CPP/NPA-Central Negros: 1 Patay sa Philippine Army sa Canlaon City

Propaganda statement posted to the Communist Party of the Philippines (CPP) Website (Oct 3, 2021): 1 Patay sa Philippine Army sa Canlaon City

JB REGALADO | SPOKESPERSON

NPA-CENTRAL NEGROS (LEONARDO PANALIGAN COMMAND)

NEGROS ISLAND REGIONAL OPERATIONAL COMMAND (APOLINARIO GATMAITAN COMMAND)

NEW PEOPLE'S ARMY

OCTOBER 03, 2021

Patay ang 1 ka katapo sang 62nd IB matapos nga gin-snipe sang Leonardo Panaligan Command-New People’s Army ang Brgy Budlasan, Canlaon City Army Detachment sadtong Septyembre 22, 2021 sang hapon. Indi madula sa huna-huna kag balatyagon sang pumuluyo sang nasambit nga baryo ang natabo nga pagpamatay sa mga inosenteng mangunguma kag sibilyan sa Canlaon City sadtong Marso 30, 2019 sang nasambit nga tropa militar kag mga kapulisan sa mapintas sini nga SEMPO/Oplan Sauron 2. Nadumduman nga 8 ang ginpamatay nga mga indibidwal kag pila pa sini ang biktima sang ilegal nga pagpang-aresto sa hinimu-himo nga kaso.

Oktubre 1, 2021 alas 5:48 sang hapon patay man ang notoryus nga anay Brgy Kapitan sang Brgy Gihub, La Libertad, Negros Oriental nga si Alvino Ejida sang ginpatuman ang silot nga kamatayon matapos ang pagpamatbat sang rebolusyonaryong korte sang pumuluyo. Nakumpiska kay Ejida ang 2 ka mga armas-luthang; 1 ka .357 revolver, Cal.22, mga magasin kag bala.

Tuig 2007 pa may standing order na sa New People’s Army si Ejida. Sa lugar, bantog si Ejida nga rapist, hold-upper, land-grabber, abusador, nagapamahug kag kriminal. Siya man ang naghold-up sa iya kaugalingon nga ugangan nga si Bastian Fabellaran sadtong tuig 1983. Karun nga bulan Septyembre 2021, tatlo (3) naman ang iya ginpangtero. Pilason sanday Rolan Fabellaran kag Rolan Paculanang sang gintero sila ni Alvino sadtong Septyembre 6 alas 5:00 sang hapon samtang Septyembre 9 alas 5:00 gihapon sang hapon gintero naman sini si Mansio Canete nga wala naman sang nagakaigo nga rason. Si Alvino Ejida isa ka masupog nga katapo sang tulisan nga grupo sang “salbatore” nga sang ulihi nga bahin nahimo nga mga panatiko nga grupo kontra-hublag. Gina-uyatan ini sang Armed Forces of the Philippines nga ginasakdag kag ginhimo nga goons ni Congresswoman Jossy Limkaichung sang 1st District sang Negros Oriental.

Ang New People’s Army idalum sa Leonardo Panaligan Command, indi mag-untat sa paglagas sa sin-o man nga indibidwal nga may utang nga dugo sa pumuluyo. Padayon nga maghatag sang hustisya sa mga biktima dira sa pag-alagad sa katawhan para sa matuod nga kalinong, demokrasya kag hustisya sosyal.

Mabuhay ang CPP-NPA-NDF!

Mabuhay ang masa!

https://cpp.ph/statements/1-patay-sa-philippine-army-sa-canlaon-city/