MAGNO UDYAW
NPA-MOUNTAIN PROVINCE (LEONARDO PACSI COMMAND)
NEW PEOPLE'S ARMY
JUNE 30, 2019
Apresyaren ti Leonardo Pacsi Command (NPA – Mt. Province) ti narimbaw a takder dagiti kapamilya ken kailian dagiti tallo nga iAgawa a biktima ti pammapatay ken dagiti daddumapay a maseknan nga umili ti Mt. Province ken Abra a gun-oden ti hustisya babaen ti nainkappiaan a pamuspusan imbes a bales wenno tribal war.
Gapu ti nabayag a kapadasan ken praktika ti tribal war iti un-unana a panawen, nakita dagiti umili ti pagdaksan na daytoy ket nabirukan da ti mas nainkappian a wagas ti panagrisut iti kontradiksyon ken pinasingkedan da daytoy babaen iti panagbukel iti PEDEN (Peacepact) ken panagaramid ti PAGTA (Katulagan) kas mekanismo ti panangitultuloy iti nasayaat a relasyon, panangsalaknib iti aglawlaw ken kinabaknang, panagrespeto iti karbengan dagiti tribu.
Maysa a rebbengen ti NPA ti mangrisut kadagiti kontradiksyon iti intar ti umili ken baet dagiti tribu.Iti baet wenno intar dagiti marigrigat nga umili ken tribu ket mausar ti nainkappian wagas, ngem nu iti baet ti dasig ti marigrigat kontra iti mananggundaway a dasig nga agus-usar iti ranggas tapno agturay, mausar ti pamusmusan nga antagonistiko wenno armado.
Kabayatan na, bigbigen ti NPA ti panagraira ti sumagmamano pay a positibo nga aspeto ti nainsigudan a sosyo-politika nga istruktura ken praktika iti panangsango inggana panangrisut kadagiti kaso iti intar ti umili ken nagbabaetan dagiti tribu/il-ili. Kolektibo a risrisuten ti umili dagiti problema wenno kontradiksyon.
Mapadur-as pay daytoy a bileg ti umili babaen ti panangingato iti syentipiko a panag-imbestiga ken panag-amiris, Rumbeng laeng a denggen ti agsinnumbangir, itandudo dagiti karbengan dagiti maseknan iti kaso ken ipalawa iti partisipasyon ti umili.
Adun ti kapadasan ken rinisrisut ti NPA a kontradiksyon iti baet ti umili iti nadumaduma a paset ti pagilyan babaen ti Rebolusyonaryo a Korte ti Umili.
Partikular iti Kordilyera, iti direkta ken saan a direkta a tulong ti NPA, adu dagiti narisut a kontradiksyon iti baet dagiti trib-tribu ken napasardeng ti tribal wars iti maysa a panawen. Naiturong ti husto nga armas ken panagkaykaysa dagiti tribu iti komon a kabusor. Sinupyat da ti pannakaitakder ti uppat a dadakkel a Dam iti karayan Chico a manglayus ken mang-agaw iti il-ili ken kinabaknang ti umili idi 1970s inggana 1980s. Nagresulta daytoy iti pannakabukel ti natibker ken aktibo a timpuyog dagiti Peace Pact Holders iti intar dagiti pinednan (binudngan) ken daddumapay a mananakem iti Kordilyera. Timmulong ti NPA iti pannakarisut ti adu a problema kas iti Maeng-Bikigan mainaig iti panang-ambus ti pwersa ti reaksyonaryo nga estado kadagiti NPA a nakatayan ti taga Bikigan (1980s-1990s); iti baet ti Dalican ken Pidlisan (1998-2004) mainaig iti danum ken beddeng (boundary); iti baet ti Butbut – Betwagan (2001-2004) mainaig iti beddeng (boundary conflict). Timmulong met laeng ti NPA ken dadduma pay a progresibo nga organisasyon iti pannakarisut ti kontradiksyon ti Lias – Betwagan (1993-2000s) mainaig iti kaso ti panagpatay dagiti CAFGU iti taga Lias numanpay daytoy ket nakibiang ti LGU iti maudi a paset; iti baet ti Tonglayan – Basao (2007-2008), mainaig iti pammapatay a napasamak idi 1960s; problema ti Madepdeppas – Tulgao mainaig iti kaso a panagpatay ti immuna iti maud-udi; timmulong ti NPA iti panangrisut iti baet ti Mainit – Sakasakan mainaig iti panagragadi iti kayo iti sakop ti Mainit ken natukar ti usapin ti boundary a duron ti kinakurang ti kayo a maragadi iti sakop ti naud-udi ken adu-adu pay a kontradiksyon iti intar ti umili. Kadagitoy a napaneknekan ken nabigbig ti kinahusto ti rebolusyonaryo a pamuspusan ti panagrisut iti problema a babaen iti tungtongan.
