NPA-Central Negros propaganda statement posted to the Communist Party of the Philippines (CPP) Website (Mar 21): Masupog nga Intel Asset sang AFP kag PNP sa Guihulngan Ginsilotan
JB Regalado, Spokesperson
NPA-Central Negros (Leonardo Panaligan Command)
21 March 2018
Press Release
Ang LPC-NPA lubos naga-angkon sang madinalag-on nga pagpatuman sang silot-kamatayon kay Rene Torres sang Brgy. Buenavista, Guihulngan City, Negros Oriental.
Natigayon ang pagsilot kay Rene sadtong Marso 21, 2018 alas 4:00 sa kaagahon sa Brgy. Basak, Guihulngan matapos nga napamatbatan sang rebolusyonaryong korte sang pumuluyo.
Si Rene Torres masupog nga intel asset sang AFP kag PNP nga masami nagapanilag sa mga hulag sang NPA. Sekreto ini nga nagareport sa mga malapit nga detachment sa ila lugar labi na gid sadto sa 11th IBPA nga nadestino sa Brgy. McKinley kag Brgy. Buenavista. Nagareport man ini sa mga kapulisan sa Guihulngan.
Sa mga ulihi nga bahin pa sang dekada ‘90 nga ginasundan na sang NPA si Rene sa iya mga hulag. Ang iya pagnegosyo ukon pagbaligya sang mga kasapatan isa lamang ka pamaagi agud makatikma kag makapatay sang NPA.
Sugod tuig 2000-2017, madamo na nga tion nga naistorya sang NPA si Rene kag ginpa-andaman. Apang sa gihapon padayon siya sa iya mga hulag bilang intel asset sang AFP kag PNP. Si Rene Torres isa sa mga makinaryas sang AFP kag PNP Guihulngan nga may kahilabtanan sa nagkalatabo nga serye sang pagpamatay sang mga inosenteng sibilyan sa Guihulngan.
Gani, ang LPC padayon nagapanawagan sa mga suspek kag may kahilabtanan sa serye sang pagpamatay sa Guihulngan. Sa madali nga panahon, magsurender sang inyo kaugalingon sa malapit nga yunit sang NPA diin kamo nahamtang, bukas kag tampad sa pagkooperar agud klaruhon ang inyo mga kaso. Segurado, ang NPA padayon gid maglagas sa inyo matapos nga mapamatud-an sang rebolusyonaryong korte sang pumuluyo.
No comments:
Post a Comment
Note: Only a member of this blog may post a comment.