Propaganda statement posted to the Communist Party of the Philippines (CPP) Website (Nov 1, 2020): Pagdumdum sa mga biktima sang pasismo sang rehimen! Ubos-kusog nga maghimakas para sa hustisya!
BAYANI OBREROSPOKESPERSON
NDF-NEGROS ISLAND
NATIONAL DEMOCRATIC FRONT OF THE PHILIPPINES
Kadungan sa aton nga pagdumdum sa kabuhi sang aton mga pamilya nga nagtaliwan, ang National Democratic Front of the Philippines (NDFP-Negros) ang nagapakig-isa sa bug-os nga pumuluyong Negrosanon sa pagdumdum sa mga rebolusyunaryo nga na martir nga naghalad sang ila bilidhon nga kabuhi sa pagtib-ong sang makatarunganon nga inaway banwa. Subongman sa mga pumuluyo nga biktima sang inhustisya nga ginpamatay kag mga deparasido tuga sang madinugu-on nga kontra-pumuluyo nga gyera sang rehimen.
Nagapabilin nga preska ang ila mga handurawan nga amu ang nagaserbi nga kalayo sa aton tagipusu-on para ubos kusog nga maghimakas kag magbato agud sukton ang tiraniko nga rehimen sa iya brutal nga krimen batok sa pumuluyo. Paslawon ang paghari sang pasismo agud maangkon ang hustisya nga madugay na nga ginahandum sa pumuluyo.
Sa panahon sang madulom nga kahimtangan bangod sa nagabangis nga terorismo sang estado, ang militansiya kag indi-malingkang nga paghimakas sang pumuluyo ang nagapabilin nga iwag tubtob malab-ot ang demokrasya, kahilwayan kag matuod-tuod nga kalinong nga nakabase sa hustisya.
Sa atubang sang todo-larga kag patarasak nga pagsabwag sang kabangis kag terorismo sang estado, nagapakita lamang ini sang kagarukan kag nagahuyang nga panggobyerno sang korap, traidor, paantus kag berdugo nga rehimen US-Duterte nga nahadlok sa nagabaskog, nagadamo kag nagalapad nga pagbato sang pumuluyo para sa pagpalayas sang nagahuyango nga rehimen sa poder.
Gani indi kita dapat mahadlok! Maisog kag ubos-kusog nga maghimakas sa pagpanawagan sang hustisya kag pagpasabat para sa tanan nga biktima kag ginpamatay sang gyera kontra-droga kag gyera kontra-pumuluyo nga ginalunsar sang uhaw sa dugo nga rehimen US-Duterte.
Itukod ang pinakamalapad nga alyansa sang tanan nga pigos kag ginahimuslan nga sektor kag kolektibo nga magbato agud sukton kag palayason ang pabaya, inutil kag tiraniko nga rehimen sa poder.###
https://cpp.ph/statements/pagdumdum-sa-mga-biktima-sang-pasismo-sang-rehimen-ubos-kusog-nga-maghimakas-para-sa-hustisya/
NOVEMBER 01, 2020
Kadungan sa aton nga pagdumdum sa kabuhi sang aton mga pamilya nga nagtaliwan, ang National Democratic Front of the Philippines (NDFP-Negros) ang nagapakig-isa sa bug-os nga pumuluyong Negrosanon sa pagdumdum sa mga rebolusyunaryo nga na martir nga naghalad sang ila bilidhon nga kabuhi sa pagtib-ong sang makatarunganon nga inaway banwa. Subongman sa mga pumuluyo nga biktima sang inhustisya nga ginpamatay kag mga deparasido tuga sang madinugu-on nga kontra-pumuluyo nga gyera sang rehimen.
Nagapabilin nga preska ang ila mga handurawan nga amu ang nagaserbi nga kalayo sa aton tagipusu-on para ubos kusog nga maghimakas kag magbato agud sukton ang tiraniko nga rehimen sa iya brutal nga krimen batok sa pumuluyo. Paslawon ang paghari sang pasismo agud maangkon ang hustisya nga madugay na nga ginahandum sa pumuluyo.
Sa panahon sang madulom nga kahimtangan bangod sa nagabangis nga terorismo sang estado, ang militansiya kag indi-malingkang nga paghimakas sang pumuluyo ang nagapabilin nga iwag tubtob malab-ot ang demokrasya, kahilwayan kag matuod-tuod nga kalinong nga nakabase sa hustisya.
Sa atubang sang todo-larga kag patarasak nga pagsabwag sang kabangis kag terorismo sang estado, nagapakita lamang ini sang kagarukan kag nagahuyang nga panggobyerno sang korap, traidor, paantus kag berdugo nga rehimen US-Duterte nga nahadlok sa nagabaskog, nagadamo kag nagalapad nga pagbato sang pumuluyo para sa pagpalayas sang nagahuyango nga rehimen sa poder.
Gani indi kita dapat mahadlok! Maisog kag ubos-kusog nga maghimakas sa pagpanawagan sang hustisya kag pagpasabat para sa tanan nga biktima kag ginpamatay sang gyera kontra-droga kag gyera kontra-pumuluyo nga ginalunsar sang uhaw sa dugo nga rehimen US-Duterte.
Itukod ang pinakamalapad nga alyansa sang tanan nga pigos kag ginahimuslan nga sektor kag kolektibo nga magbato agud sukton kag palayason ang pabaya, inutil kag tiraniko nga rehimen sa poder.###
https://cpp.ph/statements/pagdumdum-sa-mga-biktima-sang-pasismo-sang-rehimen-ubos-kusog-nga-maghimakas-para-sa-hustisya/
No comments:
Post a Comment
Note: Only a member of this blog may post a comment.