Andrea Guerrero
Spokesperson
NPA-Southwest Negros (Armando Sumayang Jr. Command)
Negros Island Regional Operational Command (Apolinario Gatmaitan Command)
New People's Army
September 22, 2023
Lubos nga ginapakamalaut sang Armando Sumayang Jr Command-New People’s Army Southwest Negros (ASJC-NPA) ang pagmasaker sang 47th Infantry Battalion sa tatlo ka medical personnel sang NPA, mag-asawa nga naka-medical leave bangud nagabusong ang asawa, kag isa ka sibilyan nga drayber sang traysikol.
Sa gab-i sang Setyembre 21, nagabyahe ang mga non-combatant ukon indi armado sakay sa ila gin-arkilahan nga traysikol sa dalanon sang Sityo Lubi, Barangay Tabugon, Kabankalan City sang gulpi nga ginpaarakan sang mga pasistang elemento sang 47th IB. Ini klaro nga paglapas sa international humanitarian law partikular sa Geneva Conventions of 1949 and their Additional Protocols, kag ginakabig nga war crime.
Ang tatlo ka medical personnel sang NPA amo sila Ka Rekoy (Bobby Pedro), Ka Goring (Mario Mullon) kag Ka Joyce (Janice Flores) upod ang naka-medical leave nga sila Ka Bravo (Alejo delos Reyes) kag iya asawa nga si Ka Diane (Melissa dela Peña) nga anum ka bulan nga nagabusong, samtang ang tricycle driver amo si Robin Gaitan.
Wala ginabalewala ang posibilidad nga gintiwasan pa gid ang buhi pa matapos ang una nga bwelo sang pagpa-ulan sang bala sang mga berdugo nga soldado sang 47th IB ilabi na nga may pipila nga may igo sa ulo.
Makaulogot ini nga nagadamu subong, idalum sa poder ni Marcos Jr, ang mga kaso sang wala kaluoy nga pagpatay sang mga sibilyan kag mga rebolusyonaryo nga wala sang ikasarang magbato (hors de combat). Diri sa Negros, naglab-ot na sa 32 ka sibilyan, kalabanan mga mangunguma, kag 19 ka hors de combat ang ginpatay sang mga elemento sang 302nd Brigade kag 303rd Brigade sang Philippine Army, kag Philippine National Police.
Ginahatagan sang mataas nga Pulang saludo sang ASJC-NPA kag mga rebolusyonaryong pwersa sa southwest Negros ang mga martir kag baganihan sang rebolusyon sa ila paghalad sa ila kabuhi agud mahilway ang pumuluyo sa tuman nga pagpamigos kag pagpanghimulos sang nagharing sahi gamit ang bayaran nga AFP kag PNP. Ang pagpaslaw sa wala untat kag dalagku nga mga focused military operation kag kampanya sa pagpaniplang sang US-Marcos II nga rehimen paagi sa hiliusa nga pagbato ang isa ka porma sang paghatag pasidungog sa mga rebolusyonaryong martir kag baganihan.
Ang NPA sa Negros ang matuod nga hangaway sang pumuluyo. Tubtob nagaluntad ang pagpanghimulos kag pagpamigos, magpadayon ang NPA upod sa malapad nga pumuluyo sa paglunsar sang inaway banwa. Pagabayran sang rehimen US-Marcos II kag iya mga mapintas nga idu-ido ang ila pagkuha sa kabuhi sang mga pumuluyo kag mga rebolusyonaryo. ###
https://philippinerevolution.nu/statements/masaker-indi-engkwentro-ang-natabo-sa-barangay-tabugon-kabankalan-city/
Lubos nga ginapakamalaut sang Armando Sumayang Jr Command-New People’s Army Southwest Negros (ASJC-NPA) ang pagmasaker sang 47th Infantry Battalion sa tatlo ka medical personnel sang NPA, mag-asawa nga naka-medical leave bangud nagabusong ang asawa, kag isa ka sibilyan nga drayber sang traysikol.
Sa gab-i sang Setyembre 21, nagabyahe ang mga non-combatant ukon indi armado sakay sa ila gin-arkilahan nga traysikol sa dalanon sang Sityo Lubi, Barangay Tabugon, Kabankalan City sang gulpi nga ginpaarakan sang mga pasistang elemento sang 47th IB. Ini klaro nga paglapas sa international humanitarian law partikular sa Geneva Conventions of 1949 and their Additional Protocols, kag ginakabig nga war crime.
Ang tatlo ka medical personnel sang NPA amo sila Ka Rekoy (Bobby Pedro), Ka Goring (Mario Mullon) kag Ka Joyce (Janice Flores) upod ang naka-medical leave nga sila Ka Bravo (Alejo delos Reyes) kag iya asawa nga si Ka Diane (Melissa dela Peña) nga anum ka bulan nga nagabusong, samtang ang tricycle driver amo si Robin Gaitan.
Wala ginabalewala ang posibilidad nga gintiwasan pa gid ang buhi pa matapos ang una nga bwelo sang pagpa-ulan sang bala sang mga berdugo nga soldado sang 47th IB ilabi na nga may pipila nga may igo sa ulo.
Makaulogot ini nga nagadamu subong, idalum sa poder ni Marcos Jr, ang mga kaso sang wala kaluoy nga pagpatay sang mga sibilyan kag mga rebolusyonaryo nga wala sang ikasarang magbato (hors de combat). Diri sa Negros, naglab-ot na sa 32 ka sibilyan, kalabanan mga mangunguma, kag 19 ka hors de combat ang ginpatay sang mga elemento sang 302nd Brigade kag 303rd Brigade sang Philippine Army, kag Philippine National Police.
Ginahatagan sang mataas nga Pulang saludo sang ASJC-NPA kag mga rebolusyonaryong pwersa sa southwest Negros ang mga martir kag baganihan sang rebolusyon sa ila paghalad sa ila kabuhi agud mahilway ang pumuluyo sa tuman nga pagpamigos kag pagpanghimulos sang nagharing sahi gamit ang bayaran nga AFP kag PNP. Ang pagpaslaw sa wala untat kag dalagku nga mga focused military operation kag kampanya sa pagpaniplang sang US-Marcos II nga rehimen paagi sa hiliusa nga pagbato ang isa ka porma sang paghatag pasidungog sa mga rebolusyonaryong martir kag baganihan.
Ang NPA sa Negros ang matuod nga hangaway sang pumuluyo. Tubtob nagaluntad ang pagpanghimulos kag pagpamigos, magpadayon ang NPA upod sa malapad nga pumuluyo sa paglunsar sang inaway banwa. Pagabayran sang rehimen US-Marcos II kag iya mga mapintas nga idu-ido ang ila pagkuha sa kabuhi sang mga pumuluyo kag mga rebolusyonaryo. ###
https://philippinerevolution.nu/statements/masaker-indi-engkwentro-ang-natabo-sa-barangay-tabugon-kabankalan-city/
No comments:
Post a Comment
Note: Only a member of this blog may post a comment.