Ti rebolusyonaryo a sistema ti hustisya ket dakkel ti pagdumaan iti reaksyonaryo a sistema ti hustisya nga ipagpagna ti reaksyunaryo nga gobyerno. Itantandudo ken ipatpatungpal ti Rebolusyonaryo a Demokratiko a Gobyerno ti Umili dagiti linteg a mangsalwad ken mangitandudo kadagiti basaran a demokratiko a karbengan ti umili nangruna dagiti marigrigat. Kabayatan na, ti sistema ti hustisya ti reaksyunaryo nga estado ket napnuan anomalya.. Iti sidong ti rehimen US-Duterte a mangibagbaga a kontra isuna iti droga, korapsyon ken kriminalidad, iti aktwal siwayawaya dagiti dadakkel a kriminal ken dadakkel a kurakot a politiko, drug lords, , gamrud kadagiti natural a rekurso a mangdaddadael ti aglawlaw, mananggamgam kadagiti nalalawa a dagdaga, ken dadduma pay kontra-umili ket agtultuloy ti aramid da.
Awan sabali a tartarigagayan ti CPP-NPA-NDF/CPDF nu saan a ti napaspas a pannakaipaay ti hustisya kadagiti biktima nga i-Agawa ken ti pannakarisut dagiti aniaman a kontradiksyon a pinataud wenno patauden ti napasamak iti baet dagiti umili iti agkabangibang a probinsiya ti Abra ken Mt. Province. Pairuten ti panagkaykaysa ken panagtitinnulong tayo tapno marisut ti problema ken sanguen tayo ti kangrunaan a kontradiksyon ken pudno a kabusor – dagiti mananggundaway ken manangidadanes nga imperyalista, dadakkel a burgesya kumprador ken appo’t daga ken dagiti alipures da.
FETAD! Peoples’ War saan a Tribal War!
Hustisya para kadagiti biktima ti bulok a Kagimongan!
Hustisya kadagiti biktima ti kinaranggas!
https://www.philippinerevolution.info/statement/itandudo-ti-rebolusyunaryo-a-hustisya-para-kadagiti-i-agawa-ken-amin-a-biktima-ti-kinaawan-hustisya/
Apresyaren ti Leonardo Pacsi Command (NPA – Mt. Province) ti narimbaw a takder dagiti kapamilya ken kailian dagiti tallo nga iAgawa a biktima ti pammapatay ken dagiti daddumapay a maseknan nga umili ti Mt. Province ken Abra a gun-oden ti hustisya babaen ti nainkappiaan a pamuspusan imbes a bales wenno tribal war.
Gapu ti nabayag a kapadasan ken praktika ti tribal war iti un-unana a panawen, nakita dagiti umili ti pagdaksan na daytoy ket nabirukan da ti mas nainkappian a wagas ti panagrisut iti kontradiksyon ken pinasingkedan da daytoy babaen iti panagbukel iti PEDEN (Peacepact) ken panagaramid ti PAGTA (Katulagan) kas mekanismo ti panangitultuloy iti nasayaat a relasyon, panangsalaknib iti aglawlaw ken kinabaknang, panagrespeto iti karbengan dagiti tribu.
Maysa a rebbengen ti NPA ti mangrisut kadagiti kontradiksyon iti intar ti umili ken baet dagiti tribu.Iti baet wenno intar dagiti marigrigat nga umili ken tribu ket mausar ti nainkappian wagas, ngem nu iti baet ti dasig ti marigrigat kontra iti mananggundaway a dasig nga agus-usar iti ranggas tapno agturay, mausar ti pamusmusan nga antagonistiko wenno armado.
Kabayatan na, bigbigen ti NPA ti panagraira ti sumagmamano pay a positibo nga aspeto ti nainsigudan a sosyo-politika nga istruktura ken praktika iti panangsango inggana panangrisut kadagiti kaso iti intar ti umili ken nagbabaetan dagiti tribu/il-ili. Kolektibo a risrisuten ti umili dagiti problema wenno kontradiksyon.
Mapadur-as pay daytoy a bileg ti umili babaen ti panangingato iti syentipiko a panag-imbestiga ken panag-amiris, Rumbeng laeng a denggen ti agsinnumbangir, itandudo dagiti karbengan dagiti maseknan iti kaso ken ipalawa iti partisipasyon ti umili.
Adun ti kapadasan ken rinisrisut ti NPA a kontradiksyon iti baet ti umili iti nadumaduma a paset ti pagilyan babaen ti Rebolusyonaryo a Korte ti Umili.
