Propaganda statement posted to the Communist Party of the Philippines (CPP) Website (Oct 31, 2020): Mag-isa kag wala-kakapoy nga magbato agud tapuson ang terorismo sang estado! Angkunon ang hustisya paagi sa pagpalayas sa rehimen US-Duterte sa poder!
BAYANI OBREROSPOKESPERSON
NDF-NEGROS ISLAND
NATIONAL DEMOCRATIC FRONT OF THE PHILIPPINES
OCTOBER 31, 2020
Nagapakig-isa ang NDF-Negros sa tanan nga rebolusyonaryo nga pwersa, legal demokratiko nga mga organisasyon kag pumuluyong Negrosanon sa pagkomerar sang isa ka tuig nga kawad-on sang hustisya sa sinkronisado nga illegal nga pag reyd sang mersenaryo nga mga elemento sang PNP, CIDG kag SAF sa mga progresibo nga opisina sa Bacolod kag crackdown sa mga aktibista.
Subong man, kadungan sa aton mabaskog nga pagpakamalaut sa indi-makatarunganon kag desperado nga tikang sang administrasyon Duterte sa pagpahipos sa mga progresibo kag demokratiko nga mga indibidwal nga maisog nga nagabuyagyag sang mga kontra-pumuluyo nga patakaran sang tiraniko nga rehimen, ang pagpanawagan sa gilayon nga paghilway sa tanan nga mga progresibo nga indibidwal kag mga aktibista nga biktima sang mga patu-patu nga kaso base sa peke kag ginpangtanom nga mga ebidensya.
Ang depiktoso kag gasgas nga eskima sang AFP-PNP sa pagpasaka sang mga himi-himo nga kaso kag pagpangtanum sang mga peke nga ebidensya ang kabahin sang mahigko nga gyera nga ginalunsar sang rehimen Duterte agud tapnaon ang nagakusog nga paghimakas sang mga pumuluyo. Tuman ini ka malapnagon kag padayon nga nagalala ilabi na sa Isla sang Negros nga nangin laboratoryo sang kontra-insurhensya nga kampanya sang berdugo nga rehimen US-Duterte.
Indi malipud ang nagasingki nga kontradiksyon sa tunga sang agalon mayduta kag sahing pigos kag ginahimuslan diri sa Isla tuga sang malapnagon nga pagpang-agaw sang duta, pagpang-ulipon paagi sa tuman ka nubo nga sweldo kag sari-sari nga porma sang paglapas sa tawhanon nga kinamatarung gamit ang mga ahente kag iban pa nga mga elemento sang estado.
Ini ang nagresulta sa malala nga gutom kag kaimulon sa masang pigos nga amo ang kabangdanan sa pag-alsa sang pumuluyong Negrosanon kag paglunsar sang ikit-ikit kag malapnagon nga paghimakas masa. Gani agud pukanon ang demokratiko nga paghimakas sang pumuluyo kag pahugon ang pumuluyo, isa ang Negros sa sentro sang madinugu-on kag mahigko nga gyera sang rehimen paagi sa pagpatuman sang MO 32, EO 70 kag ang demonyo nga Anti-Terrorism Act of 2020.
Ginapamatud-an sang rehimen US-Duterte nga ang ila mayor nga target sa sini nga mga kasugu-an amo ang mga aktibista, demokratiko kag patriyotiko nga pwersa kag mga kritiko agud ipundar ang diktadurya nga gahum nga indi na kinahanglan nga ideklara ang Laye Militar. Ang pagsabwag sang kakugmat, kalakasan kag terorismo sang estado ang tabon sa ila kahadlok sa nagadamu kag nagalapad nga pwersa sang pumuluyo nga militanti nga nagapamatuk kag nagaprotesta sa kapalpakan, kapabayaan kag kawad-on sang ikasarang sang rehimen Duterte nga ginhublasan pa sang iya inutil nga pag-aksyon sa Covid-19 nga pandemya.
Apang ang indi malingkang nga paghimakas sang masang pigos ang nagapakita nga wala sang ano man nga pagpamahug sang estado ang makasablag sa pagduso sang mga demokratiko nga kaayuhan kag interes sang pumuluyo. Sa pihak sang mga pagpamalabag, makit-an ang militansya kag kaisog sang mga pumuluyo nga ibuyagyag kag pamatukan ang kagarukan sang rehimen.
