Monday, September 8, 2014

CPP/Ang Bayan: 2 M16, naagaw ng BHB sa Himamaylan City

Propaganda article from the Tagalog language edition of the CPP online publication Ang Bayan (Sep 7): 2 M16, naagaw ng BHB sa Himamaylan City (2 M16, gathered by the NPA in Himamaylan City)

Nagtamo ng tatlong kaswalti ang 47th IB (dalawang patay at isang sugatan) nang tambangan sila ng isang yunit sa ilalim ng Apolinario “Boy” Gatmaitan Command ng BHB noong Hulyo 17 sa Sityo Madaha, Barangay Buenavista, Himamaylan City sa Negros Occidental. Nakasamsam din ang BHB ng dalawang M16 at dalawang bandolier ng mga bala.

Samantala, sa Sorsogon, nagsagawa ang Celso Minguez Command ng aksyong pamarusa laban sa lambat-paniktik ng 96th Military Intelligence Company (MICO) noong Hulyo 3 sa Barangay Casay, Casiguran. Napatay ng BHB si Domingo Tisoy, alyas Buyong, isang sagadsaring ahente ng 96th MICO.

Isinagawa ang operasyong partisano sa tapat mismo ng detatsment ng Alpha Coy habang nakikipag-inuman si Tisoy kasama ang mga sundalo ng 31st IB. Nasugatan din sa palitan ng mga putok ang isang Corporal Deprisa, na tumatayong hepe ng nasabing detatsment.

Bilang aktibo ring elemento ng CAFGU, madalas maggiya si Tisoy sa mga operasyong militar at sangkot siya sa ilang kaso ng ekstrahudisyal na pamamaslang, kabilang ang pagpatay kay Joseph Benson, isang sibilyang inakusahan nilang “poste” ng BHB sa Barangay Escuala, Casiguran noong Mayo 9, at kay Jose Espera sa Barangay Bentuco, Gubat noong Hunyo 15, 2008. Pinalabas ng militar na kasapi umano ng BHB si Espera.

[Ang Bayan is the official news organ of the Communist Party of the Philippines and is issued by the CPP Central Committee. It provides news about the work of the Party as well as its analysis of and views on current issues. Ang Bayan comes out fortnightly and is published in Pilipino, Bisaya, Ilokano, Waray, Hiligaynon and English.]

 http://www.philippinerevolution.net/publications/ang_bayan/20140907/2-m16-naagaw-ng-bhb-sa-himamaylan-city

No comments:

Post a Comment

Note: Only a member of this blog may post a comment.