Partikular iti Kordilyera, iti direkta ken saan a direkta a tulong ti NPA, adu dagiti narisut a kontradiksyon iti baet dagiti trib-tribu ken napasardeng ti tribal wars iti maysa a panawen. Naiturong ti husto nga armas ken panagkaykaysa dagiti tribu iti komon a kabusor. Sinupyat da ti pannakaitakder ti uppat a dadakkel a Dam iti karayan Chico a manglayus ken mang-agaw iti il-ili ken kinabaknang ti umili idi 1970s inggana 1980s. Nagresulta daytoy iti pannakabukel ti natibker ken aktibo a timpuyog dagiti Peace Pact Holders iti intar dagiti pinednan (binudngan) ken daddumapay a mananakem iti Kordilyera. Timmulong ti NPA iti pannakarisut ti adu a problema kas iti Maeng-Bikigan mainaig iti panang-ambus ti pwersa ti reaksyonaryo nga estado kadagiti NPA a nakatayan ti taga Bikigan (1980s-1990s); iti baet ti Dalican ken Pidlisan (1998-2004) mainaig iti danum ken beddeng (boundary); iti baet ti Butbut – Betwagan (2001-2004) mainaig iti beddeng (boundary conflict). Timmulong met laeng ti NPA ken dadduma pay a progresibo nga organisasyon iti pannakarisut ti kontradiksyon ti Lias – Betwagan (1993-2000s) mainaig iti kaso ti panagpatay dagiti CAFGU iti taga Lias numanpay daytoy ket nakibiang ti LGU iti maudi a paset; iti baet ti Tonglayan – Basao (2007-2008), mainaig iti pammapatay a napasamak idi 1960s; problema ti Madepdeppas – Tulgao mainaig iti kaso a panagpatay ti immuna iti maud-udi; timmulong ti NPA iti panangrisut iti baet ti Mainit – Sakasakan mainaig iti panagragadi iti kayo iti sakop ti Mainit ken natukar ti usapin ti boundary a duron ti kinakurang ti kayo a maragadi iti sakop ti naud-udi ken adu-adu pay a kontradiksyon iti intar ti umili. Kadagitoy a napaneknekan ken nabigbig ti kinahusto ti rebolusyonaryo a pamuspusan ti panagrisut iti problema a babaen iti tungtongan.
Ti rebolusyonaryo a sistema ti hustisya ket dakkel ti pagdumaan iti reaksyonaryo a sistema ti hustisya nga ipagpagna ti reaksyunaryo nga gobyerno. Itantandudo ken ipatpatungpal ti Rebolusyonaryo a Demokratiko a Gobyerno ti Umili dagiti linteg a mangsalwad ken mangitandudo kadagiti basaran a demokratiko a karbengan ti umili nangruna dagiti marigrigat. Kabayatan na, ti sistema ti hustisya ti reaksyunaryo nga estado ket napnuan anomalya.. Iti sidong ti rehimen US-Duterte a mangibagbaga a kontra isuna iti droga, korapsyon ken kriminalidad, iti aktwal siwayawaya dagiti dadakkel a kriminal ken dadakkel a kurakot a politiko, drug lords, , gamrud kadagiti natural a rekurso a mangdaddadael ti aglawlaw, mananggamgam kadagiti nalalawa a dagdaga, ken dadduma pay kontra-umili ket agtultuloy ti aramid da.
Awan sabali a tartarigagayan ti CPP-NPA-NDF/CPDF nu saan a ti napaspas a pannakaipaay ti hustisya kadagiti biktima nga i-Agawa ken ti pannakarisut dagiti aniaman a kontradiksyon a pinataud wenno patauden ti napasamak iti baet dagiti umili iti agkabangibang a probinsiya ti Abra ken Mt. Province. Pairuten ti panagkaykaysa ken panagtitinnulong tayo tapno marisut ti problema ken sanguen tayo ti kangrunaan a kontradiksyon ken pudno a kabusor – dagiti mananggundaway ken manangidadanes nga imperyalista, dadakkel a burgesya kumprador ken appo’t daga ken dagiti alipures da.
FETAD! Peoples’ War saan a Tribal War!
Hustisya para kadagiti biktima ti bulok a Kagimongan!
Hustisya kadagiti biktima ti kinaranggas!
https://www.philippinerevolution.info/statement/itandudo-ti-rebolusyunaryo-a-hustisya-para-kadagiti-i-agawa-ken-amin-a-biktima-ti-kinaawan-hustisya/
No comments:
Post a Comment
Note: Only a member of this blog may post a comment.