Mintras nagapabilin ang tiraniko nga rehimen US-Duterte sa poder, wala sang hustisya nga maagum ang pumuluyo. Gani nagakadapat nga mag-isa kag kolektibo nga magbato agud dugmukon kag palayason ang rehimen US-Duterte sa poder! Ubos-kusog nga isulong ang makatarunganon nga pungsodnon demokratiko nga rebolusyon agud maangkon ang matuod-tuod nga demokrasya, kahilwayan kag hustisya para sa bug-os nga pumuluyong Pilipino. ###
https://cpp.ph/statements/mag-isa-kag-wala-kakapoy-nga-magbato-agud-tapuson-ang-terorismo-sang-estado-angkunon-ang-hustisya-paagi-sa-pagpalayas-sa-rehimen-us-duterte-sa-poder/
Nagapakig-isa ang NDF-Negros sa tanan nga rebolusyonaryo nga pwersa, legal demokratiko nga mga organisasyon kag pumuluyong Negrosanon sa pagkomerar sang isa ka tuig nga kawad-on sang hustisya sa sinkronisado nga illegal nga pag reyd sang mersenaryo nga mga elemento sang PNP, CIDG kag SAF sa mga progresibo nga opisina sa Bacolod kag crackdown sa mga aktibista.
Subong man, kadungan sa aton mabaskog nga pagpakamalaut sa indi-makatarunganon kag desperado nga tikang sang administrasyon Duterte sa pagpahipos sa mga progresibo kag demokratiko nga mga indibidwal nga maisog nga nagabuyagyag sang mga kontra-pumuluyo nga patakaran sang tiraniko nga rehimen, ang pagpanawagan sa gilayon nga paghilway sa tanan nga mga progresibo nga indibidwal kag mga aktibista nga biktima sang mga patu-patu nga kaso base sa peke kag ginpangtanom nga mga ebidensya.
Ang depiktoso kag gasgas nga eskima sang AFP-PNP sa pagpasaka sang mga himi-himo nga kaso kag pagpangtanum sang mga peke nga ebidensya ang kabahin sang mahigko nga gyera nga ginalunsar sang rehimen Duterte agud tapnaon ang nagakusog nga paghimakas sang mga pumuluyo. Tuman ini ka malapnagon kag padayon nga nagalala ilabi na sa Isla sang Negros nga nangin laboratoryo sang kontra-insurhensya nga kampanya sang berdugo nga rehimen US-Duterte.
Indi malipud ang nagasingki nga kontradiksyon sa tunga sang agalon mayduta kag sahing pigos kag ginahimuslan diri sa Isla tuga sang malapnagon nga pagpang-agaw sang duta, pagpang-ulipon paagi sa tuman ka nubo nga sweldo kag sari-sari nga porma sang paglapas sa tawhanon nga kinamatarung gamit ang mga ahente kag iban pa nga mga elemento sang estado.
Ini ang nagresulta sa malala nga gutom kag kaimulon sa masang pigos nga amo ang kabangdanan sa pag-alsa sang pumuluyong Negrosanon kag paglunsar sang ikit-ikit kag malapnagon nga paghimakas masa. Gani agud pukanon ang demokratiko nga paghimakas sang pumuluyo kag pahugon ang pumuluyo, isa ang Negros sa sentro sang madinugu-on kag mahigko nga gyera sang rehimen paagi sa pagpatuman sang MO 32, EO 70 kag ang demonyo nga Anti-Terrorism Act of 2020.
Ginapamatud-an sang rehimen US-Duterte nga ang ila mayor nga target sa sini nga mga kasugu-an amo ang mga aktibista, demokratiko kag patriyotiko nga pwersa kag mga kritiko agud ipundar ang diktadurya nga gahum nga indi na kinahanglan nga ideklara ang Laye Militar. Ang pagsabwag sang kakugmat, kalakasan kag terorismo sang estado ang tabon sa ila kahadlok sa nagadamu kag nagalapad nga pwersa sang pumuluyo nga militanti nga nagapamatuk kag nagaprotesta sa kapalpakan, kapabayaan kag kawad-on sang ikasarang sang rehimen Duterte nga ginhublasan pa sang iya inutil nga pag-aksyon sa Covid-19 nga pandemya.
Apang ang indi malingkang nga paghimakas sang masang pigos ang nagapakita nga wala sang ano man nga pagpamahug sang estado ang makasablag sa pagduso sang mga demokratiko nga kaayuhan kag interes sang pumuluyo. Sa pihak sang mga pagpamalabag, makit-an ang militansya kag kaisog sang mga pumuluyo nga ibuyagyag kag pamatukan ang kagarukan sang rehimen.
Mintras nagapabilin ang tiraniko nga rehimen US-Duterte sa poder, wala sang hustisya nga maagum ang pumuluyo. Gani nagakadapat nga mag-isa kag kolektibo nga magbato agud dugmukon kag palayason ang rehimen US-Duterte sa poder! Ubos-kusog nga isulong ang makatarunganon nga pungsodnon demokratiko nga rebolusyon agud maangkon ang matuod-tuod nga demokrasya, kahilwayan kag hustisya para sa bug-os nga pumuluyong Pilipino. ###
https://cpp.ph/statements/mag-isa-kag-wala-kakapoy-nga-magbato-agud-tapuson-ang-terorismo-sang-estado-angkunon-ang-hustisya-paagi-sa-pagpalayas-sa-rehimen-us-duterte-sa-poder/
No comments:
Post a Comment
Note: Only a member of this blog may post a comment.