178 kanhi NPA balayan sa gobyerno

From Superbalita Cagayan de Oro (Jun 30, 2019): 178 kanhi NPA balayan sa gobyerno

DILI tiaw nga benipisyo ang madawat sa New People's Army (NPA) kun mobalik kini sa sabakan sa gobyerno.

Kini ang gibutyag ni Brigadier General Edgardo De Leon kinsa commander sa 403rd Brigade sa 4th Infantry Division Philippine Army.

Gawas sa Enhanced Comprehensive Local Integration Program (E-clip), mahatagan pa sila og kaugalingong balay ug dako og tsansa nga mamahimong sundalo.

Dugang ni De Leon kini nga programa nahitabo lamang sa pamunuan ni Presidente Rodrigo Duterte.

Matud ni De Leon nga daghan karon ang nag-apply sa libreng pabahay dinhi sa Cagayan de Oro diin duna nay mga gi-asikaso nga mga housing village alang sa mga kanhi rebelde ingon man sa Bukidnon dunay 178 na nga gi-proseso alang sa housing.

Dugang niini nga unang higayon nga adunay mass enlistment sa mga kanhi rebelde nga mobalik sa sabakan sa gobyerno, ning bag-o 15 ka kanhi rebelde hingpit na nga nahimong sundalo.

Tungod niini nga talagsaong oportunidad nga mahatagan og maayong kinabuhi nga dili makig-giyera ug magtago tago sa kabukiran, giawhag ni De Leon ang walhong grupo nga manurender.

"Gusto ko lang ulit-ulitin lalo na andon pa sa underground sa tinatawag nilang hukbo sumunod na kayo sa mga nagbabalik loob. Yong mga commanders alam namin na pinipigilan niya ang inyong mga kasamahan na magbalik loob hirap na hirap na marami na ang nagsasabi ng mga nagsurender recently. Hirap na sila pero ang ginagawa na kailangan nilang tumakas dahil yong mga kumander pati pag-ihi at pagdumi binabantayan dahil dumadami na ang tumatakas," butyag niini.

Nanawagan kini sa mga kumander sa NPA nga adunay localized peacetalk sa mga mayor, kapitan, gobernador, kaparian nga andam motabang kanila sa pagbalik sa gobyerno aron mahatagan og igong benipisyo.

https://www.sunstar.com.ph/article/1812156?fbclid=IwAR0fQDmI_ubPpwEFNDXPRtW14kSXBjMZUiAInyke4mAulrG6BHi-uyqUlCU