Waray News: Gov Evardone utro nagsagda han mga NPAs nga lumugwa ngan mag-surrender

From the Philippine Information Agency (Feb 9, 2021): Waray News: Gov Evardone utro nagsagda han mga NPAs nga lumugwa ngan mag-surrender (By Ninfa Barcena-Quirante)

BORONGAN CITY, Pebrero 8 (PIA)—Utro nga nanawagan hi Eastern Samar Governor Ben Evardone han aadto pa ha kagugub-an nga mga NPA nga lumugwa ngan magsurrender ha gobyerno.

Ini nga panawagan in dida hin usa nga Task Force End Local Communist Armed Conflict (TF-ELCAC) miting han naglabay nga semana.

May-ada mga kalungganayan nga igintatanyag an gobyerno probinsyal ha ira, mayda livelihood, ayuda nga salapi ngan iba pa.

“Hindi na bola-bola ito tutuo ito, kaya surrender na kayo.”

Ha iba daw nga probinsya sama han Samar ngan Northern Samar, hinay-hinay na nga nagkakalugwa an mga armado nga miembros han kagiusan, sumala han report han army.

Ha ginhurma nga ayuda para han mga NPA nga masurrender, dayon ginpaki-anhan ni Evardone hi Vice Governor Maricar Goteesan kun aaprubaran ba an igin-proponer han army nga ayuda ha ilarum han Enhanced –Comprehensive Integrated Livelihood Program(E-CLIP) ngan Local Social Integration Program (LSIP), dara daw nga nagkakaurosa ngan kinahanglanaon, dayon daw ini ma-aaprobaran segun kan Goteesan nga tumambong gihapon han virtual miting.

Ha report naman han army, daw naibanan na daw an mga gios han mga walhon nga grupo.

Para kan 78th IB Commander Lt Col. Oliver Arviol, natalab na an ginbubuhat han mga local nga gobyerno sama han retooled community support program (RCSP) kun diin ginhuhumay han taga army ngan LGU an mga problema han taga barangay ngan hinay hinay nga iginhahatag an ira kinahanglan.

An RCSP team in nakadto han igintutudlok han military nga ginpupugaran han mga NPA.

Para naman kan Imelda Bonifacio han Office of the Presidential Adviser on the Peace Process (OPAPP-8), natatagan pagtagad an mga iginproproponer ha ginbubuhat nga mga dialogue ha barangay pinaagi han RCSP.

Kaapi na gihapon dinhi an mga gin-opreser nga skills training han TESDA nga amo an nangunguna han tinatawag nga Poverty Reduction Livelihood and Employment Cluster (PRLEC) na nakahatag na hin haros P16-M ha maabot 1, 234 nga katawhan ha tulo nga barangay han Can-avid ngan walo nga barangay han Dolores. (nbq/PIA E. Samar)

https://pia.gov.ph/news/articles/1066367