Kinaray-A News: Masaksihan ang PH-US ‘Balikatan’ exercises Abril 11 sa San Jose

From the Philippine News Agency (Apr 7): Kinaray-A News: Masaksihan ang PH-US ‘Balikatan’ exercises Abril 11 sa San Jose

Masaksihan kang mga  Antiqueño sa nahauna nga kahigyunan ang pagpatigayun kang joint military exercises sa tunga kang Pilipinas kag  United States Armed Forces sa pag-umpisa kang  “Balikatan” Exercises rudya sa San Jose sa Abril 11, 2016.

Suno  kay Division Public Affairs Officer Lt. Col. Ray C. Tiongson kang 3RD Infantry (Spearhead) Division, Philippine Army  ang coastal area sa  Barangay Funda, Dalipe, ang pagadungkaan kang mga amphibious vehicles.

“Ginalauman naton nga makit-an ang mga Sakayan Pangdagat (Naval ships), kag mga sakayan pangkahanginan (aircrafts) kang Estados Unidos parehas kang  CH47 ukon ginatawag nga Chinook, C130 kag  MV22 Osprey,” pabutyag ni Tiongson sa panahon nga ginahiwat ang Provincial Peace and Order Council Meeting nga ginpatawag ni Gov. Exequiel B. Javier.

Ang Balikatan Exercise pagahiwaton sa tatlo ka mga probinsya sa Isla Kang Panay- Antique, Capiz kaag Iloilo,  April 4 hasta  16, 2016 kag magatutuk sa nanuhaytuhay nga mga hirkuton lakip ang humanitarian assistance, maritime law enforcement kag environmental protection.

Ang katuyuan kang dya nga mga hirikuton sun okay Tiongson amo ang pagpamayad may katuyuan sa pag paluntad kang mutual defense relationships kag pagpabaskug kang kapacidad kang military kag kang mga sibilyan para sa humanitarian assistance and disaster response operations, kag iban pa nga nabase sa Mutual Defense Treaty and Visiting Forces Agreement.

Ang ginatawag interoperability operational events ang pagapatigayunon sa Antique, dya pagalikipan kang mga activities parehas kang pag-transport kang mga  personnel kag logistics; pagpatigayun kang  amphibious landing, ship to shore movement nga magahana kang kapabilidad sa patag kang rapid response nga makabulig pabaskug kang kahandaan kag mayad nga pag deliver kang relief kag mga bulig sa lokal nga mga kumunidad kon magluntad ang mga kalamidad kag iban pa nga mga krisis.

Ang tanan dya nga mga  civic military operations and projects sa idalom kang Humanitarian Civic Assistance events, activities kag training exercises sa Antique pagaplanuhon ka mayad agud nga masiguro nga mapaluntad ang  maximum safety, care and respect sa kumunidad, suno  kay Tiongson.

Pagapatigayunon man ang mga structural assessment sa mga  airports kag seaports sa mga probinsya kang Capiz, Aklan, Antique kag  Iloilo sa panahon nga ginahiwat ang  Balikatan exercise.

Ang  Balikatan 2016 Exercise ginbuksan kang nagligad nga Abril 4 rudto sa Camp Peralta, Jamindan, Capiz kag ang closing ceremony paghiwaton rudto sa Matangharon Elementary School, Dingle, Iloilo  sa Abril 16, 2016,

http://news.pia.gov.ph/article/view/921460007024/kinaray-a-news-masaksihan-ang-ph-us-balikatan-exercises-abril-11-sa-san-jose