MARAMAG, Bukidnon, Agosto 20 (PIA)—Laing tulo (3) pa ka mga miyembro sa New People's Army kon NPA ang boluntaryong misurender sa 88th Infantry "Maringal" Battalion Headquarters sa South Poblacion, Maramag, Bukidnon human nadungog ang pag-surender sa ilang dose ka kauban niadtong Agosto 14.
Kining dugang 3 nga mi-surender mga miyembro sila sa Malayag 1, Guerilla Front Malayag, SRC2, NCMRC ubos sa ‘command’ ni alyas ‘Ricky’ nga nag-operate sa mga lugar sa Cabanglasan, Bukidnon
Uban sa gi-surender sa mga nasangpit nga rebelde ang usa ka Carbine M1 Rifle, duha ka binuhat nga Shotgun, ug usa ka ‘home-made pistol revolver’.
Matud pa ni alyas ‘Kuyaw’ usa ka regular member sa NPA nga grabe nga ka hadlok ang ilang gibati para sa ilang kinabuhi samtang naa sila sa lasang. Nahadlok sila nga mangamatay sa wa’y hinungdan nga pama-agi. Nakuyawan nasad daw sila kay daghan na ang nag-surender. Miingon siya nga mas maayo nalang daw ug mag-surender nalang pud sila.
Mahinumduman nga dunay nahitabong sunod-sunod nga engkwentro tali sa grupong Guerilla Front Malayag ug tropa sa kasundalohan sa lungsod San Fernando ug Cabanglasan gikan bulan sa Mayo hangtod sa Hulyo nga miresulta sa pagkamatay ug pagkasamdan sa mga NPA, ug pagkabungkag sa ‘hideout’ sa teroristang grupo.
Matud ni Lt Col. Franklin Fabic, Commanding Officer sa 88IB, nalipay siya nga nahibal-an nga daghan pa diay ang mga miyembro sa GF Malayag nga gusto nang mobalik sa sabakan sa balaod.
Tungod niini gi-awhag niya ang ubang mga miyembro nga mo-surender aron makabenepisyo sa nagkalain-laing programa sa gobyerno pinaagi sa Enhanced Comprehensive Local Integration Program (E-CLIP).
Ang E-CLIP usa ka programa sa gobyerno alang sa mga kanhi rebelde ug sakop sa ilang pamilya diin makadawat sila sa mga mosunod: Immediate Assistance, Livelihood Assistance, Libreng edukasyon, ug balay sa mga miyembro niini. Naa pay dugang benepisyo’ng pinansyal alang sa mga mi-surender nga nagdala ug armas.
Gi-awhag ni Lt Col. Fabic ang mga nahabilin nga miyembro sa teroristang grupo sa GF Malayag nga gipamuno-an ni alyas ‘Migs’ nga unta mag-surender na karon ug pahimuslan ang mga programa sa gobyerno alang kanila ug alang sa ilang pamilya samtang naa pa ang kahigayonan. (CMO, 88IB, 4ID, PA/PIA Bukidnon)
https://pia.gov.ph/news/articles/1050887
No comments:
Post a Comment
Note: Only a member of this blog may post a comment.