Posted to the Philippine Information Agency (Mar 30, 2021): Cebuano News: NPA sa Kabisay-an: Nagkaluya apan di angay kompyansahan (By Rey Anthony H. Chiu)
TAGBILARAN CITY, Bohol, March 30 (PIA) -- Hinayhinay na nga nagkaluya ang mga komunista nga terorista nga grupo dinhi sa Sentrong Kabisay-an, kini maoy kinatibuk-an nga pagtimbang-timbang sa mga sakop sa armadong kusog nga karon natahasan sa pagpatunhay sa seguridad sa rehiyon.
Gani, segun sa taho sa Philippine National Police Regional Office 7, gikan sa upat ka fronts nga nag-operate sa Central Visayas, tulo na lang ang nahibilin, human gipusgay sa mga tropa sa kagamhanan ang Southeastern Front nga nanghasi sa Siaton ug Santa Catalina sa silingang lalawigan sa Negros.
"Daghan silag kauban nga nakalas ug labing daghan ang mga armas nga nakuha pagbalik sa mga tinugyanan, mao nga maglisud pa sila og harung sa mga tinugyanan sa balaod," segun pa ni Lieutenant Colonel Glenn Mayam.
Nagpabilin pa karon ang tulo ka fronts: ang Central Negros 1, Central Negros 2 ug ang Bohol Party Committee, segun pa ni Colonel Mayam didto sa katapusang tigum sa Regional Peace and Order Council.
NAGKALUYA. Numan mawad-i sa mga manggugubat kinsa nangamatay o mingtahan ngadto sa sabakan sa balaod, ug na-ilogi sa mga armas nga nagkanihit na usab, gitagna nga ang mga rebelde nga komunista magkahilis kon dili na makakuha og mga manggugubat pinaagi sa saad sa walay pagkatuman. (PIA Bohol)
Ug sa pangagpas nga aron mahulipan ang mga namatay nga mga manggugubat, gitagna nga mobolhot na usab ang pagpang-haylo sa mga kabatan-onan aron makig-anib sa teroristang pundok, segun pa sa mga tinugyanan.
Niini, sa usa ka indignation rally nga gihimo atul sa ika 52 nga anibersaryo sa ika 52 ka tuig nga pagkamugna sa New People’s Army, Marso 29, 2029, gibatbat na usab sa mga nahaylo niini ang saad nga way katumanan.
“Ihunong na ang pagpangilad,” kini maoy singgit sa mga kanhi rebelde kuyog sa mga nagkadaiyang kahugpungan sa mga mag-uuma sa bukiran’g mga kalungsuran sa Bohol didto sa Trinidad, Bohol.
Sayo sa buntag nagsugod ang pagtapok sa mga tawo pinaagi sa usa ka motorcade nga gikan sa Barangay Soom sa Trinidad, paingon ngadto sa Sitio Talibon Trinidad Integrated Farmers Association (TTFA), Barangay San Vicente, Trinidad.
Didto sa pagtapok sa katawhan sa TTIFA, gibatbat ang pagpangita og hustisya sa mga biktima sa CPP-NPA-NDF, mga pagpangilad ug ang paghunong sa mga pangrekrut sa mga kabatan-onan.
Matud ni Antonio Muring, usa sa mga Kanhi Rebelde kanhi chairman sa League of Filipino Students-Bohol ug tigpamaba sa Anakbayan sa una, naguba ang iyang kaugmaon apil na ang kaugmaon sa batan-on nga iyang na rekrut.
"Miundang ko sa kalihukan, kay sa akong pagka armado human mahimong aktibista, wala na ko makasabot sa sistema nila. Wala nako kasabot sa programa sa mga komunistang NPA. Ug karon isip usa ka kanhi rebelde, akong padayong pag awhag sa katawhan nga dili na mosuporta sa walhong grupo. Ug pagpangusgan namo ang pagpangampanya nga ihunong na aning mga teroristang NPA ang ilang pagpangilad sa katawhan labi na sa mga kabatan-onan," syagit ug tyabaw ni Muring nga milanog sa kayutaan nga gipang puy-an sa mga sakop sa TTFA nga giingon’g mi-abig sa mga armado.
“Daghan nang biktima sa ilang walay klaro nga pagtoo. Singkwentay Dos nga pagpanglingla sa katawhan ug paghatag ug kagubot sa atong nasud, igo na," saysay ni Muring.
Ang maong rally usa lang sa mga inisyatibo sa mga kanhi rebelde aron pagpakita og suporta sa goberno aron mahunong na ang armadong pakigbisog sa mga komunistang CPP-NPA-NDF. (rahc/PIA7 Bohol/ uban ni Elma Abulencia sa 47IB)
Ug sa pangagpas nga aron mahulipan ang mga namatay nga mga manggugubat, gitagna nga mobolhot na usab ang pagpang-haylo sa mga kabatan-onan aron makig-anib sa teroristang pundok, segun pa sa mga tinugyanan.
Niini, sa usa ka indignation rally nga gihimo atul sa ika 52 nga anibersaryo sa ika 52 ka tuig nga pagkamugna sa New People’s Army, Marso 29, 2029, gibatbat na usab sa mga nahaylo niini ang saad nga way katumanan.
“Ihunong na ang pagpangilad,” kini maoy singgit sa mga kanhi rebelde kuyog sa mga nagkadaiyang kahugpungan sa mga mag-uuma sa bukiran’g mga kalungsuran sa Bohol didto sa Trinidad, Bohol.
Sayo sa buntag nagsugod ang pagtapok sa mga tawo pinaagi sa usa ka motorcade nga gikan sa Barangay Soom sa Trinidad, paingon ngadto sa Sitio Talibon Trinidad Integrated Farmers Association (TTFA), Barangay San Vicente, Trinidad.
Didto sa pagtapok sa katawhan sa TTIFA, gibatbat ang pagpangita og hustisya sa mga biktima sa CPP-NPA-NDF, mga pagpangilad ug ang paghunong sa mga pangrekrut sa mga kabatan-onan.
Matud ni Antonio Muring, usa sa mga Kanhi Rebelde kanhi chairman sa League of Filipino Students-Bohol ug tigpamaba sa Anakbayan sa una, naguba ang iyang kaugmaon apil na ang kaugmaon sa batan-on nga iyang na rekrut.
"Miundang ko sa kalihukan, kay sa akong pagka armado human mahimong aktibista, wala na ko makasabot sa sistema nila. Wala nako kasabot sa programa sa mga komunistang NPA. Ug karon isip usa ka kanhi rebelde, akong padayong pag awhag sa katawhan nga dili na mosuporta sa walhong grupo. Ug pagpangusgan namo ang pagpangampanya nga ihunong na aning mga teroristang NPA ang ilang pagpangilad sa katawhan labi na sa mga kabatan-onan," syagit ug tyabaw ni Muring nga milanog sa kayutaan nga gipang puy-an sa mga sakop sa TTFA nga giingon’g mi-abig sa mga armado.
“Daghan nang biktima sa ilang walay klaro nga pagtoo. Singkwentay Dos nga pagpanglingla sa katawhan ug paghatag ug kagubot sa atong nasud, igo na," saysay ni Muring.
Ang maong rally usa lang sa mga inisyatibo sa mga kanhi rebelde aron pagpakita og suporta sa goberno aron mahunong na ang armadong pakigbisog sa mga komunistang CPP-NPA-NDF. (rahc/PIA7 Bohol/ uban ni Elma Abulencia sa 47IB)
https://pia.gov.ph/news/articles/1071054
No comments:
Post a Comment
Note: Only a member of this blog may post a comment.