Waray News: Presidente Duterte gin aghat an mga sundalo nga batonon an ayat pankamurayaw ngan seguridad

From the Philippine Information Agency (Feb 1): Waray News: Presidente Duterte gin aghat an mga sundalo nga batonon an ayat pankamurayaw ngan seguridad

Si Presidente Rodrigo Duterte nanguna san paghurar san mga bag-o nga na promote nga mga heneral san military  ngan flag officers kahapon, Enero 31, kon diin gintagan bug-at an kaimportante san papel san sundalo san pag uswag san nasud pinaagi san pagpatuman san kamurayaw ngan seguridad.

Sa iya pagbagaw durante san iya panhurar sa Malakanyang, an Presidente naghangyo san mga bag-o nga opisyales nga bantayan an interes san nasud ngan magbulig san pag implemetar san mga reporma sa gobyerno.

“Dida san pagtrabaho naton pagpatuman san reporma san ngatanan nga ahensya san gobyerno, laum ko nga magpabilin kamo nga mga maupay nga opesyales nga nagbubutang san interes san organisasyon, sa nasud ngan san mga tawo sa bawbaw san personal nga konsiderasyon,” pamulong san Presidente.

“Hunahunaa nga an iyo careers nagtutubo kaupod an iyo responsabilidad. Ngani, iton nga ginkurian nga stars san iyo sugbong, tama la nga iyo iton hamison ngan padayon nga painggaton nga wara dum-it, dugang san Presidente.

Otro nga ginpahamtang san Presidente an iya panawagan san mga sundalo nga magpabilin nga loyal san bandira ngan san batakan balaod ngan maghugot inspirasyon tikang san kamaisog san aton mga ninuno.

Ginhangyo niya an mga sundalo nga bumulig pagbaton san yana nga gin-aatubang san nasud labi na dida san problema san druga ngan extremism.

Sugad niya,  40 porsyento san mga kapitan san barangay in nahidadabi san panbaligyaan san druga ngan 6 mil nga mga kapulisan an ada gihapon nahidadabi.

Sayo nga pamaagi pagwara san druga, ginkokosiderar san Presidente an pagbalik san Alunan doctrine, an palisiya nga nagtutuyang sin duha la nga police security nga personahe o bodyguards sa tagsa nga politiko.

An local nga opisyal nga ada san sindikato san droga, labi san sa Mindanao, yaun tigdamo nga convoys o damo nga alalay kumo tahob san pagpadalagan san druga, sugad ni Duterte.

Pagdidid-on niya an subra nga security, an Executive Secretary in naghihimo yana san mando paglimit san numero san personahe nga security san politiko.

Sayo liwat nga tarhog sa nasud mao an extremism pareho san Abu Sayyaf nga grupo.

Padayon yana an pakig ato sa Mindanao. Kinahanglan mapatuok an away sa Mindanao. Diri naton tutuyangan nga sira magdamo ngan magwarak tungod kay an pinaka delikado mao an ginsusugad nga scholars, sugad san Presidente.

Sa nakuha nga impormasyon, tikang san local nga mga liders ngan military, yaun upat nga Arabu an nagli lecture sa Mindanao mahiunong san extremism, sugad san Presidente.

http://news.pia.gov.ph/article/view/1261485932961/waray-news-presidente-duterte-gin-aghat-an-mga-sundalo-nga-batonon-an-ayat-pankamurayaw-ngan-seguridad