometro gikan sa ilang nahimutangan. Sa laing bahin, ang panagsangka sa Sityo Calaitan niadtong Oktubre 25, mga upat ka kilometro ang gilay-on gikan sa pinakaduol nga balay sa mga lumulupyo. Unsa man ang mga bersyon sa estorya sa mga tigpamaba sa AFP, ang mga residente sa maong mga lugar ang makasulti unsa ang tinuod.
Gikasuko ug gikaguol sa mga nagharing hut-ong ug sa iyang mga armadong pwersa ang kamatayon sa mga Otaza nga ilang saligando sa kontra-rebolusyonaryong kampanya. Angayan gyud nilang ikaulaw ang ilang kainutil sa pagprotekta kaniya.
Busa nagkara-kara na dayun sila sa paglunsad og combat operation aron gukoron ang mga NPA nga gituohan nilang maoy naglunsad sa maong aksyon.
Aron matabunan ang ilang kaulaw, gi-relieve diha-diha sa mga kadagkoan sa PNP ang duha ka tag-as nga opisyal sa PNP-Region 13 – ang Provincial Director sa Agusan del Sur nga si Senior Supt. Joseph Plaza ug ang City Director nga si Senior Supt. Francisco Dungo sa Butuan.
Pinirmahan
Ka Allan Juanito
Tigpamaba
NPA – North Central Mindanao Region
http://www.philippinerevolution.net/statements/20151026_hot-pursuit-operations-sa-afp-lambigit-sa-kamatayon-sa-mga-otaza-gisugat-sa-aksyong-harassment-sa-npa
Oktubre 26, 2015
HOT PURSUIT OPERATIONS SA AFP LAMBIGIT SA KAMATAYON SA MGA OTAZA, GISUGAT SA AKSYONG HARASSMENT SA NPA
Duha ka adlaw nga nagsunod ang nahitabong panagsangka tali sa mga nag-combat operation nga mga tropa sa 23rd Infantry Battalion ug mga Pulang manggugubat ubos sa NPA-Western Agusan del Norte – Agusan del Sur Subregional (WANAS) Command sa lungsod sa Buenavista sa Agusan del Norte. Kini nga pwersa ang naggukod sa yunit sa NPA nga nagreyd ug nagsilot sa mayor sa Loreto, Agusan del Sur nga si Dario Otaza ug iyang anak nga si Daryl kaniadtong Oktubre 19.
Bandang alas-sais sa buntag sa Oktubre 24, nabuthan ang usa ka kolum sa 23rd IB nga nag-combat operation sa Sitio Tabon-tabon sa Brgy. Olave. Diha-diha, miresponde dayon ang tulo ka helikopter sa lugar aron mo-rescue sa ilang mga kaswalti.
Pagka-Oktubre 25, sa bandang alas-6:30 sa buntag, nahitabo ang laing panagsangka tali sa usa ka yunit sa NPA-WANAS ug sa mga tropa sa 23rd IB didto sa Sityo Calaitan, Brgy. Sangay sa mao gihapong lungsod. Mga 40 minutos lang human sa hitabo dihang miabot ang duha ka helikopter sa gisangkaan aron sa pagkuha sa ilang kaswalti nga gituntunan lang og pisi kay dili makatugpa sa bakilid nga bungtod. Wala masuta pila gyud ang kaswalti sa mga mersenaryong kasundaluhan tungod kay direkta kining gisakay sa helikopter pabalik sa ilang kampo.
Sa duha ka insidente, usa ka Pulang manggugubat ang nadaplisan gamay. Walay mga himan militar, mga dokumento o bisan unsang kahimanan sa gerilyang hukbo ang nabilin o nakumpiska sa kaaway. Human sa unang panghitabo, nasugatan sa mga tropa sa 23rd IB ang usa ka babayeng mag-uuma kuyog ang duha niya ka anak nga nanagan kay ipalayo unta ang ilang gitigway nga kabaw. Gipaarakan sila sa mga pasistang sundalo sa walay pupangutana. Nabiyaan nila ang ilang bag nga may sulod nga pipila ka nuog-ilisan.
Nahitabo ang panagsangka sa mga hilit nga bahin sa maong mga baryo layo sa mga kabalayan ug busa walay bisan usa ka sibilyan nga personal nga nakasaksi. Ang mga baryuhanon nga nagtapok sa sentro sa Upper Olave niadtong Oktubre 24, nakadungog lang sa buto-buto ug nakabantay sa pag-abot sa tulo ka helikopter nga nagkuha sa mga kaswalti sa reaksyonaryong tropa usa ka kilometro gikan sa ilang nahimutangan. Sa laing bahin, ang panagsangka sa Sityo Calaitan niadtong Oktubre 25, mga upat ka kilometro ang gilay-on gikan sa pinakaduol nga balay sa mga lumulupyo. Unsa man ang mga bersyon sa estorya sa mga tigpamaba sa AFP, ang mga residente sa maong mga lugar ang makasulti unsa ang tinuod.
Gikasuko ug gikaguol sa mga nagharing hut-ong ug sa iyang mga armadong pwersa ang kamatayon sa mga Otaza nga ilang saligando sa kontra-rebolusyonaryong kampanya. Angayan gyud nilang ikaulaw ang ilang kainutil sa pagprotekta kaniya.
Busa nagkara-kara na dayun sila sa paglunsad og combat operation aron gukoron ang mga NPA nga gituohan nilang maoy naglunsad sa maong aksyon.
Aron matabunan ang ilang kaulaw, gi-relieve diha-diha sa mga kadagkoan sa PNP ang duha ka tag-as nga opisyal sa PNP-Region 13 – ang Provincial Director sa Agusan del Sur nga si Senior Supt. Joseph Plaza ug ang City Director nga si Senior Supt. Francisco Dungo sa Butuan.
Pinirmahan
Ka Allan Juanito
Tigpamaba
NPA – North Central Mindanao Region
http://www.philippinerevolution.net/statements/20151026_hot-pursuit-operations-sa-afp-lambigit-sa-kamatayon-sa-mga-otaza-gisugat-sa-aksyong-harassment-sa-npa
No comments:
Post a Comment
Note: Only a member of this blog may post a comment.