NDFP National Democratic Front of the Philippines
Pamahayag sa Media
Oktubre 18, 2015
Giharang sa usa ka tim sa New People’s Army si Ricardo Sulhayan nga nagsakay og motor aron dakpon ug papanubagon sa iyang kaso sa Hukumang Bayan. Dihang gipahunong, misulay siya sa pag-ikyas ug, tungod kay armado, gipusil siya ug naigo sa lima ka bala sa mga pistola, hinungdan sa iyang hinanaling kamatayon. Nahitabo kini niadtong Oktubre 7, 2015, alas 2:30 sa hapon sa Brgy. Camagong, Nasipit, Agusan del Norte. Nakuha gikan kaniya ang usa ka kalibre .45 nga pistola ug personal nga mga gamit.
Usa ka aktibong armadong membro si Sulhayan sa lumad nga bandidong grupo nga Bungkatol Liberation Front – Task Force Gantangan (BULIF-TFG) ug luyo-luyo sa lider sa maong grupo nga si Eddie Ampiyawan, alyas Bawang. Aduna nay taas nga talaan sa mga krimen ang BULIF batok mismo sa ilang mga katribu ug sa katawhan. Gikaintapan kini nga grupo sa pagpangilog sa mga luna sa ubang mga Higaonon aron pasudlan sa logging ug ipamaligya ngadto sa mga lokal ug langyaw nga investor, pagpamatay sa mga lider-lumad ug mga membro sa tribu ug paghasi niadtong dili mopasakop sa ilang grupo. Sumala sa ID nga nakuha gikan kaniya, usa siya ka membro sa Army Reserve Command (ARESCOM) nga may ID number RES-AO7-E-M 3064 nga may ranggo nga sarhento ug kanunay siya nagadala-dala sa iyang panghasi nga kalibre .45 nga pistola nga may serial number 710964.
Aktibong ginaalimahan ug ginaarmasan sa AFP ang mga lumad nga bandidong grupo sama sa BULIF ug uban pang susama niini aron hasion ang mga komunidad sa lumad, sumpuon ang ilang pakigbisog alang sa katungod sa kaugalingong-paghukom ug hawanan ang dalan sa pagsulod sa mga langyaw ug lokal nga interes sa logging, mina ug plantasyon sa yutang kabilin sa mga lumad. Angayan lang nga papanubagon sa ilang mga krimen ang maong mga bandidong grupo ug dili sila trataron isip yanong mga sibilyan kundili mga kriminal nga ekstensyon sa reaksyunaryong armadong kusog ug, busa, lehitimong target sa mga aksyon sa NPA.
Alang sa pamilya ni Ricardo Sulhayan, gikasubo namo nga namatay ang inyong minahal sa ngalan sa interes sa kontra-katawhang kalihukan sa AFP nga nagtumong sa pagbungkag sa panaghiusa sa mga komunidad sa lumad nga nagadepensa sa ilang yutang kabilin ug mga demokratikong katungod. Kasamtangang anaa sa kostudiya sa usa ka yunit sa NPA ang iyang mga personal nga gamit nga naglakip sa iyang pitaka nga adunay P7,700, sundang, bag ug personal nga mga papeles. Itunol namo kini kaninyo agi sa istasyon sa radyo.
Sa laing bahin, usa ka lumad nga gihinganlang Serino Bustillo nga lumulupyo sa Sityo Malahoni, sa Barangay Camagong ang wala na igkita hangtud karon. Nawala siya sukad niadtong Oktubre 8. Padayon pang ginaimbestigahan ang mga sirkumstansya sa iyang pagkawala. Kini nga kaso dili makatarunganong gipasangil nga binuhatan sa NPA.
Sa susamang panghitabo, gipatay sila Eunilo Pitogo ug Cresencia Pitogo, mga sibilyang mamaligyaay og pan, sa mga sakop sa bandidong pundok ni Calpit Egwa ug Romeo Banusan sa Sitio Inagawan, Brgy. La Purisima, Prosperidad, Agusan del Sur ni adtong Oktubre 1, 2015. Gani, hangtud karon wala pa gihapon nakuha ang ilang lawas tungod kay mismo ang mga pulis nagpanagana pagsulod sa erya nga kontrolado sa army ug sa bandidong grupo ni Calpit. Sama sa nahitabo kang Serino Bustillo, gipasangil usab kini nga krimen sa NPA.
