National Democratic Front propaganda statement posted to the Communist Party of the Philippines Website (Mar 27): Mapasalamaton ang NDF-North Central Mindanao Region (NCMR) sa Local Third Party Facilitators (LTPF)
Ka Cesar Renerio, Spokesperson
NDFP North Central Mindanao
27 March 2017
Press Release
Mapasalamaton ang NDF-North Central Mindanao Region (NCMR) sa Local Third Party Facilitators (LTPF) pinaagi sa Philippine Ecumenical Peace Platform (PEPP) sa pagpangulo nila ni Archbishop Antonio Ledesma, Bishop Felixberto Calang ug uban pang lideres sa Kristohanong Simbahan sa paghimo sa tanang paningkamot alang sa paghawan sa dalan sa dali ug luwas nga pagbuhi sa POW nga si PO2 Anthony Natividad.
Subling nakakita og kahayag ug paglaum ang tibuok rebolusyonaryong pwersa sa NCMR sa bag-ong kalamboan sa pagpadayon sa temporaryong nahunong nga peace talk tali sa NDFP ug GRP. Busa isip pagpakita og pagsuporta sa malampusong pagpahigayon niini karong unang semana sa Abril niining tuiga, ang NDF-NCMR andam nang mobuhi sa nabihag sa gubat nga si PO2 Anthony Natividad.
Si POW Natividad sa pagkakaron luwas ug anaa sa maayong kahimtang sa panglawas. Human sa makuting pagsubay sa iyang pagkatawo ug sa iyang pagka-pulis, napamatud-ang wala kini’y nahimong dagkung salaud sa katawhan ug walay igong rason sa padayong pagdetiner kaniya. Ang iyang custodial force nagapaabot na sa mando gikan sa NDF-NCMR alang sa luwas ug hapsay nga pag-release kaniya.
Ug tungod niini, mohangyo na usab ang NDF-NCMR sa LTPF sa pagpadangat ngadto sa Local Crisis Committee (LCC), sa AFP pinaagi sa 4th ID PA ug partikular sa 403rd Bde, ug sa Regional ug Provincial PNP sa among demand pagmugna og maayong kahimtang sa pag-release alang sa kaluwasan sa tanang grupo ug indibidwal nga malambigit niini nga okasyon ug ilabina sa POW ug sa iyang pamilya mismo.
I-demand sa NDF-NCMR ang Suspension of Military Operations (SOMO) sa AFP ug Suspension of Police Operations (SOPO) sa PNP sulod sa napulo (10) ka adlaw sugod Marso 27 hangtud Abril 6 sa mga lugar nga gitakda sa ubos:
1. Talakag –15 ka baryo
2. Lantapan –14 ka baryo
3. Baungon –10 ka baryo
4. Malaybalay City(tampi sa Mt. Kitanglad)– 10 ka baryo
5. Pangantucan –10 ka ka baryo
6. Kalilangan –5 ka baryo
7. Valencia City (tampi sa Mt. Kalatungan)–10 ka baryo
Ang tanang nahisgutang lungsod ug syudad sa ibabaw pulos sakop sa probinsya sa Bukidnon.
Ang positibong tubag sa AFP ug PNP niini nga mga demand ang makapapaspas sa pag-release kang POW Natividad. Motugbang pagpakanaug og kamandoan sa hunong-buto ang NDF-NCMR ngadto sa field units sa NPA nga naga-opereyt sa nahisgutang mga lungsod ug syudad human ang AFP ug PNP mouyon sa mga demand nga nahisgutan sa ibabaw ug human kini makahatag og kopya sa sinulat nga kamandoan sa SOMO ug SOPO ngado sa LTPF. Ang aktwal nga lugar, petsa ug oras sa pag-release sa POW ipadangat sa NDF-NCMR ngadto sa LTPF sa tukmang panahon.
No comments:
Post a Comment
Note: Only a member of this blog may post a comment.