Pinirmahan
CESAR RENERIO
Spokesperson
NDF-NCMR
http://www.philippinerevolution.net/statements/20151018_katin-awan-sa-kamatayon-ni-ricardo-sulhayan
Oktubre 18, 2015
Giharang sa usa ka tim sa New People’s Army si Ricardo Sulhayan nga nagsakay og motor aron dakpon ug papanubagon sa iyang kaso sa Hukumang Bayan. Dihang gipahunong, misulay siya sa pag-ikyas ug, tungod kay armado, gipusil siya ug naigo sa lima ka bala sa mga pistola, hinungdan sa iyang hinanaling kamatayon. Nahitabo kini niadtong Oktubre 7, 2015, alas 2:30 sa hapon sa Brgy. Camagong, Nasipit, Agusan del Norte. Nakuha gikan kaniya ang usa ka kalibre .45 nga pistola ug personal nga mga gamit.
Usa ka aktibong armadong membro si Sulhayan sa lumad nga bandidong grupo nga Bungkatol Liberation Front – Task Force Gantangan (BULIF-TFG) ug luyo-luyo sa lider sa maong grupo nga si Eddie Ampiyawan, alyas Bawang. Aduna nay taas nga talaan sa mga krimen ang BULIF batok mismo sa ilang mga katribu ug sa katawhan. Gikaintapan kini nga grupo sa pagpangilog sa mga luna sa ubang mga Higaonon aron pasudlan sa logging ug ipamaligya ngadto sa mga lokal ug langyaw nga investor, pagpamatay sa mga lider-lumad ug mga membro sa tribu ug paghasi niadtong dili mopasakop sa ilang grupo. Sumala sa ID nga nakuha gikan kaniya, usa siya ka membro sa Army Reserve Command (ARESCOM) nga may ID number RES-AO7-E-M 3064 nga may ranggo nga sarhento ug kanunay siya nagadala-dala sa iyang panghasi nga kalibre .45 nga pistola nga may serial number 710964.
Aktibong ginaalimahan ug ginaarmasan sa AFP ang mga lumad nga bandidong grupo sama sa BULIF ug uban pang susama niini aron hasion ang mga komunidad sa lumad, sumpuon ang ilang pakigbisog alang sa katungod sa kaugalingong-paghukom ug hawanan ang dalan sa pagsulod sa mga langyaw ug lokal nga interes sa logging, mina ug plantasyon sa yutang kabilin sa mga lumad. Angayan lang nga papanubagon sa ilang mga krimen ang maong mga bandidong grupo ug dili sila trataron isip yanong mga sibilyan kundili mga kriminal nga ekstensyon sa reaksyunaryong armadong kusog ug, busa, lehitimong target sa mga aksyon sa NPA.
Alang sa pamilya ni Ricardo Sulhayan, gikasubo namo nga namatay ang inyong minahal sa ngalan sa interes sa kontra-katawhang kalihukan sa AFP nga nagtumong sa pagbungkag sa panaghiusa sa mga komunidad sa lumad nga nagadepensa sa ilang yutang kabilin ug mga demokratikong katungod. Kasamtangang anaa sa kostudiya sa usa ka yunit sa NPA ang iyang mga personal nga gamit nga naglakip sa iyang pitaka nga adunay P7,700, sundang, bag ug personal nga mga papeles. Itunol namo kini kaninyo agi sa istasyon sa radyo.
Sa laing bahin, usa ka lumad nga gihinganlang Serino Bustillo nga lumulupyo sa Sityo Malahoni, sa Barangay Camagong ang wala na igkita hangtud karon. Nawala siya sukad niadtong Oktubre 8. Padayon pang ginaimbestigahan ang mga sirkumstansya sa iyang pagkawala. Kini nga kaso dili makatarunganong gipasangil nga binuhatan sa NPA.
Sa susamang panghitabo, gipatay sila Eunilo Pitogo ug Cresencia Pitogo, mga sibilyang mamaligyaay og pan, sa mga sakop sa bandidong pundok ni Calpit Egwa ug Romeo Banusan sa Sitio Inagawan, Brgy. La Purisima, Prosperidad, Agusan del Sur ni adtong Oktubre 1, 2015. Gani, hangtud karon wala pa gihapon nakuha ang ilang lawas tungod kay mismo ang mga pulis nagpanagana pagsulod sa erya nga kontrolado sa army ug sa bandidong grupo ni Calpit. Sama sa nahitabo kang Serino Bustillo, gipasangil usab kini nga krimen sa NPA.
Pinirmahan
CESAR RENERIO
Spokesperson
NDF-NCMR
http://www.philippinerevolution.net/statements/20151018_katin-awan-sa-kamatayon-ni-ricardo-sulhayan
No comments:
Post a Comment
Note: Only a member of this blog may post a comment.